يا جماعة الخير انا ابتلاني الله بمرض فصام الشخصية والحمد له على كل حال!!
ولكن القصة هي في عدم قدرتي على العمل بشكل جزئي..
وتوظفت مرتين وانفصلت من عملي بسبب نوبات الاكتئاب الذهاني القوية اللي تصيبني وتستمر هذي النوبات معي احيانا لمدة اسبوع كامل حتى لدرجة اني اروح مستشفى الصحة النفسية ويعطوني مهدئات ولا تفيدني نهائيا!!
وحاليا مشكلتي الكبيرة هي ان اكثر الوظائف المقدم عليها اذا علمتهم ان عندي فصام في الشخصية مايقبلوني نهائيا مع ان نسبتي بالثانوية 91% والكلية معدلي 4.24 من 5..
والحين عمري ضاع 30 سنة لا وظيفة ولا عندي اي مصدر دخل غير الوالد الله يحفظه قاعد يصرف علي..
والحين ابي اعرف هل يوجد وظائف مخصصة للناس اللي حالتهم مثل حالتي؟؟
وهل يشملني الضمان الاجتماعي لو مثلا قدمت عليه ويعطيني مكافأة مثلا شهرية؟
مع العلم ان عندي ايضا امراض عضوية مع الفصام والاكتئاب وهي ارتجاع في المريء والتهاب في المعدة والمسالك البولية..

وبعدين ليش ما يهتمون بهذي الفئة مثل فئة المعاقين جسديا ويعطونهم مميزات وفرص وظيفية ام ان هذي الفئة من الفئة الضالة والا الفئة الفالة والا الفئة المنبوذة من المجتمع والا المنسية والا وش القصة بالضبط؟؟
وكيف نقدر نطالب بحقوقنا في التوظيف؟؟

اخوي اسال الله ان يشفيك لك حق تقدم على الضمان ولك راتب شهريا 1000 ريال ومقطوعه 10000الاف كل سنه بس راح يسجلونك مؤقتا وكل سنه تجدد تقريرك قدم عليهم والله يرزقك وسجل بحافز

الله يشفيك ويرفع عنك
أنا ماما عندها اكتئاب شديد و وسواس قهري ولكن أهملت نفسها والكل اهملها يعني ما ودوها تتعالج من البداية قلة وعي....اليوم حالتها جدا صعبه
لمن سألت أخصائي نفسي
قال لازم علاج لمثل هذي الحالات مو بس أدوية لأنها مؤقته لازم علاج معرفي سلوكي وممكن تحتاج
جلسات تنظيم ايقاع المخ
الله يشفيها و يشفي مرضى المسلمين
يارب يسهل لي وظيفة اقدر اوفر لها قيمة العلاج والجلسات
نصيحتي لك .....لاتهمل نفسك العلاج سهل بإذن الله مادمت تقدر تقوم بنفسك

أسأل الله العلي القدير أن يشفيك

تقدر تسجل بالتأهيل والضمان وتأخذ مساعده مقطوعه
أسأل الله أن يشفيك وتابع مع دكاترة يكونون زينين بذات يكونون سعوديين وذا تقدر تروح الحرس وطني
وتقبل وضعك وساعد نفسك الله يهدي بالك
ويرفع عنك وعن وعن كل مريض

شفاك الله وعافاك
ومرضى المسلمين ي رب

علاجك ان شاءالله ماهو بالصعب
يلزمك مع الادويه علاج سريري وذهني وارشاد نفسي
الادويه ماتنفع لحالها

والله يرزقك بالوظيفه ويرزقك من حيث مالا تحتسب