السسلام عليكم
كيف الحال اخواني خواتي
عندي بعض الاسئله ابي اجابتها على فكره رايح لمكه اليوم
اللي بيجاوبني بدعي له من كل قلبي سواء اللي جواب ولالا

انا عندي قريب ال50 الف ريال واقدر اتسلفها من الوالد
لان عندي فكره مشروع
اللي هي سطحه انا ف الجامعه ولا اقدر اشتغل عليها واوصل من الرياض للقصيم او غيره
فكرت اني اجيب لي عامل يمني وكلمت واحد كان ابوه يشتغل عندنا وهو بس مع حمله تصحيح العماله نقلناه
قال عندي ابن عمي واضمنه لك من عندي وبيني وبينكم انا اثق فيه لانه دايم يطلعني من المدرسه ايام المتوسط ههههههههههه والرجال ثقه ما يحتاج

الفكره اني اشتري سطحه وانفظها له وازبطها واسلمه اياه
والاسئله
س1 بكم سعر السطحات واحسن شي بشرط المكيف وفيه ب6 مسامير ومدري ايش ابي احد يشرحها لي
س2 قطع غيارها غاليه ولا رخيصه
س3 كم اخذ عليه كل شهر وهو يتكفل بكل شي مثل تأمين كفرات ديزل زيت وغيره
س4 هل لازم يكون ع كفالتي لان الموتر باسمي ومعه رخصه عمومي واي عمومي ثقيل ولا متوسط عشان يقدر يتنقل بين المدن بدون قروشه التفاتيش
س5 رايكم بالمشروع لان واحد قالي اشتغل عليها بنفسك وانا والله مشغول اروح واجي مع الوالد ودوام جامعه ودوام جزئي كل ليل

لا تحرموني انا ناوي بعد العيد اشتريها بس علموني وجاوبو ع اللي فوق وشكرا لكم

موفق خير .

-------
50 الف حاول تاخذ ايسوزا او موستبيشي / اهم شي نظافه الموتور والسطحه نظيفه .
-------
اي رخصه عمومي تمشي الحال .
-------
لازم يكون باسمك حتى لا يعمل مشاكل من المرور وتوقيفات . او تعمله وكاله قيادة من المرور .

---------
في البدايه خذ عليه 3 الاف ريال بعدين خذ 5 الاف ريال اذا عرف الشغلة .

/ المهم السائق شغال كداد اي شغل يروح بعضهم اذا طلع 100 ريال ف اليوم راح نام .

ودخلها الشهري من 9 الى 18 الف ريال حسب نفس الرجال الي بشتغل .

الله يجزاك خير ابو سعود
وش نصايحك بعد افدني والله متحمس ودي اخلص كل شي قبل شهر 11

هلابك اخوي
مشروع السطحه جميل .. ولاكن !!للي يشتغل عليها بنفسه او تكون عنده اكثر من سطحه

اخوي 50 الف مراح تجيبلك سطحه نظيفه وانت تبي الدخل يكون ممتاز والممتاز يحتاج مسافات طويله تقدر السطحه تشيل السياره من بلد لبلد
50 الف راح تجيبلك سطحه بين الجيد والجيد جدا
واذامعزم وما بذنك ماي
لازم يكون السواق سعودي او عامل على كفالتك تكون بعيد عن المخاطره عن المخالفات والحين اذا شغلت عامل مو على كفالتك او مثلا جايبه خياط وتشغله سواق فيها سجن للكفيل وغرامه

لو عزمت وجبتلك عامل على الكفاله ومشيت قانوني عامل سواق
الافضل انك تتفق معاه يجيبلك فلوس بشكل يومي مبلغ معين مايزيد عن 200 او 150 ريال على الاقل بدايه .. عاد هو دخل في اليوم 1000 ريال مالك شغل فيه تاخذ 150 وتمشي كنك ماجرت السطحه على العامل لن صعب تعرف كم سياره شال باليوم وهو يتكفل بتصليح السياره والاهتمام فيها
بس قبل كلشي وقبل لا تاخذ السياره وانا اخوك طير مكتب العمل وقولهم ابي اجيب سواق لسطحه وش المطلوب والله يعينك
في واحد من ربعي شاري راس تريله وطلب سواق قالوله لازم تشغل سعودي ونعطيك تاشيره .. مافهمت السالفه منه صح لني انا متعق من متطلبات مكتب العمل السعودي عشان كذا انا ناقل كل استثماراتي البحرين

الله يجزاكم خير

العامل اذا يشتغل عندك وهو ماهو على كفالتك غرامه وسجن الضاهر غرامه100 الف انتبه

لاكن يابحذا لو انت تشتغل بنفسك تطلع فلوس او دورلك سواق يبي كفيل بالسعوديه ترا لو تدور ان شاء الله تحصل وتنقله على كفالتك

ياحبذا ** <----- لتعديل الخطأ ^_^