السلام عليكم ورحمة الله وبركاته

عندي واحد من الشباب تم ترشيحه لكن جاته فرصه يكمل دراسته وسالني عن طريقة الاعتذار عن الوظيفه واخر موعد للاعتذار عن الوظيفه؟

و عليكم السلام و الرحمه ..

نصيحتي لخويك أنه يلغي فكرة الدراسه حتى وقت أخر , الوظائف في الوقت الحالي شحيحه و بشروط كل سنه متجدده ..

و الماستر ما عاد يسوى شي , لان وظائفه المطروحه قليله و كثرة خريجيه كل سنه ..

و إذا كان صامل يروح الخدمة المدنيه و يفيدوه , اتوقع يعطوه ورقه يكتب فيه اعتذاره او نحو ذلك

موفق ..

بعد المطابقة راح ندخل تكامل يعني عالاسبوع الجاي تقريبا في خانه اسمها اعتذار يقدم اعتذار بعدين يمر على ادارة التربية والتعليم في المنطقة الي ترشح فيها وياخذ ورقة حقت الغاء تعيين

تبغى نصيحتي
يتوكل ويروح ويترك مواصلة الدراسة انا مخلص وجالس اخرها رجعت بالبكالوريوس وقدمت

ما ادري وش جووه وهو يدخل على المفاضلة .. في اﻻساس وش خﻻك تسجل عطلت خلق الله ..

يعني طقت براسه يكمل دراسه بعد ماترشح ! مو معقول صار دافور فجئه !
اكيد انه مفكر يكمل من زمان طيب ليش يقدم ويحرم غيره
والا المساله (ودي اشوفني وانا طالع اسمي )
نفس الفصيله موجوده عند البنات تقدم بالجنوب وهيا عارفه انها مستحيل تروح وفيه غيرها تقدر
الزبده قله يخليها خيره ولايعتذر الوظايف بالقطاره

نصيحة التقديمات تكون على البكالوريوس ماهي على الماجستير امسك الوظيفة هذي وخل الماستر في وقت آخر

الوظائف شحيحة وكل سنة اردى من الثانية من ناحية التعقيد والحين جايين المنتسبين في المفاضلات الجاية

وفي الاول والاخير استخر رب العالمين

الدراسة ملحوق عليها .. الوظيفة ما تتعوض

طريقة الاعتذار قالوها الاخوان فوق
بس انصح صديقك يراجع تفكيره ولا يستعجل، إلا لو كانت دراسته الجاية ضمن بعثتك ووظيفتك
الماجستير ماعاد ينفع إلا للي على راس العمل انه يكمل، اما الوظائف قليلة
لو يقبل باالوظيفة ويقدم على دراسات عليا عن طريق الوزارة افضل له
الله يوفقه للخير