السلام عليكم

لو كنت عاطل او دخلك ضعيف هل تفكر في الزواج ؟

استغرب من بعض الناس كيف يفكر في الزواج ودخله يالله يكفيه
اشوف انه اكبر خطأ انه يتزوج وحالته المادية سيئة جدا

صحيح كلامك حتى انا استغب منهم شكلهم مع نظام تزوج ويجيك رزقك مايدرون ان الارزاق ماتجي الى بفعل الاسباب

اعرف لي واحد تخرج من الثانوي وقعدعاطل وابوه زوجه بنت عمه وذهذا راح يتنقل من من حارس امن الى معقب وصارت مشاكل مع زوجته وبعد سنتين من المشاكل طلقها ونادم على الزواج

الرسول صلى الله عليه وسلم قال<من استطاع منكم الباء فليتزوج>

صادق
الزواج بالضبط مثل الوظيفه مع شوية فوارق
الوظيفه امان نفسي ومستقبلي واجتماعي
والزواج نفس الوضع
اي شخص يقدم ع الزواج بدون امان واستقرار وظيفي مشكله
حتى لما يتوظف وتكون وظيفته مقاول وماهوب رسمي

الارزاق بيد الله سبحانه صحيح
لكن بعد لابد بذل الاسباب

والحياه تاخذ اكثر من انها تعطي
الشخص لما يكون مسؤول عن نفسه
مسؤوليته لحاله بس يبي لها مصروف شهري كرجل
فما بالك اذا كان مسؤول عن زوجه وبيت وبعدها عيال
مشكله

والنفس تحب ودايم ودها بالتغيير
واكيد في سفريات حتى لو داخل المملكه
واقل الايمان مكه
لابد فيها مبلغ للسكن ومبلغ للاكل ومبلغ احتياطي لحاجيات وغيرها

حتى وان كان الاب هو اللي يصرف عليه وع زوجته
هذي صعبه
اللي يكون حر بماله غير لما يكون يطلب من ابوه ومقيد
وينحرج بالطلب خصوصا لو كان مبلغ وقدره


ف الافضل لاي شاب يأمن نفسه بالوظيفه وبعدها يقول اخطبولي

وَأَنْكِحُوا الْأَيَامَىٰ مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ ۗ وَاللَّهُ وَاسِعٌ عَلِيمٌ
ومع احترامي لرأيكم اخ عبد المجيد والاخت بنتن لقحطان..
اعرف ناس كثير تزوجوا وهم عاطلين وبعضهم فقراء وحالتهم معدمة وزواجهم دام بدون مشاكل وعيالهم الحين كبروا وحياتهم سالكة معهم من افضل ما يكون..
ولا تجعل مقياسك على تجربة واحدة لزواج فشل مقياس على كل الحالات هذا من جهة..
ومن جهة ثانية لو اخرت مثلا زواجي الين ما وصل عمري فوق ثلاثين سنة بحجة اني لازم اكون مرتاح ماديا ومؤمن لي دخل عالي او وظيفة وبيت متى راح اتزوج على كذا وانا سني فوق ثلاثين او خمسة وثلاثين سنة؟؟
وبعدين اذا جاني عيال وانا عمري مثلا 30 سنة وقتها اولادي بيكونون مراهقين وانا عمري 50 او 55 سنة وراح اتعب كثير في تربيتهم لاني خلاص صرت ضعيف ولا اقدر اسيطر على تصرفات اولادي المراهقين بسبب كبر سني وانتم تعرفون المراهق كيف تصرفاته تكون عنيفة واذا انحرف المراهق وسلك طريق الانحراف خلاص من الصعب انه يرجع وراح تتعذب ويعذبك معه في حياته وللاسف اعرف ناس كثير زي كذا اولادهم انحرفوا في سن المراهقة واباؤهم كانوا شيبان ولا قدروا يتصرفون معهم بسبب كبر سنهم واصبحوا عالة على اهلهم وعلى المجتمع..
يعني اللي بيأخر زواجه بعد سن 25 سنة هذا اشوف انه اكبر غلط لانه مافيه احد بيقوم بك ويعتنيبك اذا كبرت غير اولادك والزواج حاجة اساسية للانسان هدفها الحفاظ على النفس والنسل خصوصا بعد الكبر في السن وليس هدف الزواج كما يتخيله اكثر الناس الفلة والتماشي والفلوس وعشان كذا عندنا صارت مشاكل الزواج لا حصر لها بسبب المفهوم الخاطئ الذي يتبناه المجتمع حاليا عن الزواج

^
كلامك صحيح
لكن انا كنت اقصد ان الدنيا تاخذ اكثر مما تعطي
والغلا في كل مكان وفي كل شي

وحنا مانقول اخروا سن الزواج
بالعكس الواحد كل ما بكر بالزواج افضل ، يكفي انه تذا كبر لقى اولاده حوله وجنبه يسندونه ويشيلونه بوقت الحاجه

المساله نسبه وتناسب
والحالات الاجتماعيه تختلف ع حسب ظروفها واسبابها

مقابل متطلبات الحياه وظروفها
بيت ومدارس مستشفيات اكل شرب ، لبس وووو امور كثيره
هذا غير مصاريف الرجل بنزين وجوال وتصليح سياره او او

يعني راح يضطر للدين وللسلف
واعرف واحد من دين لدين متزوج وراتبه عساه يكفيه يسد حاجته وحاجيات عياله
وهذا هو مديون من كل جهه
من بنوك ومن ربع ومن أقارب


المساله نسبه وتناسب في المجتمع

UPPPPPPPP

موضوع يستحق النقاش .. بصراحه انا ضد الزواج اذا الوضع المادي سيئ
لانه بينعكس سلبا ع حياة الزوجين ..
بالنسبه لي انا متردد إني اقبل على ذي الخطوه لأني موظف جديد " صار لي سنه "
لأني كل ماجيت احسب كيف بيكون الوضع المادي ارجع اركد .. بيطير اكثر من 60% من الراتب مابين قروض
واقساط سياره واجار بيت وعاد ذي برا مصاريف المعيشه !
الله يسهلهاا يارب لكل من يبحث عن الزواج ويكتب للجميع الخير

موضوع يطرح من قديم الاجيال ولكن لم يستطع احد ان يجزم ماهو القرار الذي يتناسب مع هذه البوينت

الصراحه من تجربه شخصيه حياتيه بعيده عن الزواج .. طبعا انا مااتزوجت ولكن عندي زاويه معينه

اذا الشخص اللي يبي يتزوج ووالده عنده عماره ملك ويقدر يسكن بشقه منها وبلاش والله اشوف كذا اموره تمام بنسبه 80%

يعني حتى لو الرجل تنقل من وظيفه لوظيفه وصار عاطل لفتره مؤقته ومن هاذي الامور بالنهايه ماوراه اجار بيت يشيل همه

يعني بكل صراحه الشي اللي يشقي عمر الواحد هو اجار البيت ..

مع انه من الافضل الزواج وانت بيدك وظيفه حتى لو ماوراك دفع اجار بيت ..

موضوع يستحق النقاش شكرا على طرحك وشكرا لكل قلم ابدى لنا زاويه رأيه