ابي افتح مغسلة ملابس بالجبيل

مالقيت لي تسم · #1 (**permalink**) 09-07-2015, 09:21 PM

السلام عليكم ورحمة الله وبركاتة

أسعد الله أوقاتكم بكل خير ,

موضوعي يالربع يدور براسي من زمان بس نظرا للغلا الفاحش بالجبيل خلتني افكر مرار و تكرار .

الزبده انا معي راس مال تقريبا 320 الف كاش وعندي جمعية تحل 2017 بمبلغ 300 الف وودي افتح مغسلة نوعيا وغير شكل .

حصلت لي موقع مميز بعمارة تجارية فيها اكثر من 50 شقة بالجبيل الحي مستقبلا جيد . ويمينها ويسارها كله عماير أبراج..

المحل عبارة عن فتحة وحد ه ميزانين ( يعني محل دورين) مساحته العمق 17.8 متر و العرض 5 متر ارتفاع 8 متر

فكرتي تصميم مغسلة VIP ديكور فخم و علامة تجارية و موقع انترنت للمغسلة وتوصيل ملابس و فيها طبعا اشتراكات وتنقسم الى نوعيا class VIP و نوع الثاني class normal

طبعا ال vip هو الي له اشتراك ويكون بسيط بس مميزاته اكثر مثال : يغسل ملابسه لحاله من دون خلطها مع الزباين / يختار عطر يرغب بأضافته لملابسه / عنده نقاط تظاف للباقة حقته.

النوع الثاني الي هو normal بيكون طبعا مميز عن المغاسل الاخرى مثال له نقاط بيع من زهور الريف زي ال vipبس يختلف بالسعر بيكون 100 ريال لها 20 ريال بونص..

المهم المميزات الي افكر فيها كثيره وعندي تفال انها بتلاقي روج كبير.

االمشكلة الي بواجها هيا / اجار المحل 60 الف سنوي وتقريبا المعدات بتكلف 80 الف جديد والديكورات قل ب 45 الف يعني تقريبا 180-200 الف كامله + سيارات صغيره 50 اف يعني تقريبا 250 الف.

بعد سرد قصتي و حلمي كامل هل تتوقعون اجار المحل مناسب وهل المبلغ الي بحطة يستاهل على مغسلة.

وش افضل مكبس كهرباء او ديزل ,, مع العلم اشتراطات البلدية الكهرب وانا اميل له اكثر من الديزل بس السؤال كم تقريبا فاتورة الكهرب؟

الموضوع تم استشارة خبير اقتصادي وقالي الموقع ممتاز جدا بس غالي نوعا ما على المغسلة . و المغاسل الثانية ما تكلفو بس ديكور عادي وارباحه ممتازه مقارنة براس المال يعوضونه بسنه او سنتين بس بالنسبة لك انت بتكون ارباحك ممتازه بس مقارنة باجار الموقع بتكون دورة راس مالك متاخره.

ووجهة نظره كالاتي:
يعني لو بنحسبها على خمس سنوات / المغاسل دار راس المال لهم تقريبا 3 مرات اما بالنسبة لك بتكون 2

ابي استشارة اهل االخبره يالربع وكذلك بالنسبة للعماله وش جنسياتهم

بنتن لقحطان · #2 (**permalink**) 09-07-2015, 09:36 PM

للامانه انا ما اعرف بالتجاره

الجبيل غاليه ومعروفه بغلاها الغير طبيعي
60 الف اجار لمحل مغسله احسها مره غالي ع مغسله
وليه تتكلف بديكور
شي حلو ان يكون المحل شغله عدل ومرتب ويفتح النفس
لكن ديكور انيق يكفي
تتكلف بديكور بمبلغ وقدره ، وتتكلف
يعني لو افترضنا مثلا محل كوفي شوب ، صدق هنا حط ديكور وشغل عدل
بس مغسله ما احس ان لها داعي
ديكور انيق وشي بسيط يغني ويكفي

اتمنى لك التوفيقوالله يحقق حلمك ، ويسهل الصعب عليك وييسره
ويفيدونك الاخوان اهل الخبره ان شاءالله

مالقيت لي تسم · #3 (**permalink**) 09-07-2015, 09:59 PM

أشكرك ع الرد , بس انا بصراحة مليت من شكل المغاسل الي عندنا , مافيها الي تفتح النفس.

عشان كذا الديكور الراقي يبي يجذب لك الناس , وفكرتي تكون علامة تجارية ( brand) و افتح لها فروع يعني انفرد بتصميم لحالي بعيد عن المستهلك.

بنتن لقحطان · #4 (**permalink**) 09-07-2015, 10:08 PM

امممم شي حلو وفاهمه فكرتك

يفيدونك الاخوان ان شاءالله
وبالتوفيق لك والله يسهلها عليك
ويرزقك من حيث مالا تحتسب

عبدالله النفيعي · #5 (**permalink**) 10-07-2015, 03:10 AM

الله وانا اخوك انا بصدقك القول من استشار دخل بذمه الشخص
فاللي بأقوله ان فكرتك مبالغ فيها شوي التفايل الكثيره بترهقك ماديا والمشروع ككل اخرته مغسله ملابس اهم شي غسيل كويس ومكان مناسب والوقت سريع هذا متطلبات المغسله ومبلغك كبير جدا على مغسله انصحك تفتح فيه مغسله سيارات ومحل تلميع افضل لك دخل ميه مره من سالفه مغسله ملابس هذا والراي الاول والاخير لك وانا من سكان الجبيل اشوف المشاريع الناجحه بأذن الله بعد توفيق الله طبعا مغسله سيارات مطعم مندى ورز مثل مطاعم الذهبي بدمام شي على مستوى او محل معجنات على مستوى هذا الي يناسب راس مالك مو 300 الف او 600 تطقها بمغسله ملابس

أحمد 94 · #6 (**permalink**) 10-07-2015, 04:50 AM

أخوي أنت مبالغ جدا في سعر المغسلة 2510 الف !

مغاسل انفتحت بـ 45 الف وتدخل ماشاء الله 10 - 15 الف وشغالين

أخوي 35 الف معدات جديدة أمريكي 25 وطني وكلها ممتازة بس الأمريكي أفضل أتكلم ديزل طبعا

الأن أنا كا زبون يهمني الشغل ما أهتم كثير بالديكور لا تكلف على نفسك ولا شيء

بويلر أمريكي
مكبس أمريكي
2 خزان واحد للموية وواحد ديزل
كاونتر أستقبال
دولاب للملابس ودولاب للبطاطين إذا بتسوي غسيل بطاطين
2 عدد غسالة عامود وحده للملابس البيضاء والثانية للأشمغة والملون
نشافة
للبطاطين غسالة بطاطين أو بانيو كلها تمشي

الشغلة كلها ما تكلف 50 الف ريال أو أقل بدون إيجار

أهم شيء في المشروع الموقع + العمالة الناجحه

في النهاية الله يوفقك ويرزقك من فضله

شمس ديزاين · #7 (**permalink**) 10-07-2015, 09:14 AM

فعلا الديكورلاتبالغ وتتكلف فيه كثير
يكفي يكون مرتب ومنسق وبسيط ونظيف
أهم شي الخدمة
والله يوفقك
واذا احتجت لتصميم شعار او اي تصميم اخر نحن حاضرين

بدر سعود · #8 (**permalink**) 10-07-2015, 11:53 AM

مشروع يبي شغل

يعني انت الان اجــــــــــارك غالي ومغسلتك عاديه جدا .
بالاضافه ماعندك عمــــــــــــــــال تجلس تدفع الاجار وتنتظر العمال = اللي ماعندهم خبرة ولا لغة .

================
انا اعرف واحد عمل مغسله وكلفته 1.5 ميلون ريال .
طبعا المغسله كنها مول
ولكن عليه القوم يغسلون عنده بالاضافه الى غسيل بخار وكوي بخاري الخ الخ مواصفات .
-------------
حط فلوس تجيك فلوس تحط ريالات تجيك هلل .

-------------
واعرف هندي ماخذ مغسله بحي داخلي وعنده 3 هنود والهندي عنده سياره يروح لسكن العزاب وسكن طلاب الامن والدورات العسكرية .
ويجيب للمغسله شغل من كثر الشغل استاجر استراحه يغسل فيها تدخل الاستراحه تحصل ورشه عمل .
ويعمل عروض ع غسيل الموكيت والبطانيات يغسل 3 بطانيات بـ 10 ريال .
شوف الهندي يروح لزبون وليس العكس .

(( استخير قبل لا تعلن للتقبـل لعدم التفرغ ))

أحمد 94 · #9 (**permalink**) 11-07-2015, 03:09 AM

اقتباس:

المشاركة الأصلية كتبت بواسطة بدر سعود

مشروع يبي شغل

يعني انت الان اجــــــــــارك غالي ومغسلتك عاديه جدا .
بالاضافه ماعندك عمــــــــــــــــال تجلس تدفع الاجار وتنتظر العمال = اللي ماعندهم خبرة ولا لغة .

================
انا اعرف واحد عمل مغسله وكلفته 1.5 ميلون ريال .
طبعا المغسله كنها مول
ولكن عليه القوم يغسلون عنده بالاضافه الى غسيل بخار وكوي بخاري الخ الخ مواصفات .
-------------
حط فلوس تجيك فلوس تحط ريالات تجيك هلل .

-------------
واعرف هندي ماخذ مغسله بحي داخلي وعنده 3 هنود والهندي عنده سياره يروح لسكن العزاب وسكن طلاب الامن والدورات العسكرية .
ويجيب للمغسله شغل من كثر الشغل استاجر استراحه يغسل فيها تدخل الاستراحه تحصل ورشه عمل .
ويعمل عروض ع غسيل الموكيت والبطانيات يغسل 3 بطانيات بـ 10 ريال .
شوف الهندي يروح لزبون وليس العكس .

(( استخير قبل لا تعلن للتقبـل لعدم التفرغ ))

والله ياخوي أسمح لي مليون ونص في مغسلة وحدة ؟ كثييييييييير جدا يقدر يفتح بها المبلغ مالا يقل عن 10 مغاسل وفي أماكن زحمة أعرف واحد ماشاء الله عليه عنده 4 مغاسل مأجرها على العمال وحده من المغاسل يستلم من العامل 4 الاف ريال شهريا بس ماشاء الله في شارع تجاري مزدحم

مليون أبني لي فيها عمارة وأجرها على العوائل وترد حقها بإذن الله

بدر سعود · #10 (**permalink**) 11-07-2015, 03:17 AM

اقتباس:

المشاركة الأصلية كتبت بواسطة تغيير 2366

والله ياخوي أسمح لي مليون ونص في مغسلة وحدة ؟ كثييييييييير جدا يقدر يفتح بها المبلغ مالا يقل عن 10 مغاسل وفي أماكن زحمة أعرف واحد ماشاء الله عليه عنده 4 مغاسل مأجرها على العمال وحده من المغاسل يستلم من العامل 4 الاف ريال شهريا بس ماشاء الله في شارع تجاري مزدحم

مليون أبني لي فيها عمارة وأجرها على العوائل وترد حقها بإذن الله

موجوده المغسله في بريده امام المحكمة السابقه
والشغل حريقة وزبائنها من عليه القـــــــــــوم
واصلا هذي المغسله تشغل مغاسل ف الباطن

وراده حقها ب8 شهور

ودخلها فوق 100 الف