السلام عليكم ورحمة الله وبركاته

فكرة المشروع :

دكان متنقل يقوم بخدمتين الاتصال المباشر وطلب الكميه من العميل او طلب حضور السيارة مباشر للبيت

السؤال :
مانوع السياره ؟
من وين اجيب بضائع الدكان؟
هل ابيع زي سعر الدكان او ارفع السعر ؟
كيف اصق بالسايق مايسرقني ؟


وشكرا

فيه فكرة تكاليفها اقل
تشتري السيارة وتتعامل مع السوبرماركت الكبيرة اللي حولكم
توزع رقمك بالشوارع وتحط ملصقات على الابواب وبكل محل , بحيث اي بيت يحتاجون اغراض يتصلون عليكم توصلها لهم مقابل عمولة مثلا اذا الطلب مستعجل خلال ساعة تكون العمولة 40 ريال
اذا الطلب خلال 24 ساعة تكون العمولة 20 ريال
وهكذا

السيارة

دينة او باص
او فان

الاسعار نفس اسعار المحلات ولا ترفع السعر


لان المحل مستاجر وانت بدون الاجار واللي بتدفعة للبنزين هو اللي يقابل الايجار


البضاعة من موزعين الجملة والشركات
والثلاجات الكبيرة


وركز على المنتجات اللي مو معروفة بالسوق واللي موزعينها قليلين اذا زادت مبيعاتك يزيد التعامل معك ويقل السعر ويعطونك على التصريف اذا وثقو الموزعين فيك


موفق

يعطيكم العافية

هلابك اخوي
الفكره حلوه اخوي بس هذا لما يكون عندك محل خاص فيك وثابت وتكون هاذي خدمه اضافيه بالبقاله
لن البقاله عتعتمد ارباحها على عدد الكستمر اليومي لن ربح البقاله بالشي رمزي جدا
يعني مثلا كرتون البيبسي تستفيد منهحول 3 او ا4 ريال فقط
فلو راح طبق فكرتك بس على السياره بتكون عندك الارباح جدا قليله لنك راح تحسب الوقت بالتوصيل هذا راح ياخذ ثلاث ارباع وقتك بالتوصيل
على عدد رمزي من الكستمر
يعني
فرضا حد طلب من عندك اغراض في المكان الفلاني ورحتله خلال قول 10 دقايق واخذ منك اغراض ب 20 ريال
العشرين هاذي بالتقريبي ربحك منها 3 او 4 ريال فقط وطلب منك كستمر ثاني في مكان ابعد وصلتله بعد 15 دقيقه غير الوقت الي بتنزله الاغراض وبتحابه ونفس الشي اخذ منك بـ20 ريال وربحت 5 ريال من الـ20
يعني حصلت ربح 9 ريال بعد نص ساعه
احسب كل نص ساعه مثلا يكون ربحك 10 ريال وهذا مبلغ تراه كبير بالتسبه الى ارباح البقاله في المنتج
وقول انك بداوم من 8 صباح الى 11 بالليل يعني 15 ساعه وقلنا كل نص ساعه ربح 10 ريال = 300 ريال تطلعلك
طبعا انت عندك اوقات بريكات صلاه وغدا احذف ساعتين تطلع عندك ارباح 260 ريال
احسب مصاريفك النثريه بنزين السياره مثلا قول بتعبي بالنازل بـ 30 ريال معنه ستحاله لن لازم السياره تكون مكيفه على طول او فيها مكيف بس نقول 30 ريال يعني عندك 230 ريال ارباح شيل منهم 10% بالميه نسبة مخاطره الي هي الزبون يمكن مايتصلك الا 10 او 15 زبون يعني بيطلعلك حول 200 مدري اذا بتوفي معك
طبعا حسبه بسيطه هاذي غير مره كفر مره عطل مره ومره

مو ضروري تبدى بسياره
دباب يكفي
و تتعامل مع السوبرماركت الكبيره بنفس الطريقه اللي ذكرتها ريم


سياره معناتها ان بيجيك كمية طلبات كثيره خلال ساعه .
و انت باقي بالبدايه .. يعني ممكن طلب كل ساعه او كل نص ساعه
يمديك توصل الطلبيه قبل تجي الطلبيه الثانيه