اجراءات فتح مطعم

إبن سعوود · #1 (**permalink**) 11-07-2015, 06:50 PM

السلام عليكم ورحمة الله وبركاته

اخواني عندي استفسارين :

1) اجراءات فتح مطعم بيتزا بالتفصيل ؟ يعني وش المطلوب من الغرفة التجارية + البلدية + الدفاع المدني ؟؟

2 ) انا أبي اجيب عمالة فلبينية ولكن هل وزارة العمل توفر لي فلبيني بمهنة طباخ أو انت وحظك ؟؟ او تنصحوني اسافر الفلبين واخلص الاجراءات من هناك ؟

كل عام وانت بخير وتقبل الله منا ومنكم صالح الاعمال

أحلام للتسويق · #2 (**permalink**) 12-07-2015, 08:42 AM

وعليكم السلام
حياك الله.
بصراحه ماعندي خلفيه.
ان شاء الله الاخوان يفيدونك..
بالتوفيق لك.

إبن سعوود · #3 (**permalink**) 13-07-2015, 07:40 PM

بانتظار الاخوان يفيدونا

هند كايزن · #4 (**permalink**) 13-07-2015, 09:06 PM

1- اختيار موقع جيد وواضح
المساحه لاتقل عن 50م
تجهيز المطعم بالمطلوب اذا الرخصه محل بيتزا
يكفي يكون المطبخ بلاط الارضيه والجدران ب الوان فاتحه
انصحك الارضيه خليها بني
تقسم المكان
تحضير 25م
غسيل 15م
تخزين 10م
وكونتر

ولوحه تكون مضيئه والكتابه لازم عربي لاتكون انجليزي فقط
بعدين تروح البلديه وتكون قدمت سجل بالنت
وتطبعه
تطلب موعد من البلديه بعد تقديم السجل التجاري و صوره للوحه المحل اي صوره للمحل من الخارج وكروكي او مخطط للمحل من الداخل وعقد الايجار
بعدين بيعطونك ورقه للدفاع المدني خلصها
بوضع امور السلامه
وترجع للبلديه يطلع معك الكاشف
وبس

ابن ثبيت · #5 (**permalink**) 15-07-2015, 01:24 PM

لاتنسي التسجيل في وزارة العمل وتأخذ رقم الملف وتسوي خدمة واصل بعدين تستقدم الكتروني علي حسب مساحة المحل تأخذ عدد العماله وافضل تعطي عامل فلبيني تعرفه التأشيرات وتسسوي له وكاله الكتروني وكذا جبت العماله واذا ماتعرف فلبيني
روح خلص اجراءتك بنفسك من الفلبين

تقبل مروري

إبن سعوود · #6 (**permalink**) 15-07-2015, 02:26 PM

اقتباس:

المشاركة الأصلية كتبت بواسطة ابن ثبيت

لاتنسي التسجيل في وزارة العمل وتأخذ رقم الملف وتسوي خدمة واصل بعدين تستقدم الكتروني علي حسب مساحة المحل تأخذ عدد العماله وافضل تعطي عامل فلبيني تعرفه التأشيرات وتسسوي له وكاله الكتروني وكذا جبت العماله واذا ماتعرف فلبيني
روح خلص اجراءتك بنفسك من الفلبين

تقبل مروري

جزاك الله خير على التوضيح اخوي ... ولكن هل مكتب العمل يقدر يجيب لي شيف او طباخ او فلبيني على الاقل يقدر يسوي بيتزا او نظامهم أي فلبيني يبي يشتغل بالسعودية ؟؟ لاني دخلت موقعم وماحصلت فئة شيف او طباخ فيه سائق ممرض فقط

بوريفاج · #7 (**permalink**) 15-07-2015, 02:43 PM

اتوقع اخوي الفلبيني اذا طباخ لابد يكون مسلم اول شي الطباخ غير مقدم الاطباق ..
انا نصيحتي افتح مشروع المطعم بالبحرين وبتدعيلي
على ماتخلص اجرائات المحل راح عليك اجار سنه كامله
الا اذا كان المشروع كبير وضخم مطعم كبير

إبن سعوود · #8 (**permalink**) 15-07-2015, 04:19 PM

ليش بالبحرين تحديداً .. هل الاجراءات بالبحرين اسهل ؟؟

بوريفاج · #9 (**permalink**) 15-07-2015, 07:34 PM

اقتباس:

المشاركة الأصلية كتبت بواسطة إبن سعوود

ليش بالبحرين تحديداً .. هل الاجراءات بالبحرين اسهل ؟؟

اسهل بكثير والعماله بدون التوظيف وفوريه تطلعلك مع استخراج السجل التجاري ولو احتجت اكثر على طول تقدر تقدم رفع سقف العماله وخلال سبوع تجيلك التاشيرات

الجنرالز · #10 (**permalink**) 16-07-2015, 02:05 AM

سلام عليكم ..

مبين من موضوعك انك شخص متحمس .. شكلك شايف مايسترو بيتزا وشايف الزحمه وقلت بسوي زيه ..
عزيزي والله انك مبين انك بتوهق عمرك .. وتذكر كلامي

بسالك سؤال صغير .. تعرف انواع البيتزا !! درست المشروع ؟؟؟ .. عندك شي جبار .. وصفة عجين خياليه ! عندك نكهه يتميز مطعمك فيها !!؟؟ ..

السوق مايرحم .. عندك منافسين .. والناس بدت تعرف الزين من الشين .. اول نشتري البيتزا من محل الفطاير ومبسوطين .. الان لا .. دومينوز .. ولا ماسترو .. الناس تغيرت وتثقفت ..

قبل لاتبداء بأي شي ابني هوية المطعم + المينو + اللوقو ..

اذا بتشتغل شغل الرخيص بوفيه .. وفطاير تراك بتخسر .. ولا تخسر عمرك بشي مايسوا ..

اما اذا بتشتغل شغل احترافي والله بيجيك خير .. وتكون نقطة تحول لك ..

اي سؤال انا بالخدمه .. ولا تنساني من دعائك