الحاجة ام الاختراع
السالفة ومافيها وكنت متردد كثير اكتبها لاسباب وجيهة وليس من باب كتمان او سرقة المشروع فالرزق على الله
اكثر مايحبطني اذا فكرت بمشروع سالفة البلدية والدفاع المدني والغرفة التجارية ومكتب العمل ووزارة التجارة .... الخ وايضا ايجار المحل

مالكم علي يمين ان في الحساب الخاص بالمشروع اكثر من 85 الف ريال غير مبالغ لم تودع تخليها تصل الى اكثر من 100 الف ريال
واللي خلاني اكتب هالموضوع كثرة الاستفسارات اللي اشوفها جابت لي الحموضه وانا والله مابي احد يخسر من هالغلابا
انا صاير ضعيف في الانشاء والكتابة شيبت وماعاد لي خلق اكتب كنت ابي اسجل هالموضوع صوتيا في اليوتيوب واحط لكم الرابط جد والله

اللي يقول جيبولي مشروع او كيف اسوي المشروع او من فين اجيب البضاعه اقول له لاتسوي مشروع وانت معزول عن الواقع خلفيتك كلها من النت ولاتصير بقرة حلوب لغيرك من السماسرة اللي يقولون نجيب لك البضاعة ومانبي غير الدعاء
تكفى بتجيبها لي صدقة يعني صار ماتبي الا الدعاء
سمسار وياخذ عمولته ويفهمك انه مسوي فيك خير بفلووووووسك
انزل روح اسواق الجملة وشوف بنفسك واسأل على الارض لا تكتفي بالنت ياثور ارتفع ضغطي
افهم المشروع اللي بتسويه واعرف خفاياه ومداخله ومخارجه وابتكر فيه الشغله تجارة

انا مثلا شيب براسي التفكير كيف اسوي مشروع من دون محل ومتطلبات حكومة واوراق وخلافه لقيت المشروع لكن بطريقه مختلفه ليش مختلفه عشان اضمن عدم الخسارة ضمان
طبعا المشروع نسائي وكان لازم استعين بعنصر نسائي وزوجتي موظفة لكن اقتنعنا جدا بالمشروع واصرينا عليه وسويناه
والحين وقفناه بعد ما ام العيال حملت
والجميل في الموضوع اننا بنينا لنا اسم في السوق وصرنا ماركة
واللي تبي تكون محل ام العيال نرحب بها بشروط طبعا محلها في الشغل لاتفهمون خطا

المشروع تقسيط نسائي وجمعنا فيه السهل الممتنع !!
طريقه سهلة جدا جدا وضمان كامل جدا جدا وترى التقسيط للي مايعرف طريقته يعتبر محرقة للفلوس
واللي يعرف خفاياه بيلقى خير ويمكن يخاف من الدخل
حتى الطريقة اللي مسوينها مو اي احد يقدر يطبقها وممكن ينضحك عليه فيها (( واقسم بالله )) ان سبب عدم ذكري للطريقة هو خوفي على الاخوة والاخوات من ضياع اللي حيلتهم
لان الطريقة سهله ممتنعه

زبدة كلامي لاتفتح مشروع وانت ماتعرف حتى من فين تجيب البضاعه او حتى ماتعرف كيف تفتح المحل اساساً !!
السالفه مو سالفة بضاعة فيه مشاريع ضخمة (( ضخممممم )) قايمة بدون بضاعه مثل المطابخ والاثاث وغيرها فقط محل فاضي وعرض كذا موديل والباقي على الكتالوج !

مثل واحد شفته يقول بيسوي مغسلة ملابس وبيحط قسم VIP يغسل ملابسهم لحال مايدري ان حتى مغاسل الثقبة بالشرقية ومغاسل البطحا بالرياض ومغاسل الهنداوية بجدة حاطين اعلانات غسل ملابس كل عميل على حده
ناس معزولة عن الواقع وتبي مشاريع مربحة ومعتمدين اعتماد كامل على النت

باقي كلام بس تعبت وطفشت احس بعض الناس بقر مايفهمون

ليش نسائي ؟!
لان الرجالية ماليه الدنيا ولان الشرقية منطقة خصبه لمشروع كهذا

انت تتكلم عن فئه معينه .. حتى بالنت ما تبحث فيها ..
لاني اشوف ان بالنت بحر عميق للي بيبحث و يقرى ..



ع العموم ودي انك وضحت اكثر .. وشهي مشروعك مع ام العيال

احسنت

بالتوووووووفيق

موضوع ممتع ومضحك ومشوق
استمر
لعلنا نستفيد

بالتوفيق يارب الله يرزقك على قد نيتك وخدمتك لأبناء وطنك
ننتظر باقي الهوشه
هههههههههه

طيب عرفنا ان الشغله صعبه ويبيلهادراسه مو فاتنتازيا بعد ماذقنا الخساير والويلات
الحين نبي منك من الاخ

الموضوع للفائدة وليس للمساهمة كما فهم البعض
انا تعرضت للمضايقه من السماسرة واشباههم اللي يبون نهب اموال الغلابا ( علي الطلاق وشوفونا في رمضان حتى جوالي تهكر )
وفرمته ب 30 ريال

عدسه برونزية اكتب خل الناس تقرأ تجربتك وخسارتك وتتعض منها .. !