السلام عليكم اخواني واخواتي يارب تقدروا تساعدوني

انا حابة اكون مسوقة عقارية او دلالة مدري اش تسموها
انا سويت حساب بتويتر اعرض كان عندنا شقق للايجار واتاجرت الحمدلله ومضى سنة واجي افتح الحساب صدفة القى كل فترة طلب طلبين مو داك الشي

بس طلبات تخلي الفكرة تلمع براسي خصوصا انها سهلة وخطرة وتحتاج صبر في نفس الوقت وتقريبا كلها عندي لكن ينقصني الخبرة فانا والحمدلله غشيمة بس اسمع من هنا ومن هنا وما قد جربت بس مثلا

انا دخلت موقع القى مثلا معروض شقق ايجار بيع عماير محلات وخلافه

دخلت مكان تاني الاقي طلبات محتاج شقة ايجار محتاج شقة تمليك محتاج محل وهكذا

فقررت اوفق راسين في الحلال البايع والمشتري او المؤجر والمستاجر

طيب كيف انا بنت عندي جوال اشغله واتس اب فقط حريم او رجال احسن اضمن

اخدت مواصفات الشخص العارض وعرضتها على الطالب

طيب انا بنت وبعدين كيف اخد عمولتي ومتى ؟
طبعا ما اقدر اروح ولا اجي ولا عندي محرم يسويها اصلا لو عندي يشتغل لنفسه يمكن ليش يتعب وماله شي

ابغاكم تبصروني ولا تحبطوني
ما في شي سهل طبعا

وترا عادي لو ادور لمستاجر شقة واخد 50 ريال بس انا ما عندي مانع بس المهم ما ينضحك عليا ولا اضحك على احد ابى فلوسي حلال

ودحين دخلت مكان وفي ناس طالبين شقق ودورت ولقيتلهم بقيلي الرجال الي عنده الشقة يقول تعال شوفها بالله كيف اروح اظنه ما فهم اني بنت من كلامي وانا خفت اقولها صريحة دامه ما فهم ولا يدري اني مسوقة رغم اني قلتله واضحة وصريحة انه الشقة لعايلة وكدا وكدا مواصفاتها يعني مو انا بس كيف اكملها


بانتظاركم على نار

اجبروا بخاطري في دي الايام الفضيلة