المتعينين في نجران

سلطان القثامي · #11 (**permalink**) 13-07-2015, 07:49 AM

اقتباس:

المشاركة الأصلية كتبت بواسطة ناض

الوضع الامني بنجران صراحة يخوف الله يعين والمذاهب بالتوفيق خذو حذركم

بحفظ الله ان شاء الله والامور طيبه

سلطان القثامي · #12 (**permalink**) 13-07-2015, 07:53 AM

اقتباس:

المشاركة الأصلية كتبت بواسطة ابراهيم الرقيبة

انا معكم نبغي معلومات عن المنطقة وكيف وضع القرى التابعة لها وكيف الاوضاع الأمنية وعن المقابلات وش وضعهم ومتى بالعادة يحددون مواعيدهم ؟؟

ان شاء الله يجي من يفيدنا

البابا · #13 (**permalink**) 13-07-2015, 08:18 AM

ورجعت لنحران

عام 2009 جاني عرض من نادي نجران ولعبت مع النادي 6 شهور تقريبا المدينة تمتاز بأهلها ناس طيبين وأصحاب واجب

المدينة صغيرة وعادية ولكن سمعت أنها تطورت مطاعم عالمية ورحلات دولية ......

هالمرة راجع لها بصفتي معلم وأكيد راح يتغير علي الوضع ...
على العموم سمعت أن في احتمالية يمددوا الإجازة بنجران لعيد الأضحى رأيكم ؟

تبوك الورد ك · #14 (**permalink**) 13-07-2015, 08:54 AM

شباب هذا قروب واتس اب للمعينين في نجران0594440845

o_O · #15 (**permalink**) 13-07-2015, 09:09 AM

انا تعينت ولله الحمد في نجران وباشرت دوامي قبل رمضان باسبوع في المفاضله الاداريه الاخيره
المدينه طيبه واهلها طيبين
ومعليش ترى الناس مكبره موضوع الاوضاع الامنيه والحمدلله مافيها إلا الهدوء والجو الطيب
وإن بغيتوا البراد في الويكند ابها قريبه 200 كيلو تزيد شوي وانت فيها
المعيشه تعتبر رخيصه بحكم اني اشتغلت في المنطقه الشرقيه ومكه المكرمه والمدينه المنوره
سكن العزاب متوفر اخذت شقه مفروشه غرفه نوم بسريرين + صاله كبيره + ثلاجه وانتم بكرامه حمام + دي سي ال مفتوح
اشتراك الجزيره 1500 ريال فقط والفرش جديد ونظيفه
مع العلم اني قبل كم سنه واثناء عملي بالشرقيه سكنت في حي 91 ( حي العزاب في الدمام)
شقه مكونه من غرفه + صاله بدون فرش ولامكيفات ولا دي سي ال + تدفع فاتوره مويه شهرياً + فاتوره كهرباء وإيجارها 1500 ريال
وانا الي فارشها
المطاعم بنجران مقبوله نوعاً ما افضل مطعم هرفي
ماكدونالدز الله يكرم النعمه كم مره اطلب منه وتجيني الوجبه واللحم نصف استواء
وللأمانه ماجربت مطاعم كثير بحكم اني داومت قبل رمضان باسبوع
وايام رمضان كنت امشي الحال بأي حاجه والي عنده سؤال إن شاءالله بأجاوبه بالي اعرفه

o_O · #16 (**permalink**) 13-07-2015, 09:14 AM

على فكره الخرخير ملغيه بالكامل كان تعييني على الخرخير
واضطروا يحطوني بنجران نفسها والحمدلله والشكر لك ياارب
اغلب مدارسها حسب ماسمعت نقلت الي شروره اتاكد وارد لكم باليل إن شاءالله
المطار الان مغلق في نجران اقرب مطار مطار ابها

ابراهيم الرقيبة · #17 (**permalink**) 13-07-2015, 09:18 AM

الله يعطيك العافية ..

فعلاً المطار ازمة اذا هو متوقف له فترة لأن بيكون ضغط على مطار ابها والرحلات بتزدحم وغير كذا المسافة من ابها لنجران لكن الله كريم ..

بس الأهم متى راح تكون المقابلة ؟ متى ؟ متى ؟

سلطان القثامي · #18 (**permalink**) 13-07-2015, 09:27 AM

هل السعر بشكل عام مثل كذا للشقق المفروشه بنجران

o_O · #19 (**permalink**) 13-07-2015, 09:30 AM

الله يعافيك
وبالنسبه للخط جربت خطين سفر بالسياره
طريقي من المدينه المنوره الاول جده - الليث - القنفذه - الدرب - من عقبه ضلع الى ابها - ومن ابها الي نجران المسافه 1200 كيلو
الزمن 14 ساعه

الطريق الثاني والاطووووووووووووووووول
المدينه - القصيم - الرياض ومن الرياض لنجران 900 كيلو خط مستوي المسافه 1650 كيلو لاكن اهدى من الساحل
اضطريت انام في قريه اسمها ليلى بعد الرياض

o_O · #20 (**permalink**) 13-07-2015, 09:34 AM

اقتباس:

المشاركة الأصلية كتبت بواسطة سلطان القثامي

هل السعر بشكل عام مثل كذا للشقق المفروشه بنجران

بصراحه مادورت كثير بسبب اني كنت مضطر للمباشره ولحالي لاكن مريت الشقق المفروشه بشارع الجوافه اهدى حي تقريباً بنجران وماناسبتني اسعارهم كانت غاليه وبعضهم يتشرط انه لازم عائله
لاكن بعد مااستأجرت الشقه بـ 1500 خوياني بالدوام سالوني كم الايجار علمتهم قالوا غلطان وتلقى ارخص ولاكن المشكله اني مابحثت زين كنت مضطر وبعد العيد راجع ان شاء الله وببحث بشكل اوسع

ومن كلامهم اني القى بـ 500 ريال لاكن المنطقه ماعرفتها زين