15-07-2015, 09:48 AM
|
 |
عضو ماسي
|
|
تاريخ التسجيل: Dec 2010
المشاركات: 1,580
معدل تقييم المستوى: 822793
|
|
الف مبروك التعيين في مدينتي الجميله بكل مدنها وضواحيها وقراها
اول شغله مابتحس بغربه ولا بوحشه ولا بتطفش ولا بتتعب بالسكن ولا بأي شي بالخدمات
واهل المنطقه وشبابها وناسها عسسسسل
ومشكلين من كل نوع وجنس ولون وعرق
ومن كل قاره
اعني ذلك
بسبب وجود الشركات الكبرى بالمنطقه
الان نجي للي تقولونه انه انصدمتو وقراها تبعد مئات الكيلو مترات
تراها سهله !
اول شي
بقيق ( تسكن بالعزيزه او الظهران او الخبر وبينهم وبين بقيق حوالي 70 كيلو يعني تاخذها بثلث ساعه او نص ساعه بالكثير ! وبقيق ايضا مرررره كويسه يعني تقدر تسكن ف بقيق وتصير تروح وتجي عالخبر والدمام تروح لربعك تسهر تنبسط تتمشى كنك بين شمال الرياض وشرقها
اوكي ؟ !
طيب
النعيريه !
بينها وبين الجبيل ساعه فقط
وياعيني عالجبيل وجمالها وحلاها وتطورها وبين الجبيل والدمام فقط ساعه الا ربع يعني امورك تمام
طبعا الجبيل فيها كل شي من مطاعم عالميه الى ماركات عالميه الى مستشفيات كبرى الى كورنيش الى مقاهي الى الى الى
يعني نفس وضعية الدمام والخبر
لا لا صح نسيت
اشاراتها اتوماتيك زي نظام ارامكو ع اساس انها الهيئه الملكيه ( الجبيل الصناعيه )
وفيه الجبيل البلد بعد نفس الحكي بس مو ماسكتها الهيئه الملكيه لكنها مثل الدمام تقريبا
تمام ؟
نجي للخفجي !
الخفجي مدينه محافظه يعني وامورها تمام التمام وهي على منفذ الكويت وفيها كل شي تبونه ومتطوره ومافيه اي مشكله معها وكل يوم وانت بالافينو وبالكوت بالكويت الشقيقه ^_^
وبينك وبين الجبيل ساعه ونص الى ساعتين وبينك وبين النعيريه اقل من ساعه
تمام !
القريه العليا تقع بالنص مابين النعيريه وحفر الباطن وتقدر تسكن بقريه نفسها وتروح وتجي عالحفر من قريب لانه الحفر اكثر تطور من القريه العليا
واقرب مطار لها مطار حفر البطان ثم مطار الدمام
وتبعد عن النعيريه قرابة نص ساعه بالسياره تقريبا
والربيع فيها يجنن مررره
واغلبية سكانها من قبلية مطير وبني خالد
وتبعد عن الخفجي حول ساعه وربع بالسياره وساعه ونص وانت بجوازات الكويت
الصرار
تبعد عن الدمام حوالي ساعتين
هذا اللي اعرفه عنها
واذا تبون بجيب لكم ترتيبها بالضبط عن الدمام
بس ترا كل الشرقيه سهالات ومافيها الا العافيه
معلومه
بناتنا امهات 17 سنه كل يوم يطلعون من الخبر والدمام الصباح ويروحون يداومون بكلية النعيريه ويرجعون بنفس اليوم
يعني سهالات
لكن انتبهو من ساهر *_*
|
العرض العادي
