السلام عليكم ، كيفكم ي رجال الزبده خاطري اقولكم كلمتين لاني والله ماعتبركم الا مثل اخواني وكلنا هنا يد واحدهه بس الوقت الي انتظرناه كافي بأن كل واحد يشوف مستقبله والله العظيم في تخصصات قويه ومستقبلها قوي عموماً لو الله كتب لك الامنيه واتصلو عليك روح لهم بس الحين شوف مستقبلكك وحاول تنصرف عنها شوي لانها بتأثر على نفسيتك كثير انا من ضمن الي عشمو انفسهم كثير ولا انقبل مع اني في كل شي كنت ممتاز والي صار بعد انو في المقابله الشخصيه 2 كنت جالس اتكلم مع واحد مدني وتعمق عن الحاسب والبرمجه والسيرفرات شوي وكان عنده خبره وانا برضو هالمجال احبهه وعندي خبره فيه سنين وكنت اشرح له واتكلم مع انه مو تخصصي الحاسب وكان موجود اللواء الخليوي وجا تناقش معي شوي وقالي كلام كان يبشر بالخير حتى والله تعمق وتكلم عن ولده محمد وعلاقته بواحد كان له خبره ف البرمجه بس للامانه سئلني عن معدلي وقلت جيد وكانه كذا ماتقبله وحتى والله الي سويت عنده المقابله قالي انا اثنيت عليك امام اللواء واتمنى انك تكون رجل امن وكلام كان يشجعك ويحسسك ان لك قبول ف الكليه لكن في النهايه ماجا نصيب ومهما سعا الانسان ماراح يجيه الا رزقه الي كتبه له رب العالمين هالكلام الي كتبته كله والله ماعترض على قدر الله ولا احطم احد فيه ولا انتقد فيه الكليه الخ.. بس وضعنا واحد وابي لكم الخير وهذا انا توظفت ونفسيتي احسن من قبل بكثير واعتذر اني طولت والله يوفقكم ويرزقكم الخير وين ماكان .

فارم دي جيد حدل

ياشباب بالنسبه للفحص الطبي للجسم وش الضبط ياريت تفيدونا الله يوفقكم ويسخرها لنا ولكم والمقابله الشخصيه بعد افيدونا لاهنتو

انا فارم بي ، جيد كمان ..

بعد التخرج بمشيئة الله هل ساتعين ع وظيفتي كصيدلي او ممكن يحطوني بمكان لا يمت للتخصص بصله

يعني من الاخر بتوظف ف مستشفى او مستوصف او حكون ميداني مثل المرور والشرطه والمباحث والمكافحه!؟


تكفون من اصحاب الخبره يجاوبوا تكفووووووون عشان اعرف اروح لهم او لا

مبرووووك دفعة الاحتياط وحمدالله كانت معلوماتي موثوقه مثل ما عودتكم ... وابشرو بكلم الزملاء بالكليه باستمرار عن دفعات الاحتياط واخبركم ..

صيدلاني او الاخوان اللي تخصصهم صيدله طبعا انت عسكري تعمل تحت الاحتياج ولكن جرت العاده الفتره الاخيره ان كل ضابط في مجال تخصصه خصوصا تخصصات العلمي.. المهندس فالادارات الهندسيه والحاسب فاداره الحاسب وهكذا

عموما هي حسب قطاعك ياصيدلي .. مثلا نقول تعينت بالكليه بيحطونك في عيادة الطلبه او المستشفى .. او مثلا تعينت في حرس الحدود ممكن تنزل الحد الجنوبي مراكز صحيه وهكذا

طبعا اذا تدخل بالكادر الصحي لك راتب خاص يفرق عن التخصصات الثانيه وبالتوفيق

الدفعه اللي بتحضر الاسبوع هذا محظوظين ماشاءالله...

ااول اسبوع فيه لخبطه وترتيب فصائل وحوسه كبيره وتوزيع مدربين وضباط صف ناهيك عن ضغط الميدان والحصص

لذلك اللي بيحضرون بيحصلون كل شي مرتب وحتى بالميدان اذكر الاحتياط ماجاهم نص اللي جانا من الكرف

باقي القليل ويطلعون مهمة الحج

توقعي الشخصي خروج الطلبه لمهمة الحج راح يكون بتاريخ 28 او 29 / 11 وبعدها اجازه ثلاثة او اربعة ايام بعدين يوجهون مكه مثل ما حصل مع دورتنا والله اعلم