24-07-2015, 08:49 AM
|
عضو مهم
|
|
تاريخ التسجيل: Mar 2014
المشاركات: 252
معدل تقييم المستوى: 22
|
|
اقتباس:
المشاركة الأصلية كتبت بواسطة مجنووون الهوى
السلام عليكم ...
اسعد الله صباحكم بكل خير .
متابعكم من سنوات 😂 بس شفت الاعصاب متوتره وكذا .. قلت ادخل اسلم عليكم 😁
اولاً ابارك للملازم ماجد قبوله ... وبالتوفيق للجميع ضابط احياء والجميع يارب ..
من صغري وانا احلم بان اكون ضابط 😊
ولما جت الفرصه وقدمت ع الامنيه وانا لا ليلي ليل ولا نهاري نهار وابي ادخل هذه الكليه ويتحقق حلمي ... من ثالث العيد وانا ما انام الا ساعتين وعلى هذا المنتدى احدث وعلى صفحة العمادة للقبول والتسجيل منتظر الاعلان وورى الاشاعات 😔
وكل يوم احلم وانا لابس البدله ☺️ والنجمات ومن هالامور ... وانعزلت عن الناس ولا اشتريت ملابس للعيد 😂
لان ما بحتاجها بينزل قبولي وادخل الامنيه وتنطش ما بحتاجها الا بعد سنه 😊
وكل يوم اوسوس وغير صور عرض الواتساب حاط ضباط وصور الرتب ومزعج امي والوالد بهالعسكريه ...
عشت ايام وانا احلم واحلم واحلم ....
بس كنت اقوم اخر الليل وادعو الله ان ييسر لي خير الامرين ( القبول او الرفض )
بعد هذه الاحلام والتمني ووووووو
وكنت لو استبعد توقعت راح انجلط 😊
بالامس وصلني من احدهم انني لم اقبل وانني احتياط .. فنزلت ع قلبي مثل الثلج ورضيت بما اختاره الله لي ... وكأن هم ع قلبي انزاح .. صح حلم الطفوله تبخر وذهب ادراج الرياح ولن يعود ... ولما خبرة امي شفت في عينيها الدموع 😢 ... دموع حصرتها ان حلمي ابنها لم يتحقق وحصرت الوالد ... بس كنت راضي بما اختاره الله لي ... واذا رب السموات والارض بيده كل الخير .. مقتنع بما قدره الله لي واعطاني الله اكثر مما سالته والحمدلله اولاً واخراً ..
اتمنى من الجميع عدم التوتر .. وعيشو حياتكم ودعو ربكم بان ييسر لكم الخير اما في الامنيه او غيرها 😊
|
الله يوفقكك يارب.
شوف ياغالي وكل الي بالمنتدى لاتحاول تحسس إهلك انك متعلق بذا الوظيفه وانت بتموت عليها انا العام الماضي الكل بالبيت كان يسمعني الضابط ومره ضامنها لدرجه ماحد يتخيلها وانا كنت صاحب فكره قروب الواتساب. وسويت اول قروب وكنت عليه طول اليوم وفعلا كنت احس اني مقبول وكانت حالتي نفسكم واكثر طبعا افكر اقول معدلي لا باس قدراتي كانت ممتازة وقتها والياقه على السير جبتها بثلاث دقايق و15 ثانيه على كلام المدرب ممتاز والمقابلات في الجيب سوالف وضحك قلت كل أموري في السليم وتخصص مطلوب جدا بنائا على كل هذا ضمنت القبول في يوم الجمعه الصباح كنت طالع قطر واقولهم انها اخر سفره لاني بكون بالدوره وكذا.
تو دخلت جمرك السعوديه راجع من قطر. تجي الوالد رساله واتساب انه الوالد بالاحتياط الله يسهل.
انا انهرت فعلا انهيار شلون انا سويت وسويت شعور الله لايعيده وانشالله ماحد يجربه بس فعلا قهر والله ياشباب اكثر من شهر ماطلعت الا المسجد وارجع وعلى المنتدى والقروب انتظر احد يطلع ولا اي خبر. لدرجة كنت افكر اشتري لاوازم الدوره .
الهدف الي حاب اوصله لاتكون كل همك الكليه انا ضيعت سنه ماسويت فيها ولا شي عشان ارجع اسجل وهذا غلط لاتحزن قلب ولادينك وتشكي لهم دايم فعلا انت محتاج تشكي لكن حاول خل لك خطه بديله لاتعلق مصيرك على الكليه تعرف انه اكيد في ناس بيكونون احتياط. لاتقول ممكن يستعوني وتنتظر لا دور وابدا بالخطوه التاليه اعتبر الكليه شي وانتهي في فرص. باذن الله حذاري تقول بنتظر السنه الجايه وتغلط غلطتي
اسال الله العظيم المولاء الإله الواحد الاحد القادر الرازق المعطي ان يمن علي وعليكم بالقبول النهائي في كلية الملك فهد الامنيه. ويسعد قلبي وقلبكم هو ولي ذالك والقادر عليه ياااارب
اكثرو من الاستغفار اليوم جمعه وتقربو الى الله والله يكتب الي فيه الخير والصلاح.
|
العرض العادي
