بسم الله الرحمن الرحيم

السلآم عليكم ورحمة الله وبركاته

وش حالكمم الجميع نسأل الله التوفيق لنا ولكم

ماسكه معي مقدمات ورسميات

الزبدة آنآ خريج جامعة طيبة تخصصي كيمياء ومثل ما انتم عارفين ان دراسة طيبة خمس سنوات

1 سنة تحضيرية + 4 اربع سنوات تخصص

خلصت 160 ساعة مع اني حملت ثلاث مواد فقط طوال الدراسه الحمدلله ادري دافور

وقدمت ع الكليآت العسكرية وشلووتي مع ان طولي 179 ووزني 73 ولاعب نادي << يلمح

بس السؤال الان لمن اقدم تجنيد بيعطوني رقيب ع ماسمعت بس هل انا وبكالوريوس اربع سنوات مثل بعض ,.؟؟ يعني رقيب رقيب ولا بوه اقدميت سنه وكذا

وعليكم السلام ورحمة الله وبركاته


والله لو تبي نصيحتي حاول تدور اي وظيفه والسنه الجايه قدًم على الدفاع والامنيه والحرس،، ولا كمل ماستر وتضاف لك السنه سنتين، بس رقيب وجامعي !!! قهر


الله ييسر لنا ولك ويكتب لنا ولك اللي فيه الخير

شوف هذا رد واحد في موضوع جنبنا

|
|


اعرف 4 اشخاص شخصيا لم يتم قبولهم دورة 43 وتم قبولهم جميعا دورة 44

بصيص امل ان شاءالله لمن لم يحالفه الحظ السنه الماضيه

بالتوفيق لكم

ترا قابلنا ناس جامعيين وداخلين برتبة رقيب .. حالتهم النفسيه سيئه جدااا .. نصيحه اذا تقدر تصبر اصبر .. وخلها اخر حل لك .. بالتوفيق

اذا كان ودك بالعسكرية فاصبر للسنة الجاية تقدم ع الامنية مرة ثانية ..
واذا كنت مستعجل ع الوظيفة فانصحك بالمدنية والتعليم راح يفتح لغير التربويين بمنتصف شوال
أما سالفة رقيب فما أنصحك أبدا أبدا أبدا لإنك راح تواجه ضباط جامعيين نفس تخصصك وربما اخذوها ب 4 سنوات يعني ربما وضعك النفسي من هالناحية يكون سيء زي ماقالوا الاخوان عشان كذا مانصحك فيها والله يكتب لك التوفيق والسداد ..

انتبه وحذاااااري انت كذا تجني على نفسك انت جامعي مفروض تطلعاتك ونظرتك للحياه افضل مو تقولي رقيب الله بيرزقكك انتبه ثم انتبه لاتورط نفسك ترى بتخسر مستقبلك وحاضرك وبتخسر الماضي دراستك وسنوات الجامعه

اللي اعرفه ان كل القطاعات يعطونك رقيب لانك بكالوريوس علمي


انا قدمت على الامنيه دوره43 و44 ومالقيت وظايف بحثت بكل مكان وماعاد فيه صبر والحين اخلص اوراقي وكيل رقيب بالجوازات ماهي مستقبل بطقطق فيها لين يطلع اسمي بالتعليم ويمكن اكمل الماجستير عن بعد


بالتوفيق للجميع