السلام عليكم ورحمة الله وبركاته
كيف الحال ان شاء الله بخير ؟؟
اليوم حبيت اطرح لكم طريقة حجز المواعيد في موقع تكافل
للوظائف التعليمية . . .
اول ما تدخل على الموقع تروح الى نظام المقابلات
تحط رقم هويتك ورقم جوالك
وتدخل على النظام
واول مايفتح لك يطلع لك 3 خانات :
الاول : رفع الملفات .
الثانية : تحديد الرغبات .
الثالثة : حجز موعد المقابلة .
نبدء في شرح الاولى وهي الصعبة واللي الكل يعاني منها
بسبب رفع الملفات اللي حجم الصور والوثائق مايتعدى الـ 500 كيلو بايت .
قبل لا ترفع الصور والملفات تتاكد من حجمها مايتعدى الـ 500 واذا تعدى
لازم تسوي لها تصغير حجم واشهر وافضل موقع لهذه الطريقة هو الموقع التالي :
http://compressnow.com/
تدخل عليه وترفع الصوره من خيار رفع الملف
وبعدها تختار بالنسبة المؤية كم تريد حجم الصورة وبعدها يطلع لك على الجنب
كم حجمها وتعدل على كيفك لين توصل لـ 500 او اقل منها عشان ترفعها لموقع تكافل .
وهذه الصورة الاولى للموقع :
وهذه الصورة الثانية بعد ماترفع الصورة ، تختار نسبة تصغير الصورة :
وهذه الصورة الثالثة : بعد ماتختار النسبة تضغط على كلمة compressnow
تطلع الصورة على اليمين وتحتها كلمة download تضغط عليها عشان تحمل الصورة في جهازك .
وبعد ما تصغر الصور تروح للموقع وترفع الصور التالية المطلوبة منك :
1- بطاقة الاحوال
2- وثيقة التخرج
3- السجل الاكاديمي
4- ترجمة السجل الاكاديمي اذا كان بغير العربي
بعد ماتخلص من رفع الملفات تروح الى المرحلة الثانية وهي تحديد الرغبات تحدد الرغبات
اللي طلعت لك المدينة في الترشيح ، مثلي انا طلع عرعر وطلع لي في الموقع المدن التالية :
عرعر ، رفحا ، العويقيلة ، طريف .
ورتبتها على حسب رغبتي كتالي :
1- عرعر
2- العويقيلة
3- طريف
4- رفحا
وبعد ماتخلص من المرحلة هذه تروح لثالثة والاخيرة ، وهي حجز الموعد
ولكن ماقدرت ادخل عليها بسبب ، انه لحد الان مافتحوها .
وهذا كل شيء ـ واي استفسار او شيء حياكم الله .
19-07-2015, 08:40 PM
كيفية حجز المواعيد للمقابلات التعليمية في موقع تكامل
العرض الشجري
