السلام عليكم
يا اخوان حصلت وظيفة مراسل على المرتبه 33 في وزارة الداخلية قسم الأمن الفكري في الرياض
وقالوا لي اذا توظفت فيها ماراح تقدر تنقل أي مدينةاخرى لان هذا القسم موجود فقط في الرياض وضروفي ما تسمح لي اجلس في الرياض مدة طويلة لازم انقل عند اهلي لاني الرجل الوحيد في البيت وأبوي متوفي الله يرحمه ويرحم أموات المسلمين أجمعين

فهل كلامهم صحيح ؟ رغم انها وظيفة رسمية في الخدمه المدنية

وعليكم السلام ورحمة الله وبركاته

صباح الخير وتحية طيبه وعيدكم مبارك وعساكم من عواده
والله يعيده عليكم أعوام عديدة وأزمنه مديدة وأنتم باتم صحه وعافيه وسعاده

والله يرحم والدكم المتوفي ويغفر له ويجعل مثواه الجنه ولأموات المسلمين

كذلك أبارك لكم الوظيفه والله يجعلها باب رزق وخير عليكم

أما بخصوص إستفسار نقلك وأنت على وظيفة مراسل 33 على بند المستخدمين وهي رسميه

حسب علمي يحق لك النقل لأي وزارة أو جهة حكومية لديها بند المستخدمين بالقرب من أهلك الجهات إللي توظف على

بند المستخدمين واتوقع كل الجهات مثل الجامعات التربية والتعليم الصحه البلديه وغيرها من الجهات المختلفه

بس أهم شيء تجد لدى أي جهة تناسبك وبالقرب من أهلك وظيفة مراسل على نفس البند شاغره ينقلونك عليها

وتوافق جهتك الحالية إللي بوزارة الداخليه بالرياض على نقل خدماتك ولا تمانع


هذا حسب علمي والله أعلم




*** في الوقت الحالي لا تبلغهم بأنك تفكر بالنقل حتى لا تروح عليك الوظيفه وتنحرم منها وتضيع فرصتك بالتعيين عليها

خذها وأصبر مده ممكن سنه تعدي سنة التجربه وأبحث عن نقل خدمات لدى أي جهة بنفس البند

الله يعطيك الف الف عافيه ومشكور ياخي الكريم وانا لحد الآن ماقلت لهم شئ
لكن هل سبق ان مرر عليك احد نفس حالتي ؟

نعم هناك شخص من منقول من جامعة الملك سعود إلى جازان على بند

كذلك شخص آخر من جامعة أخرى مكلف لدينا

وعلاقتي بهم سطحيه






أنا موظف بسيط قد أصيب وقد أخطئ

للعلم والإفاده روح لأقرب فرع لديوان الخدمه المدنية لشخص يفهم الأنظمه ليس أي موظف وأستفسر لديهم قد تجد إجابتك لديهم وكل ما تبي تعرفه

أو توجه لأي جهة حكومية لإدارة شؤون الموظفين وأستفسر عن النقل للمستخدمين . يكون السؤال بشكل ودي قد يجيبك ويفيدك بحكم موقعه بالجهة بإدارة شؤون الموظفين وأكيد ملم بالأنظمه واللوائح