قدمت على الضمان الاجتماعي عجز مؤقت طبعا ( تجديد ) ﻷني كنت مستفيد سنتين وانتهت في شهر رجب ومن تاريخ 7/7/1436 اللي هو موعد حضور اللجنه وأعطاني الدكتور سنتين مره ثانيه ﻷن عندي إصابه في مفصل الفخذ الأيسر وأحتاج الى إجراء عمليه وتغيير المفصل بمفصل صناعي المهم من 7 رجب وأنا في معاناه مع مكتب الضمان كل مره يطلبون مني طلبات جديده آخرها في شهر رمضان بعد ما أرسلت للوزير ولوكيل الضمان على الايميل إتصل عليه المكتب وقال لابد من حضوري ﻷنه باقي أوراق ناقصه لازم أكملها عشان يسجلوا لي طلب المهم رحت لهم الا وهم طالبين مني أوقع على تعهد بأن جميع بياناتي صحيحه فقلت للموظف كيف هذا التعهد وكل البيانات موجوده عندكم المهم وقعت وبعد 3 أيام سجلوا لي طلب وهلحين كل ما دخلت أستعلم يطلع لي طلب تحت الدراسه عجز مؤقت فأرجوا إفادتي كم باقي راح أنتظر عشان أستلم البطاقه علما بأن الوزارة أرسلت لي على الايميل تم شمولك بمعاش الضمان الاجتماعي من قبل المكتب
وأسف ﻷني طولت في الشرح وتقبل تحياتي

وعليكم السلام
لاتتأسف يانظر عيني انا هنا لخدمتك
طبعا مادام سجلوها بالجهاز الحمد لله شهرين وكم يوم وتكون البطاقه بالضمان من تاريخ تسجيلها بالحاسب لكن راقب الحاله بالموقع والمشكله الان الضغط الحاصل بمركز البطاقات بالرياض نظرا لتغيير البطاقات القديمه بالجديده وهذا هو لب المشكله
لكن راح الكثير مابقي الا القليل

الاخ المنتصر بالله تحيه طيبه وبعد
تغيرت الحالة عندي الى قائم عجز مؤقت (تجديد) من أسبوع تقريبا ولكن كلما أستعلم عن البطاقة تطلع لي معلومات البطاقة الأوله اللي انتهت وتطلع انها نشطه وبالنسبة للقرار فقد أعتمد من يوم 1/11 أرجو إفادتي متى سوف تظهر بيانات البطاقه الجديده ومتى راح أستلمها ولك ألف ألف شكر وتقدير

طيب الحمدلله قريبا وتنتهي المعاناه ادخل الموقع شوف معلوماتها طلعت وشوف تاريخ البطاقه متى تم اصدارها هي عاده 3 اسابيع وتستلمها وقد تتأخر لشهر هانت مابقي شي الا الاستلام واسأل عنها بالضمان كل 3 او5 ايام

المنتصر انا بطاقتي راح تنتهي بتاريخ 1 محرم هل اقدر اسحب فيها بشهر محرم ولا اخر شي ذي الحجه وكم ياخذ وقت لتجديد البطاقه جزاك الله خير

تابعيها بالموقع ايقونه البطاقه اذا اصبحت جديده معناته وقفوها البطاقات السابقه وقفوها عن العمل قبل اتنهاءها بشهرين وثلاثه اشهر وهي حظ نصيب لكن اظن انك تستطيعين سحب معاش ذي الحجه

لقيتها مكتوب نشطه حاله البطاقه معناته وضعي بسليم ان شاءالله
وضعك سليم ليس 100 / 100 بل مليون بالميه

وضعك سليم ليس 100 / 100 بل مليون بالميه

الحمدالله يارب