السلام عليكم ورحمة الله وبركاته

أخوي قبلوه الجامعه بتخصص أحياء والأن الصراحه مانعرف عن مستقبله الوظيفي
شيء والأن فيه إمكانيه نراجع الجامعه ونطلب تغيير تخصص قبل بداية الدراسه.


أقدر أطلب تحويله إلى :
لتخصص إدارة أعمال
فيزياء
كيمياء

السؤال هنا ماهي الوظائف المستقبليه لقسم الأحياء العامه بنين
علما رغبت أخوي أحياء .

وعليكم السلام ورحمة الله وبركاتة
أنا خريجة قسم أحياء ( بنات )
المجالات :
إما مدرس أو فني معمل بنفس القسم أو معيد
لقيت أغلب الفرص منحصرة بين هذي المجالات مافيه أكثر من كذا
و لو أحد عنده فايدة ياليت يضيفها هنا

موفقين إن شاء الله

اذا رغبت اخوك احياء ويحب التخصص لاتحول التخصص مهما كان المستقبل الوظيفي

يختلف فيه أحياء تبع كلية التربية هذي تكون وظيفته تعلميمية
وفيه أحياء من كلية العلوم مثلي أنا أحياء دقيقة مجالاتها للرجال أكثر من النساء النساء محتكر التعليم الخاص حتى الحكومي ما ندخل المفاضلة او مختبرات المستشفى لكن الرجال اوسع بكثير لما يتخرج فيه ارامكو و سابك و مدينة الملك عبد العزيز للعلوم و التقنية و وزارة الزراعة و الحياة الفطرية و صوامع الغلال و الغذاء و ادواء و شركات الأغذية الكبيرة مثل المراعي و اراسكو و غيرها و بعض الشركات اللي لها علاقة بالبترول غير الجامعات في مجال المختبرات البحثية سواء جامعات حكومية أو خاصة وأيضا وزارة الصحة و أنا شخصيا أعرف أخو صاحبتي تخرج على طول توظف في وزارة الزراعة و اذا تبغى تعرف أكثر فيه فصفحة كل جامعة مجالات كل كلية

أشكر كل من شارك وجزاكم الله خير

تخصصه أحياء عامه
كلية العلوم
غير تربوي

جارنا احياء غير تربوي
كان فني مختبر بمستشفى
طلع ماستر على حساب العمل رجع رقوه طبعا
وطلع مره ثانيه حاليا للدكتوراه

ممكن يكون مدرس بعد الدبلوم التربوي حساب القرارات الجديدة
فني مختبر في الجامعات أو في بعض الشركات أما في المستشفيات لايحط أمل لأن تخصص أحياء عامه لايوجد له تصنيف من قبل هيئة التخصصات الصحية
معيد
ممكن يعمل في مراكز الأبحاث بس مراكز الأبحاث قليلة
على العموم الكيمياء والفيزياء والأحياء تقريبا نفس المستقبل الوظيفي أما إدارة أعمال ممكن يكون مطلوب أكثر من قبل الشركات والدوائر الحكومية

مع الاسف التخصص العام ماله مجالات واكبر مثال الاقتصاد المنزلي التربوي العام
وهذا الكلام بنفسي ناقشته في التخصصات الصحية وقال لي الأدرة العامة برياض
قرار ما يتم تصنيف علي الفنين مثل الاول كانوا يؤاخذون التخصصات العامة احياء اقتصاد
فيزياء علوم أخصائيين اليوم نزلوهم فنين الحين منعوهم وهذا الكلام انا ناقشته معهم

أتوقع أن أي احد يبغى يعرف ان مستقبله الوظيفي بالقسم اللي التحق فيه بإمكانه يسأل إدارة القسم أو رئيس القسم نفسه
وهم يفيدونه او يعطونه معلومات