خلونا ندردش شوي قبل إعلان أسماء المرشحات ..

وش رايكم بمنصب المتحدث الرسمي

منصب مرعب مخيف حتى ولو كنت أطيب قلب في العالم ماراح أحد يقدر طيبتك و جهودك وممكن تظلم أحدهم سواء بقصد أو بدون قصد ..

المتحدث الرسمي للخدمة المدنية الأستاذ حمد المنيف ..

قرأت بعضا من سيرته الذاتيه وبعضاً من إنجازاته

في كثير من تغريداته أراه دائما يتحدث عن الموت حتى في ادعيته

ويتحدث بحزن عن والده المتوفى الله يرحمه..

أنا أشوف ان هالمكان مايصلح إلا لواحد مثل الخنين يتحمل الكم الهائل من الدعاوي والشتم والإساءة لأنه يستاهلها

لكن المنيف على باله الشعب بيرحمه والله لو أنه أطيب منه ....مافيه رحمة

كلا يهمه نفسه حتى في الموت ماقدروا المرثية في زميله الراحل ..

هذا المنصب مخيف أنه في الواجهه والاغلبية يدعون عليه والبعض ما يقدر

وهو أحيانا أساليبه منرفزه ومايراعي مشاعر الأغلبية ..

لكن في كل الأحوال إرضاء الناس غاية لاتدرك ..

والله حتى انا كاسر خاطري المنيف

مدري عن سيرته ولا شي بس هوو وظيفته يتحدث موو وظيفته انه يقرر ولا يتاخذ اجراءت بس كل شي يطيح فوووق راسه

ياعمة وش يكسر بخااطرك والله العاطلين والعاطلات الي يكسرون الخااطر
مو قد المنصب يستقيل
ع عموم اي شي يخص التعليم والصحة يحتااج لشخص مثل سعود الفيصل الله يرحمة ويغفرلله
ممزوج بقوة شخصيه بالحزم بالعطف
الله يكوون بعون الجميع

نعم اوافق بشرط اكون صريح واعترف بالاخطاء اللي بالوزاره غير كذا فلا اوافق

المنيف قبل بوظيفته متحدث رسمي فاليتحمل قراره

بالعكس منصب مريح ومانه اي مضايقات اذا هو فاهم انه راح يقابل انواع من البشر والشخصيات عاد تعال شف اللي يقدر واللي مايقدر واللي يحسب التوظيف بيده احسن شي يعمله واتوقع هوا كذا ي جبل مايزكش ريح ناس قلقانه ومتوتره وعندها ضغوط يبون يتوظفون ماراح يرد ع احد واللي يدعي بترجع عليه دعوته لان الرجال ماعملهم شي

أنا لو أيه ما أمسك منصب متحدث رسمي
إلا في حالة المواجهة وجها لوجهة أو أكون في واقع الحدث حتى أفهم
والأمور تكون واضحه نسبيا والتعامل والاقناع يكون أوضح وأصدق
أما عن طريق وسائل الاعلام لا
مافيها مصدقيه وحتى اللي يكتبون بعض الأسئلة أغلبهم يصتد في الماء العكر
يريد الأحراج لا إظهار الحق

اذا وزاره مدحدره..ومتخبطه ..وعدم شفافيه..وكل يوم قرار
لا والله اعتذر عن هالمنصب..لاني انا بوجهه المدفع

اما الوزاره اللي تحترم المواطن..وتكون واضحه معاه من البدايه..وماشيه على خطتها ونظامها مضبووط..لي الشرف اكون متحدث وبكل ثقه

المنيف ما قصر واي متحدث اشوفه يجتهد قد ما يقدر عشان يرضي الجميع
بس هالشي صعب

بس نفسي اعرف الناس ليش تسب وتدعي ؟ ترا الدعوه ترجع لك
انا احياناَ اقرأ ردود فعلاَ اتعجب بالله هذول حيصيرو معلمين ! وبالكلام البذيء هذا
طيب وعاطلين يعني ايش بيده هو لا هو وزير ولا حتى ملك ! وكثير ناس تقول مو قد المنصب يستقيل
ماهي نفسها نفسها الوظيفه وحده والمتحدث مهامه محدوده مستحيل يصير سوبر مان
هو فقط يوصل الاخبار اللى تجيه ويرد على الاسئله

هذي وجهة نظري في الموضوع
سبحان الله وبحمده سبحان الله العظيم ~