السلام عليكم

اخواني عندي استفسار بخصوص مشروع توصيل طلبات من المحلات او المطاعم للمنازل
هل الافضل اروح للزبون واخذ منه الفلوس واشتري له الطلب ولا اشتري من فلوسي وبعدين اخذ من الزبون ؟
وش الضمان ان الزبون مايسحب ويكنسل الطلب ؟!
والشي الثاني وش ضمان الزبون لي يعني ممكن الي يطلب مايعطيني الفلوس الا لمن اشتري له الطلب لانه ممكن مايضمن اني اشتري له الطلب ..!

واسف اذا الاسئلة غريبة لاني ماعندي خبرة ابدا بهذا المشروع .. وشكرا

حسب معرفتي الموضوع بشكل ثاني وليس كما تسال عنه
انت لا تدفع شيء ولا ريال المطلوب فقط الصدق والامانة ويكون التوصيل بنفس الموعد وطبعا توفر السيارة
هناك تاجرات توجد عندهم بضائع وينقصهم خدمة التوصيل
كل ماعليك الاتفاق مع التاجرة بتوصيل البضاعة مقابل مبلغ مقطوع 50ريال او 75 حسب الموقع فقط
طبعا انت تستلم البضاعة تكون مثلا كافية لك لتوزيع لمدة اسبوع وبعدها تقوم بتوصيلها لزبائن حسب توجية التاجرة بعدها تستلم قيمة البضاعة وايضا قيمة التوصيل تاخذاها من الزبون هذا يكون حسب منطقتك طبعا هذا يكون حسب الاتفاق مع التاجرة هل انت من يستلم قيمة البضاعة او فقط تستلم قيمة التوصيل.

جزاك الله خيرا على الافادة .. لكن انا طريقتي مو كذا
الطريقة اني انشر رقمي والناس يتصلون الي يبغا شي من مطعم ولا سوبر ماركت ولا محل معين اجيبها له واخذ حق المشوار
مو شغلة اني اكون مندوب لشخص معين ..

السلام عليكم ورحمة الله

أخي سباقتي
أسعد الله أوقاتك بكل خير

عندي تفاصيل كثيره حول نشاط هذا المشروع
كانت الفكره تراودني منذ أكثر من 3 سنوات
3 سنوات كانت كفيله بأن تنمو الفكره وتنضج من جميع النواحي
ولدي الأجوبة على جميع الأسئلة المتوقعة لمثل هذا النشاط

الفكرة لم ترا النور بسبب عدم وجود رأس المالك الكافي
ثانياً عدم وجود شريك لو حبيت مثلاً أبدأ بداية بسيطه
فشخص واحد لا يستطيع إدارة مثل هذه المشاريع بمفرده

في حال حبيت التواصل معي للمزيد من التفاصيل
هذا إيميلي mooody1980@hotmail.com

لا مشاء الله هالمشروع مره بطل

ليتني رجال قسسم انه تدخل مبلغ مررره بطل

هو يعتمد عليك في امانتك واخلااااااقك والتزاااامك وتوصيلك لطلب بسرعه

ليش اقول امانتك واخلاقك والتزامك لانه منها صدقني بتصير معروف مره بالمنطقه اللي انت فيها

لاتسال رجال عن هالموضوع >>خخخخ اسالنا احنا خبببببره

والله انه شيئ مررره مطلوب مع هالحااااااجه

وصدقني مايحتاااج رقمك بيتشر انتشاااار في مدينتك

يصير بعدين تشوفلك تاجره تصير دخل ثابت ويين شاااطين ترا التوصيل لتاجرات ب 10 20

ي شيخ بس يطبون فيك بنات الجامعه هذولا كنززززز ******** يااااهو جوووووع وطلبات اكل من برا فضيييعه

وماظن فيه احد يطلب ويكنسل الجوع كافر >>>والله لا يكتبها عليك