السلام عليكم

هالموضوع بيكون خاص بالمتطلبات والاستفسارات الخاصة بما بعد القبول النهائي

أرجوا ان تكون المشاركات ضمن هذه المحاور ..

ومبروك قبول الأبطال وعقبال المناصب العليا

وعليكم السلام ورحمة الله وبركاته
ألف مبرووك للمقبولين والله يوفقكم وييسر أمركم

أولاً : عندي مجموعة نصائح ودي أقدمها لكم بما إني كنت طالب في الكلية
- في البداية اشكر الله سبحانه وتعالى على قبولك واعلم إن في آلاف الطلبة ما
كتبت لهم هذي الفرصة وتم اختيارك بينهم .

- والديك هم السبب بعد الله سبحانه وتعالى فيما وصلت إليه أنصحك دائما قبل ما تدخل وبعد ما تتخرج
إن شاء الله الطاعة والمعاملة الحسنة لهم ولأهلك ولأخوانك وربعك لا تغرك ( الرتبة ).

- الحين أعرف مدى شعورك بالفرحة والانبساط ولكن لاتنسى ترفع معدل اللياقة البدنية خلها مشي وهرولة يوميا
حتى تبدأ الدورة ساعة ونص حتى لا تجيك إصابات في الكلية .


# قبل التحضير ب 24 ساعة راح تجيك رسالة على الجوال باسم الكتيبة والسرية
والفصيل والشعبة > مصطلحات راح تعرفونها أول يوم إن شاء الله .

- اذا حضرت يوم 21 أعرف إنك داخل على كلية عسكرية والعسكرية فيها شدة وفيها أوامر
قبل ما تدخل الكلية حط في بالك إن السنة هذي راح تعدي إن شاء الله تعالى وآلاف الطلبة تخرجوا من الكلية
قبلك مهما واجهت من المصاعب والتحديات والاصابات اصبر وتذكر امك وابوك واهلك إنك ترفع رووسهم
وتتخرج وانت ضابط بمشيئة الله .

# دورة العام 44 دخلنا يوم 20 -10 وطلعنا 29 -11 وعدت سريع سريع
دورتكم نفس وضعنا تطلعون ب 29-11 أو 1-12 وبعدها مهمة الحج في منى
تبدأ من 4 إلى عصر اليوم 13 .



# اأول يوم في التحضير راح تدخلون للصالة الرياضية نفس المكان اللي كنتم تقدمون فيه بشنطكم
وراح تجلس مع ( فصيلك ) حسب الرسالة اللي وصلتك . بعدين ترووحون للميدان
ممنوع تسحب الشنطة تشيلها ويصفونكم ويفتشون الشنط .

# راح بعدين تقابلون مدير الكلية ويعطيكم نصايح بعدها ترجعون للميدان تآخذون الشنط وتتعرفون على غرفكم
وتستلمون المخدات والبطانيات والشراشف وتتعلم كيف ترتب سريرك والدولاب .

# بعدين تتوجهون لصلاة الظهر وبعدين ميز الغداء وراح تعرف فين تجلس وايش طريقة الأكل
كل شي بأمر . تبدون الأكل مع بعض وتنتهون مع بعض > نصيحتي كل بسرعة

# حصة رياضة بعد العصر وبعد المغرب تنزل الميدان تتعلم الثبوت وكيف الوقفة العسكرية
بعدين عشاء وبعدين نوم . والصحيان يكوون 3ونص تقريباً .


# راح تحس بالتعب من أول يوم وراح تكره الكلية ولكن راح تتعود ومالك إلا الصبر كلها فترة ووتعدي


هذا اليوم الأول حسب دورتنا العام .




الخمس والأربعين بشكل عام أول أسبوعين راح يكون عندكم حصة رياضية بعد الفجر وبعدها حصة مشاة
عسكرية بعدين ميز الفطور بعد ثبوت في غرف النوم بعدين صلاة الظهر وبعد الظهر غداء .

بعد صلاة العصر حصة رياضية وحصة مشاة بعدين صلاة المغرب وبعدها راح يكون حصة مشاة
بعدين صلاة العشاء بعدين ميز العشاء وبعدها نوووم

يوم 5 -11 راح يبدأ التعليم في الكلية وراح تخف التمارين معكم راح يكون نظامكم حصة رياضة بعد الفجر
وبعدها ميز الفطوور وبعد الفطور هرولة على التعليم من 8 -12 الظهر . وبعد العصر راح يكون
حصة رياضة ومشاة والمغرب فترة مذاكرة بعدين صلاة العشاء وبعدين الميز وبعدها نوم .

حسب دورتنا العام




# راح يكون فيه مدربين باكستانين لكل فصيل مدرب راح يكون تعامله معاك تعامل عسكري
أوامر ويجازي وإنت خذها بروح رياضية وفلة

# راح يكون عندك تنظيف للغرف وللمرات وأشياء ثانية تعرفها في الكلية

# الإشاعات منتشرة في الكلية بشكل غير طبيعي لا تصدق أي شي ينقال الكلام اذا ما كان
مصدره قائد الكتائب أو اللواء الخليوي لا تصدقه .

# النوم في الكلية حتى التخرج راح يكون فيه تعب شوي ولكن مع التعود حتى إذا طلعت خميس وجمعة
تنام قليل وتصحى جسمك تعود على النوم القليل .

# الهرولة من أول يوم تدخل حتى تتخرج من مكان لمكان معاااك بس انت خذها من جانب رياضي

# خل علاقتك مع أخوياك في الفصيل علاقة أخوية لأنك معهم حتى نهاية السنة .

# قايد الفصيل اعطه فكرة جيدة عنك لأنه في نهاية السنة تقييمك وملفك السري ومادة المشاة عنده فخل علاقة معاه
علاقة محترمة .




هذا اللي عندي اعطيتكم ما في جعبتي من معلومات عن دورة العام كتبتها وانا مستعجل صحيح إن فيها ضغط ولكن الأمور بتعدي وسهالات وتذكر إن آلاف الطلبة تخرجوا رغم التعب والمصاعب ولكن اصبر وشد حيلك .


مستلزمات الدورة وكيف تشتري إن شاء الله اضعها بين أيدكم اليوم أو بكرة
تحياااتي

كفيت ووفيت يا مهندس ..
الـ45 ضغط نفسي وضغط بدني ،

قاعدة في الدورة : عيش اليوم ولا تفكر في بكرة
و لا تتابعون الاشاعات لانه تتعبكم اكثر من ما تفيدكم
والله يوفقكم يا وحوش .

الي تخصصه العلاقات العامة في اي قطاعع يحطونهم في الغالب ؟؟؟؟؟؟؟؟

كفيت ووفيت يا مهندس ، الله يجزاك خير

بانتظار المتطلبات يا الغالي ..

وأزيدكم من الشعر بيت

بيغثووونكم كل شوي على عموم الطلبة سرعة الإستعداد للجمع
أول اسبوعين توقع كل ساعة بيكون فيه جمع


أهم شيء لا تنفس .. خل في بالك كل شوي بيكون جمع

كم عدد المقبولين نهائي ؟

وبتقابلون وحش الميدان .. الحجراف
يا إني معجب بشخصيته

http://i.imgur.com/oyiF1jk.jpg

وش وضع الدخان من الحين شلت همه

ولازم التزم بالعدد اللي كاتبينه ولاعادي ازود من عندي ؟