وظائف للبنات في جامعة الرياض

Computer GirL · #**1191** (**permalink**) 30-10-2008, 04:56 PM

لانا يا عمري ،،،،،،،

أتوقع عادي
مايدققون بالأشياء هذي ،،

تطمني ،،

الله ييسر أمرنا ،،، ويرزقنا من حيث لا نحتسب

لاإله إلا أنت سبحانك ،، أني كنت من الظالمين

عاطلة IT · #**1192** (**permalink**) 30-10-2008, 05:15 PM

اقتباس:

المشاركة الأصلية كتبت بواسطة Computer GirL

والله عورني قلبي يوم دريت أنهم مشترطين بطاقة أحوال لدخول اختبار محضرات المختبر ،،

أكيد لما يجي امتحاننا بيشترطون ،،،،،،

IT
بسألك عن بطاقة الأحوال ،، وين موقعهم ،، ومتى دوامهم ؟؟ وش اللي مطلوب أجيبه معي ،،

غثيتك بالأسئلة ،،، بس شكلي بطلع بطاقة قبل ماأتورط ،،،

ياقلبي انتي ابدا ماغثيتيني وخذي راحتك بالأسئله ..

شوفي ياسكر .

موقعهم مااعرف اسم المنطقه بالضبط بس اتذكر اني رحت من عند جامعة سعود بالملز

وخليتها على يساري ودخلت شارع الجامعه ومشيت على طول الين وصلت لكبري

دخلت تحته لاتطلعين الكبري بعدين يوديك اجباري يمين وتمشين كثييير بعدين اول ماتلقين

يو تيرن ترجعين منه وانتي راجعه راح يجي على يمينك وزارات من بينهم وزارة الصحه

اذا ماني غلطانه بعدين تروحين يمين اجباري اعتقد بعدين بيجيك كبري يسارك وتحته

الاحوال المدنيه عاليسار ويمينك في محلات تصوير نسائي عشان اذا مامعك صوره

وبتأكد لك من الوصف من ابوي بس الحين هو مو موجود بالليل ان شاءالله أأكد لك

الوصف واذا في احد يفهم اكثر مني في الوصف ماراح يقصر ان شاءالله ..

دوامهم اعتقد من الساعه 8 زي اي دائره حكوميه ..

انا رحت عالساعه 10 وخلصت تقريبا 12 ونص او 1 ..

شوفي ياحلوه اهم شي تاخذين معك صورتين شخصيه ملونه

وصوره لبطاقة العايله والاصل بعد

والشي الثالث تاخذين جواز السفر أو يكون معك معرف ( يعني امك او اختك بس معها

بطاقة احوال ) أو يكون معاكي ولي امرك ..

وان شاءالله مااكون نسيت شي وانا اقترح عليك تدقين عليهم تتاكدين من الاوراق احسن ..

وبالتوفيق ياقلبي ..

ماااهمني · #**1193** (**permalink**) 30-10-2008, 05:53 PM

عاطله IT
مشكوووره يالغلا ان شاءالله بطلعها باقرب فرصه

اقتباس:

المشاركة الأصلية كتبت بواسطة نقطة كبيرة

السلام عليكم

لو سمحتو الى عندها معلومات عن فنية المختبر
او اى معلومات عن الى هم كاتبينها في الموقع
مثل
معرفة بطرق تحضير الأدوات والأجهزة الخاصة بالمعمل أو المختبر.
· معرفة بالمواد والمحاليل المستخدمة في المختبر أو المعمل.
· معرفة بأنواع الأجهزة والأدوات المستخدمة في عمليات الفحص والتحليل المختبري.
· قدرة على استخدام الأدوات والأجهزة والآلات في عملية الفحص والتحليل.
· قدرة على تمييز المواد والمحاليل المستخدمة في المختبر أو المعمل.
· قدرة على إعداد التقارير الفنية الخاصة بالعمل في المختبر

تخبرنا جزها الله كل خير

اختي نقطه كبيره
على حسب انتي وش شهادتك اذا من تخصصات العلوم ممكن افيدك

اما اذا مقدمة على فنية حاسب الي والله مادري

عموما انا الحين قاعده اجمع معلومات واتوقع الاختبار النظري بيكون غالبا عن قواعد السلامه في المختبرات
وانا حملت من النت كتاب قصير عن هالشي بس ماعرف انزله هنا

اما قولو لي كيف الطريقه عشان انزله
او عطوني ايميلاتكم ارسله لكم

والامتحان العملي ماتدخلينه الا بعد ماتجتازين النظري وهذا احس صعب للي مادخلت المعامل واشتغلت فيها
بس لو مشتغله فيها بيكون سهل مررره

انا صراحه خايفه من النظري واخاف يصدموننا بالاسئله
وبالتوفيق للجميع

محمد2005 · #**1194** (**permalink**) 30-10-2008, 06:05 PM

الله يكتبلكم الخير

دكتوراه بطاله · #**1195** (**permalink**) 30-10-2008, 06:17 PM

الله يوفقكم يابنات المختبر وفنيات المختبر .... يمه سواليفكم تخوف <<<< متعقده من الكيمياء

ماااهمني · #**1196** (**permalink**) 30-10-2008, 06:25 PM

دكتوراه بطاله

وياااك يارب

يايي شو مغرومه · #**1197** (**permalink**) 30-10-2008, 06:40 PM

اقتباس:

المشاركة الأصلية كتبت بواسطة بطالة بكالريوس

انين الروح ابغى اسائلك هل فيه جوازات نساء شكلي راح اطلع جواز سفر بدل بطاقة احوال
تدرين ليش ما اطلع بطاقة احوال خاصه فيني عاداتنا وتقاليدنا ما تسمح لي الله يخلف على كل شي عندهم عيب في عيب الحدلله والشكر والجواز السفر محد داري عنه لو اطلعه لانا نستحيل نسافر برا الله من التعصب عندنا والله لو انك عندنا كرهتي مجتمعنا تشدد على قل سنع عااا اليوم بالفاتحهم بالجواز شكل اهلي بيعلقوني بالمروحه لين قلت ابي جواز سفر
حسبي الله عليهم وشروطهم التعجيزيه يبغونا ما نتوظف
تتوقعون يطلبون البطاقه وقت المقابله ياارب يصرفون نظر عن هذي الفكرر

لا ان شاءلله تنحل ومايطلبون بطااقه وانتى فاتحى ابوك لان الابو يلين عند مطالب بنته عكس الاخوان قشرراان وانا كمان طلعتها اول ماتخرجة من الثانوى وانشاءلله تنحل مشكلتك ومايطلبون بطاقة احوال والله مالهم داعى يصعبون على البنات ترى البنات وضعهم غير عن الاولاد حراام عليهم

يايي شو مغرومه · #**1198** (**permalink**) 30-10-2008, 06:44 PM

بطالة بكالوريس انتى عقدة فى البطاقه وانا عقدتى فى الانتر فيو دايم ياخذون عنى انى وحده مستهتره وماتبي وظيفه دايم اقدم ع وظائف وتحجرلى المقابله
< كلا على همه سرى وانا على مقابلتى سريت

يايي شو مغرومه · #**1199** (**permalink**) 30-10-2008, 06:46 PM

بنات المختبر والفنيات الله يوفقكم ويرزقكم من عنده وتنحل كل امووووركم

خريجة نظم · #**1200** (**permalink**) 30-10-2008, 07:10 PM

بنات انا كتبت جهة التخرج حكوميه صح ولا لازم اكتب وزارة التعليم العالي؟؟
انا كاتبه بمصدر الشهادة اسم الجامعه يعني جهة التخرج وش المفروض ينكتب فيها ردو بسرعه تقديمي السبت
وبعد ابسال شالفرق بين مسجلة طالبات ومسجلة معلومات؟