المشاركة الأصلية كتبت بواسطة * أمواج البحر *

السلام عليكم ..

اليوم رحت الساعه 6 وربع وجلسنا شوي ويمكن كان فيه خمس او ست سيارات وفتحوا البوابه الخارجيه تقريبا 6 ونص دخلونا القاعه

ومكتوب ان المدرج الايمين للمرتبه السادسه والاوسط والايسر للخامسه ..

جو موظفتين وحده للسادسه والثانيه للخامسه وصفينا طابور لايخلوا الموضوع من حركات الهمجيه بعضهم جايات متأخرات ويقولون جينا من بدري بس بصراحه مااخذ الموضوع معاي 5 دقايق لتسليم الملف ووقعنا على ورقه .

طلعت تقريبا الساعه 7 الا عشره او اقل لاني ماتأخرت ابد قبل لااطلع سألت عن سالفة البطاقه الموظفه للمرتبه الخامسه قالت ماادري سألت موظفة السادسه قالت ضروري طلعوا..

واتجهنا للاحوال المدنيه قبل لاندخل الاحوال رحت للتصوير النسائي المقابل وبصراحه مستغله الناس اربع صور بأربعين ..

اغلب اللي شفتهم اعترضوا على السعر وانا بعد بس مشيت ابي ألحق بدري واخلص ..

دخل زوجي للاحوال الساعه 8 وخمس تقريبا وزحمه مره يقول رقمي 470 لكن قبلي 30 مدري شلون ؟؟

وانتظرنا ساعتين بعدها قال هذا موعدك يوم 20/11 قال زوجي ماينفع هي مقدمه على وظيفه قال اجل خلها 19 قال اخوي هي معي خلها تدخل وتخلص قال طيب خلها تدخل عند الحريم وبرسل ملفها..

ولقيت زحمه بصراحه بالقسم النسائي تقريبا دخلت الساعه 11 وجلست للساعه وحده وصورت وعلى طول خمس دقايق وعطوني البطاقه..

بس كرهت نفسي اليوم مواصله وحوسه وزحمه والعبايه مليانه مويه من المطر كرهت حتى البطاقه ..

والصوره كانت سريعه عندهم ماعجبتني بس اهم شئ اني خلصت واغلبهم اللي قابلتهم يطلعون علشان الوظايف هذي.....

وموفقين خير..

اعتذر عن الاطاله..