وظائف للبنات في جامعة الرياض

انين الروح · #**281** (**permalink**) 18-10-2008, 10:43 AM

حرااااااااااااااام ,, اولا بشكيلكم معاناتي انا صايمه ومن امس العصر لحد الان مانمت وتخيلو زحمة الطريق لا وضيعنا بعد ... آآآآآآآآآآآآآآآآخر شي مافيه شي

اصلا قبل ماتدخلين على الجدران اعلان(( تسليم الاوراق في25/10)) سألت الموظفه قالت جانا قرار من فوووووق خلاص تسليم الاوراق يتوقف ويبدأ يوم السبت القادم بتاريخ 25/10.........يعني هالاسبوع لحد يروح ويتعب نفسه زي ماصار معي لكن معليش انا حبيت اني اجيب الخبر الوكاد ........ ولاتزعلون كل تأخيره وفيها خيره .. والله يوفقنا جميعا...

* أمواج البحر * · #**282** (**permalink**) 18-10-2008, 10:44 AM

اختي دكتوراه لا الامن قال انهم اخذوا الاسبوع الماضي بس وقفوا الحين ..

الله يعين يعني البنات اللي قالوه مو اشاعه..

الاا · #**283** (**permalink**) 18-10-2008, 10:53 AM

اقتباس:

المشاركة الأصلية كتبت بواسطة انين الروح

حرااااااااااااااام ,, اولا بشكيلكم معاناتي انا صايمه ومن امس العصر لحد الان مانمت وتخيلو زحمة الطريق لا وضيعنا بعد ... آآآآآآآآآآآآآآآآخر شي مافيه شي

اصلا قبل ماتدخلين على الجدران اعلان(( تسليم الاوراق في25/10)) سألت الموظفه قالت جانا قرار من فوووووق خلاص تسليم الاوراق يتوقف ويبدأ يوم السبت القادم بتاريخ 25/10.........يعني هالاسبوع لحد يروح ويتعب نفسه زي ماصار معي لكن معليش انا حبيت اني اجيب الخبر الوكاد ........ ولاتزعلون كل تأخيره وفيها خيره .. والله يوفقنا جميعا...

الله يجزاك خير انت وأمواج البحر ويكتب اجركم ويوظفكم وفرتواعلينا الروحه على الفاضي

دكتوراه بطاله · #**284** (**permalink**) 18-10-2008, 11:03 AM

امواج البحر ياعزيزتي ... صحيح اخذوا الاسبوع الماضي والمفروض ما خذوا ... وعلشان كذا تحسفوا انهم خذوا علشان كذا قالوا الاسبوع هذا فيه فرز مدري وش يعني ..قصدهم الي قدموا الاسبوع الي راح ما اكتملت اوراقهم او شي من هالقبيل
على العموم اشكر كل وحده جابت خبر انا عارفه همهم مصلحتنا وربي شاهد بس والله من حوستي اليوم في المواصلات من الساعه ست الصبح ,, الله يعين بس

* أمواج البحر * · #**285** (**permalink**) 18-10-2008, 11:09 AM

انا اقولك يادكتوراه قصدهم هذا الاسبوع بيفرزون اللي قدموا الاسبوع اللي فات علشان يخف عليهم الضغط

والاسبوع الجاي دفعه جديده ..

مع ان رجل الامن حطمني قال اكتفوا مادري ويش يقصد..

والمواصلات الله يعينك انا اليوم زوجي تأخر عن عمله بسببي بس يالله الحمد لله ..

دكتوراه بطاله · #**286** (**permalink**) 18-10-2008, 11:17 AM

ماعليك من رجل الامن بس يبي العالم تخف ولا هو وش دراه .. انا قلت لهم لايكون تصرفونا واكتفيتوا بالي اخذتوهم الاسبوع الي راح وحنا نظاميين نبي نجي وقت التقديم .. ولا من سبق لبق .. قالت لا ماله دخل انهم جو بدري ولا متاخر مادام وقت التقديم الاصلي مافات
المتقدمات فوق العشرين الف .. يعني تجهزي يوم السبت بمدرعات البسي لبس مصارعه..

* أمواج البحر * · #**287** (**permalink**) 18-10-2008, 11:30 AM

الله يستر من الزحمه انا يوم قال كذا تحطمت قال زوجي رجل الامن ماعرف يعبر يقصد انهم اخذوا مجموعه يبون يفرزونها علشان كذا قال اكتفوا وبدأ الامل من جديد.

مازال يحدوني الامل يارب كلنا نتوظف وماتبقى عاطله

لانا2009 · #**288** (**permalink**) 18-10-2008, 11:31 AM

الله يجزاكم الخير علمتونا وفرتوا علينا المشوار بس بسئل متى يبدا الدوام في الادارة عشان نكون مستعدين بالمدرعات

* أمواج البحر * · #**289** (**permalink**) 18-10-2008, 11:34 AM

اتوقع 7 ونص زي اي دائره حكوميه والله اعلم

ابعد من الحلم · #**290** (**permalink**) 18-10-2008, 12:26 PM

انا من اللي راحوا اليوم و قالوا لي نفس ما قالوا للاخوات الاسبوع هذا مافيه تقديم

وقفوه ولا ندري وش السبب ؟؟ وعلى اي اساس اخذوا الملفات الاسبوع الماضي ؟؟

ومن 25/10 راح يبدا استلام الاوراق من جديد