وظائف للبنات في جامعة الرياض

عاطلة مش بطالة · #**781** (**permalink**) 26-10-2008, 10:41 PM

اقتباس:

المشاركة الأصلية كتبت بواسطة ديمه المطيري

بعد جااين من البااااااااحه انا ماادري وش الدلاخه الي فيهم وش يحسوون فيه

هي لرياض والمنااطق الي جنبها
ايش يجيب الي برى
انا والله عادي تووظفت ولا ماتوظفت بس مااصير غبيه عاد وارووح اقدم بر ى الرياض

الله يعين السعوديات على عقوولهم

الله يصلحك ديومة

بنات الباحة مقدمين على الوظائف اللي تخص كلية الباحة لأن كليات البنات في المملكة كلها صارت تبع الجامعة ومركز التقديم في الرياض لكن الوظيفة في المقر.

والأخوات اللي يسألوا عن تدقيق الأوراق

هم الآن يدققون صحة البيانات لأنهم تابوا من اللي حصل في تقديم المعلمات لأن بعض المتقدمات لما شافوا التقديم عن طريق النت ظنوا إنهم يقدروا يزوروا فراحوا حطوا مؤهلات غير مؤهلاتهم ولما فرزوها لاقوا بلاوي وتأخر الترشيح وتضررت المدارس ,, فالجامعة أخذت درس وراح تطابق الآن صحة الشهادات وبعد الامتحان راح تطابق مقرات الإقامة ,, إذا أنت من أهل المنظقة فأنت أولى وإذا ما تقدم أحد من أهل المنطقة راح يأخذو الأكفأ والأقرب مقر .

إن شاء الله تكون الصورة وضحت !!

وما شاء الله عليكم أجلس أكتب رد وأرجع ألاقيكم زودتوا ثلاث صفحات !!!

موفقات

دكتوراه بطاله · #**782** (**permalink**) 26-10-2008, 10:44 PM

اقتباس:

المشاركة الأصلية كتبت بواسطة عاطلة مش بطالة

حبيبتي القضية مهي قضية راح يأخذوا أوراقي ولا لا أنا عارفة إنهم راح يأخذوها إن شاء الله,, القضية قضية النظام واحترام النظام , والفكر السعودي اللي لازم يتطور ويواكب العالم, مرة كنت في مركز التميمي وكانت قدامي وحدة كورية تحاسب وماسكين طابور والكاشير سعودي وتجي وحدة من آخر الصف وتتقدم على الكورية !! والله لو طالعت نظرة الكورية لها!! كلها ازدراء!!!
تحسي إنا آخر شعوب العالم في الذوق وأخلاقيات التعامل مع ديننا العكس تماما !!!
أنا ذبت في ملابسي خجل وقهر من الصورة اللي أعطتها عننا هي والكاشير اللي مشاها !!

وبعدين مسألة الأمهات المفروض ماتجيبون أمهاتكم والله يتعرضون لمواقف مالها داعي !! والمشكلة اليوم وحدة مرسلة أمها وهي ما حضرت !! الظاهر هي فاهمة إنهم راح يتعاطفوا مع أمها !! واللي حصل إنهم أحرجوا أمها يسألوها عن أشياء وهي مهي فاهمة !! قسم بالله انقهرت لما شفتها ! ليه أحط أمي في مثل هالموقف مع ناس الله أعلم بطباعهم ؟ لييييييييه ؟؟!!!

فعلا بعض البنات تقولين ذي جايه من الادغال ماتعرف شي اسمه صبر ودور وطابور ...
و طرزان معنا كان عرف الطابور ...طبعا مو الكل البعض المشكله انهم بنات واعيات جامعيات مثقفات والادهى والامر انهم امهات ولا يعرفون النظام والترتيب ...

الله يعين على هالدنيا ...

شوق المنتظر · #**783** (**permalink**) 26-10-2008, 10:45 PM

[quote=ديمه المطيري;849900]انا والله عادي تووظفت ولا ماتوظفت بس مااصير غبيه عاد وارووح اقدم بر ى الرياض

الله يعين السعوديات على عقوولهم[/quote]

يمكن انتي ما انتظرتي كثر انتظاري والا كان دورتي الوظيفه باي مكان.
وبعدين ليه تسميه غبــــــــاء!!!
انا مارحت عسير والا حايل انا بقدم ع المزاحميه او الخرج يعني كلها حذفة عصا عن الرياض وفـ النهايه ماراح يصير الا اللي الله كاتبه.

عاطلة مش بطالة · #**784** (**permalink**) 26-10-2008, 10:51 PM

اقتباس:

المشاركة الأصلية كتبت بواسطة مملكه حنان

تعجبني عصبيتك

تدرين ليه ؟؟؟؟؟؟؟؟؟؟؟؟؟؟؟

لأنها على المرتبه الخامسه يعني المرتب فوق

وبصراح لا تلمينهم يصبرون ويصبرون وفي النهايه يلاقون وظيفه محترمه أحسن من وظيفه فقر أو أي كلام والمرتبه الخامسه وسادسه أحسن شيء ........... الله يكرمنا

خير كثير الله يرزق الجميع

وأنت الصادقة لأنها هي اللي مافيها شروط كثيرة !!!

وإلا الخامسة راتبها ثلاث ألاف وشوي !! يعني مو ذاك الزود !!

وأنا أحس نفس إحساس دكتورة أكيييد اللي مقدمين على هالوظيفة كثيير وإلا ليه حطوا 3 أيام ؟!!

اللي لاحظته اليوم إن اللي تقدمو للسكرتارية قليل جدا وكمان مأمورات الصرف مع إنهم طارحين وظائف كثيرة لهم !!!

مملكه حنان · #**785** (**permalink**) 26-10-2008, 10:54 PM

لا تزعلون يا بنات وتشدو أعصابكم على الفاضي

كم من مره قدمنا وبنهايه ولا شيء وسبب غزاره المتقدمات حشى أحوال جويه مطر موبأوادم
الرياض لحاله فيه 700 عاطله بعظهم حاصل على درجه الماجستير

شكلي بقدم على صحاري المرات الجايه خخخخخخخخخخخخخخخ

ديمه المطيري · #**786** (**permalink**) 26-10-2008, 10:58 PM

اقتباس:

المشاركة الأصلية كتبت بواسطة مملكه حنان

ليش ياديمه الله يهديك أنتي ناويه تسوين مثلهم هذا ونتي ما عجبك تصرفهم

على كلن وظائف الباحه وطقتها كلها حاجزينها بلواسطه

تتريقييين!!!!!!!!!!!!!!1
بس من جد قهر واحسهم اغبيااء ايش يجيبها من البااحة

عاطلة مش بطالة · #**787** (**permalink**) 26-10-2008, 11:02 PM

اقتباس:

المشاركة الأصلية كتبت بواسطة مملكه حنان

لا تزعلون يا بنات وتشدو أعصابكم على الفاضي

كم من مره قدمنا وبنهايه ولا شيء وسبب غزاره المتقدمات حشى أحوال جويه مطر موبأوادم
الرياض لحاله فيه 700 عاطله بعظهم حاصل على درجه الماجستير

شكلي بقدم على صحاري المرات الجايه خخخخخخخخخخخخخخخ

الرياض ما فيه إلا 700 عاطلة ؟!!!!!!!!!!

متأكدة ؟!!!!!!!!!!!!!!

يا شيخة قولي سبعة آلاف !! مع إني متأكدة إن الرقم أعلى من 7000 بكثييييير

ما شاء الله على هالتفاؤل ,, أنا شخصيا موكلة أمري لله وعارفة إن اللي مكتوب لي راح أخذه دون نقص أو زيادة !!

موفقات

عاطلة مش بطالة · #**788** (**permalink**) 26-10-2008, 11:04 PM

اقتباس:

المشاركة الأصلية كتبت بواسطة ديمه المطيري

تتريقييين!!!!!!!!!!!!!!1
بس من جد قهر واحسهم اغبيااء ايش يجيبها من البااحة

ديومة

بنات الباحة مقدمين على الوظائف اللي تخص كلية الباحة لأن كليات البنات في المملكة كلها صارت تبع الجامعة ومركز التقديم في الرياض لكن الوظيفة في المقر.

آآآه · #**789** (**permalink**) 26-10-2008, 11:11 PM

اقتباس:

المشاركة الأصلية كتبت بواسطة أخرالعنقود

انا مو متخرجه من الرياض ومكان ميلادي كمان مو في الرياض

وهم لم يطلبو اثبات سكن ولله الحمد اخذو اوراقي ويالله يارب عقبال الوظيفه يااااااااارب

دعواتك اختي واتمن اني افدتك

الله يسلمك ويوفقك ويرزقك الوظيفه بهالتقديم
زيين هالحين تطمنت

وماقصرتي انت والبنات

عبق القرنفل · #**790** (**permalink**) 26-10-2008, 11:12 PM

والله انقلبت شات وصرنا ندردش اشك انهم بيغلقوون الموضووع
تخيلو اليوم اهلي يقوول اتحداكي اذا توظفتي شووفو التحطيم بس
ولا وبعد يقولون اتحداك اما يختاارونك من بد هالاعالم مستحيل والله عاد ضاق صدري
وخوفي كله من اثبات السكن
تخيلو وحده من صديقاتي راحت امس تقدم على وظائق بنتد محو اميه وردوها يقولون لازم تكونين ساكنه بالحوطه قالت خلاص باجيب لكم صك قالو لها ما عد تمشي علينا
يبغون يا انها متخرجه من الحوطه والا مولوده في الحوطه والاشغل رجلها باحوطه والا لها اولاد يدرسون بالحوطه
والله بصرراحه احس اني تحطمت بجد
احس كل ما للمور تتعقد اه اه ياليت معي وااسطه