من ظن بالله خيرا ماخاب ومحد ياعزيزتي بياخذ غير اللي مكتوب له احنا نعمل بالاسباب والارزاق بيد الرزاق .. انا اختبرت قبل هالمرة لكذا شغله ولا انكتب لي شيء والحمدلله هل معناته احبط نفسي واستنى الوظيفه تجي لبابي طبعا لا لازم ادور واسعى واعمل بالاسباب ..انا ما اتكلم بس من منطلق صفصفة كلام انا ماابي وحده مقدمة على هالوظايف تاخذ موقف سلبي وماتقدم الاختبار لان احنا نزلنا من معنوياتها .. عموما الله يوفق الجميع ويكتب لكم ولي كل خير

لا تحبطوا انفسكم
انا زيكم تقدمت للوظائف اللي طرحت قبل سنتين بشهر 4 وقالوا لي من جدك بتتوظفي بسعود ، سعود كلها واسطة . وطنشت وتابعت متى الاختبارات ورحت ولقيت امة لا اله الا الله حاضرين الاختبار واطالع في الاعداد المهولة واختبر واطلع . واتابع النتائج والقى سجلي المدني مع المجتازات ولله الحمد . واتابع موعد المقابلة واروح وكانت ولله الحمد ناجحه وقالوا لي لو لك نصيب بالوظيفة بتجيك رساله منا . وانتظر واتابع وانتظر واتابع ولمن دارت السنة على التقديم طلع اسمي مع المطلوبين لمطابقة البيانات . والله ما كان لي واسطة غير رب العالمين . وكنت واثقة ان ربي بيرزقني والله عند حسن ظن عبده به . لا تحبطوا انفسكم وخليكم على ثقة ان رزقكم بتاخذوه ومحد يمنعه . لكن نصيحه ثم نصيحة تتابعوا دايم ولا تعتمدوا على رسائلهم لاني من الناس اللي ماقد وصلتهم رساله من الجامعة ولولا الله ثم متابعتي كان راحت الوظيفة علي . حتى لمن نزلوا اسمي بالموقع ما ارسلوا لي .
الله يوفقكم ويرزقكم اللي رزقني .

الله يسعدك اموله كلامك يثلج الصدر....انا قد رشحوني الامام للاختبار على وظيفه معيده مارحت اختبر قلت البنات كثير ماراح يوظفوني انا ..قهر راحت من الاحباط بس الله يرزقنا ويعوضنا

مافيه احد من الرجال مقدم على المرتبه الرابعه كاتب ولا بس انا

السلام عليكم ورحمه الله

بنات الي مقدمة ع كاتبه المرتبة 6 شرايكم نسساعد بعض ونجمع معلومات منها نستفيد ونحمس بعض

الله يسعدك يا اخت اموووله من توكل على الله ماخاب .. الله يجزاك خير على رفع هممنا

_

السلام عليكم
انا ادرس دبلوم بجامعه الامام
المهم دكتوره اليوم تقولنا أن فيه تقديم بجامعه سعود على وظيفه مساعد اداري
بهاليومين هذول يعني
واللي تبي تقدم تروح لشؤون الموظفات
هل فيه أحد يتأكد لنا من صحه الخبر !

هاليومين فيه وظايف معيدات على الموقع بالتوفيق .. الوظايف الادارية قدمنا عليها من 6 شهور تقريبا وتو قبل اسبوعين ظهرت اسماء المرشحات لدخول الاختبار وموعد الاختبار لم يحدد بعد

زهرة وين طلعت الأسامي ؟ 😭😭

انا كل يوم اشيّك ع موقع الجامعة طلبي مقبول الحمدلله و كاتبين يرجى متابعة الموقع لمعرفة وقت الاختبار

يعني انا ترشحت و الا ضاع وقتي انتظر ع الفاضي؟