لسلام عليكم ورحمة الله وبركاته
ابى اسال عن ختم صور الشهادات (طبق الاصل) انه لازم ختم الجامعة عليه طيب أنا خريجة من كلية التربية التابعة جامعة الملك فيصل يعني على وثيقة ختم جامعة الملك فيصل
متخرجة من حفرالباطن كلية التربية بالحفر تحولت ختمها لجامعة الدمام من كدا سنه والحين اصبحت جامعة حفر الباطن
وان الحين سافرة للحفر ابي اختم صورشهادات وطلع سجل الاكاديمي
من اي قسم اختم الصور
من كلية القديمة او من نفس الجامعة الجديده وبعد ما ادري ادا عندهم ختم جامعة الملك فيصل خصوصا اني خريجة قديمة وتركت الحفر من تخرجت
ارجو المساعدة واتمنى التوفيق للجميع

ما اعرف تساليهم هم نفس مكتب القبول والتسجيل او شؤوون الخريجات الي حتختمي منهم هم الي يقدرون يفيدونك بس من راي انه لازم تكون كلها من جامعه واحده ونفس الاسم السجل والوثيقه بس ما اعرف تاكدي منهم .....

ما فهمت السالفه بس اذا ما تيسرت امورك صوري شهاداتك الاصل صور ملونه وارفعي الاوراق لهم وغصب عنهم يقبلوها بالقوة ولا بالطيب

اتووقع والله العالم انك ترووحين الكليه نفسها قسم شؤون الطالبات هناك وتسالينهم واعتقد من عند سكرتيرتة العميدة هم يختمونها لك وعادي اي ختم يؤدي المطلوووب
مدام الكلية انظمت للجامعه
انا اخذت سجلي الاكاديمي بعد ما انظمت الطلية للجامعه
ومختوم عليه بختم الجامعه

اختميها من نفس مكان استلام وثيقة تخرجك

طيب عادي اختميها من المكان الي تخرجتي منه بالختم الي عندهم
وفي المطابقه إذا سألوك عن الختم قولي لهم غيروا الختم بعد ما غيروا نظام الكليه لجامعه
مع إني أعتقد ماراح يسألون لأنهم عارفين إن الكليات صارت جامعات فأكيد راح يتغير الختم

من جدكم ؟

اروح للجامعة اخمتها والا هذي فلسفة جديدة


ليش ان شاءالله بما إن الاصل موجوده خلاص

صدقيني لمصلحتك تختمينها من نفس الجامعه القديمه
ليه صورة طبق الاصل
عشان الختم واحد على الاصل والصورة
لاتورطي نفسك بختم الجامعه الجديده
هذا من وجهة نظري
والله يسهل أمورك

عفوا بنات هل فعلا إلزامي الختم لو ترشحنا

يعني او طلع اسمي اروح اختمها طبق الاصل والله مشوار

والله ماني عارفه وش الجد ووش السواليف

ما اتوقع ذا السالفة صحيحة خير ولا عمري سمعتها بالاعوام اللي راحت

يكفي الاصل الوثيقة والسجل الاكاديمي معي وش يبون اكثر

وبعدين الانظمة في الكليات والجامعات تغيرت سلامات