السلام عليكم ورحمة الله وبركاته ,,

حبايبي كل عام وأنتم بخير

أتمنى تكونوا بصحة وسلامة

أنا طالبة إدارة أعمال تخصص (نظم إدارية) في الجامعة العربية المفتوحة

نهاية 2016 بتخرج بإذن الله تعالى ,, وحابه ع طوول أكمل ماستر

سؤالي : ماهي أفضل مجالات الماستر لخريجي بكالوريس إدارة أعمال تخصص نظم إدارية؟

وماهي أفضل الجامعات التي تقدم الماستر في السعودية وأمريكا؟

وبخصوص اختبار القدرات ومادري ايش هذا كيف طريقته وكم الدرجة المطلوبة للقبول؟

شكرا

وعليكم السلام ورحمة الله

وانتي بخير وصحة وسلامه ..


ان شاء الله امورك متسهله لان ماستر ادارة الاعمال القبول فيه برا سهل ومو معقد ..

انا حاليا ابي اكمل برا وحصلت جامعات كثيره تقبلني ماستر ادارة اعمال لكن انا بصراحه ابكمل في تخصصي ..

واما متطلبات القبول في جامعات امريكا هو اختبار التوفل

عموما الله يوفقك

بانتظار رد البقية

تخصص ماستر ادارة اعمال موجود باغلب الجامعات سوا الحكومية او الخاصه ..ويشترطون قدرات وتوفل او ستيب تسجلين فيه عن طريق مركز قياس واما الدرجة تختلف شوفي الجامعات القريبة من منطقتك ع موقعها تلاقي الشروط لاعوام السابقة ... الله يوفقك ..

بالنسبه لماجستير الإداره في جامعات السعوديه ما عندي خلفيه لكن الماستر في امريكا اذا احتجت اي مساعده او استفسار انا حاضر

خدي الماجستير ببريطانيا مدته بس 9 شهور امريكا مدته طويله وبعد سمعت انه ببريطانيا يمديك تدرسين دكتوراه والماجستير مع بعض ب ثلاث سنين بس تاكدي من موقعهم وبنسبه للماستر اشوف اريحلك تاخذينه ببريطانيا دام مدته 9شهور بتوفيق

دامك تقدرين تطلعين بعثه وانتي موظفة افضل بكثير من جامعات الداخل
طبعا افضل جامعة هالكلام مافيه فايده تقدرين تدخلين على التصنيف العالمي للجامعات وتختارين افضل جامعة بس ما انصحك لصعوبتها والتزامها وتدقيقها .. اختاري لك اي جامعة تمشي الحال ومعتمدة من الملحقية ووزارة التعليم العالي وتوكلي على الله واسمك خريجة امريكا وترجعين تهايطين علينا .
وعموما تخصصات الإدارة كثيرة ولا راح تواجهين اي مشكلة بالقبول طبعا خصوصا للماستر
كل الي عليك تشوفين لك معهد لغة وتاخذين منه قبول وتبدأين اجراءات الابتعاث من دوامك وتشوفين طلباتهم وتكملينها واهمها اتوقع درجة معين بالتوفل او ما يعادله