السلام عليكم

أخواني عندي فكرة مشروع متجر الكتروني شبيه ب موقع حراج و مستعمل وغيرها ..

لكن المشكلة عندي كيف يتم استلام السعي ,,, علما ان السعي قد يكون 10 ريال او 50 ريال فقط يعني مبلغ مايستاهل الواحد يحوله بحساب البنك

فهل في طريقة اسهل لتحويل الفلوس

(( موقع حراج كاتب اي سعي أقل من 20 ريال يتم التبرع به )) بس انا المتجر اللي بفتحه - ان شاء الله - أكثر عمولات السعي بتكون أقل من 20 ريال ..

شورو علي وش هي الأفكار والطرق لتوصيل المبالغ لي ... وشاكر لكم

الأفضل تسوي تطبيق يكون فيه ميزة دفع قيمة السعي عن طريق رصيد الجوال.
أتمنى تفيدك الفكره

حتى المبلغ 20 يتم تحويله عادي ..

جميلة فكرتك بالتوفيق بس اتوقع 20 يتم تحويلها

عندي موقع مثل حراج ومستعمل ب برمجة خاصة وتصميم خاص وايضاء الموقع به خدمات عرض السلع بالفديو
الموقع جاهز حتى على الهواتف الذكية بشكل كامل تصميم خاص له حتى تظهر بشكل مثل التطبيقات

الموقع جاهز ولكن ماقدرة اسوق له

اسمه سوق تيوب ابحث عنه في قوقل

بالنسبة للتحويل هو ممكن بس لو في طريقة أسهل بدال سالفة البنوك والحوالات وتفعيل المستفيد ومن ذا الكلام ..

وصاحب سوق تيوب شفت موقعك صراحة جبار وشغل متعوب عليه ولله يوفقك ..

بس المنافسين أقوياء وكثير ... والله يقدرك ان تغلبهم

بتليقف عليك شوي اذا مافيه مانع ... كم كلفك برمجة الموقع كامل مع الاستضافة وكل شي ؟؟

اخوي كمل طريقك لاتوقف

وبالنسبه للسعي اكتب ان العموله اذا ما اندفعت فهي في ذمتك وكمل

طبعا الافضل تملك حساب في الراجحي وجميع البنوك ويكون سجل تجاري عشان مايتوقف حسابك