يالربع اليوم جاني رسالة على جوالي مكتوب فيها ( تم قبولك مبدئيا لوظائف كلية نايف للأمن الوطني )
وتدرون وش الورطة الورطة اني عندي مرض نفسي فصام في الشخصية ولازم في الشهر تجيني نوبات قوية من الفصام مرة او مرتين واتنوم في المستشفى ويعطوني ابر مهدئة لحالتي وادوية وحاليا جالس استخدم ادوية نفسية فهل هذا الشيء بيكون عائق لعدم قبولي؟؟
علما بأني توظفت مرتين في شركة الاتصالات وانفصلت منها بسبب حالتي الصحية والحين وش الحل ووش السواة والله اني محتار وفي هم كبير وضيق شديد لا يعلم به الا الله عمري الحين 30 سنة ولا عندي لا وظيفة ولا شي وخايف تروح علي هذي الوظيفة او يكون من شروطها اني اكون سليم صحيا مع ان كل شي عندي تمام من ناحية الطول والوزن والنظر بس مشكلتي الوحيدة في المرض النفسي وش بيصير معي هل بيقبلوني ام لا؟؟

وكل الله وادع ربك وقراء قران وباذن الله انهم يقبللونك
لكن طال عمرك هم صحيح يبون واحد صحي ولكن توفيققك ع الله ولاتتحطم اذا رفضوك وانا اخوك وخلك متقبل كل شي وادع رببك بالثلث الاخير من الليل انه يشفيك ويقبلونك وفالك الخير انششاء الله

اول شي الله يشفيك ويشفي كل مريض ثانيا نصيحه روح ولاتشيل هم وترى بعض العسكر يستخدمون مخدرات لكن واسمح لي اذا الانفصام يجيك مثلا بالاسبوع مره احسب حساب ال45 اللي بالدورة لو انكشفت بتنطرد ترى واللي يحل كل هالامور بعد توفيق الله الواسطه اذا معك واسطه بتمشي امورك وبالتوفيق لك ولنا

والله وانا اخوك لاعندي لا واسطة ولا شي واسطتي الله يعني مصيري انطرد من الدورة اذا انكشفت او مثلا دخلت الدورة ومعي الادوية وش مصيري اذا شافوها معي؟؟

الأدوية عادي شوف لها استعمالات اخرى ولصقها فيهل يعني على سبيل المثال دواء الأسبرين يستخدم لمرضى السكر هذي وظيفة الأساسية لكن أحيانا ناس ياخذونه مسيل لدم بدون ما يصير فيهم هالمرض انت شف وش الاستعمالات الاخرى للدواء وقول لهم

أسأل الله ان يرفع عنك والله يوفقك

الله يرزقك يا رب و ييسر أمرك يا اخوي .. احسن شئ انك مستوعب حالتك النفسية و المرضية

مدري و الله وش ننصحك فيه ..ع قولة الأخوان في دورة عسكرية مدتها 45 يوم ف ما ادري اذا ب تظهر النوبة خلال

هالشهر ونص .. الله ييسر أمرك قدم و شوف .. الله يفرج عليك و يشفيك يا رب

انت رح واسكت وادع ربك وان شاء الله تتيسر امورك وصدقني اذا مكتوبه لك راح تاخذها

الي حنا مافينا شيء حاطين في بالنا هالشيء انه ((((( توفيق وارزاق من رب العالمين ))))) ف يعني اذا ما قبلوك بعدين لاتقول عشان اني تعبان وكذا يعني انا اقولك معي ناس نسبهم ف ال90 امتياز وحاسب شهاده معهم واتوقع من ناحية النظام هم اول بالقبول مني انا ف هي بالاول والاخير ارزاق توكل على الله وان شاء الله تتسهل وادع ربك واذا ماقبلوك قلت لك لاتحطها ف المرض الي فيك هذا نصيب وان شاء لله تتشافى وتنكتب لك والله يرزق ان شاء لله