السلام عليكم

عندي مؤسسه متخصصه في مجال التكييف ( اكثر من سنتين )

انا بصراحه اللي اسستها وتعبت فيها واكتسبت خبره في هذا المجال غير خبرتي النظريه بحكم اني مهندس تكييف

الشريك هذا مهندس ( تخصص اجهزه طبيه)

المهم هذا المهندس صديقي الخاص يعني عشره عمر مع بعض وفاهمين بعض وافكارنا قريبه من بعض كثيررر

وهو اصلا كان معاي خطوه بخطوة في مراحل التاسيس والشغل

المهم الرجال قالي انه يبغى يشاركني في المؤسسه وانا رحبت في الفكره خصوصا اني ابغى اتوسع واحتاج للدعم المادي




وش نصائحكم بخصوص الشراكه؟؟

عقد عند محامي بتقسم الارباح والديون الخ.......
كل صغيره وكبيره تكون رسمية
عدم المجامله

افتك من الشراكه وانا اخوك والله لو انه اخوك ان الشراكه بعض الاحيان تنعاف

ياكثر الاخوان الي تشاركوا وبالاخير تفرقوا وخسروا اخوتهم وفلوسهم

وبعدين انت تتعب وتتعب وتآسس وتخلي احد يجي يشاركك عشان فلوس

اذا انت محتاج فعلا للتوسع وشايف انه بيدخل عليك زياده جمع ارباحك فوق بعض وتوسع

او خذ لك قرض وريح نفسك دام فيه فايده لك لاتتعب نفسك وتدخل في ما لك غنى عنه

الله يوفقك انت واياه ....

الله يوفقكم يارب

بس عندنا مثل يقول

((قِدر الشراكة مايفووح))

الله ثالث الشريكين إذا بينا ووضحا..ويقول بعض أهل العلم التمسوا الغنى في الشراكة الحديث السالبق..
ولكم نصيحة اجعلوا بينكم محكما .. واكتبوا كل التفاصيل من نسبة ارباح وطريقة عمل واجراءات توسع ومن المهم جدا ان تحدد الشراكة بوقت فمثلا لمدة خمس سنوات او 3 سنوات تجدد بالاتفاق ..لخ المهم ضعوا لكم فترة شراكة بحيث يكون التخارج مخطط له..
بارك الله لكما
محبك:هواجس بدوي