مقابلة شركه أرامكو السعودية

السلام عليكم ورحمة الله وبركاته


كيف الحال يا شباب ؟

جعل من جابكم في الجنه أللي عنده معلومات عن مقابلة شركه أرامكو السعوديه ياليت يفيدني ؟

بكرا عندي المقابلة تكفون الله يطول بأعماركم يارب انا تخصصي : محاسبه متخرج مع مرتبة الشرف في جامعه الملك فيصل كلية أدارة أعمال , وقبل أسبوع أتصلوا علي أرامكو مقابلة شخصيه ياليت أللي عنده معلومات يفيدني تكفون ...

وعن department سالت أللي أتصل علي قالي أختصاره S AND I S , وهل فيه أسألة ثابتة في المقابلة مع العلم بأني لي خبرة سنة ونصف ..

وعليكم السلام ورحمة الله وبركاته
ابشر بسعدك يالغالي ويشهد الله على كلامي
انا سويت مقابلتين مو وحدة بس قسم GIS IT تقنية معلومات جيو بحكم شهادتي مستر من الخارج
المقابلة الاولى والمقابلة الثانية مافيهم اختلاف ابد,

جلست مع رئيس القسم سعودي+واحد عراقي+واثنين من اهل الشام, بصراحة اذا انت منت راعي فلسفة وكثرة كلام يمكن يشوفون غيرك.
مدة المقابلة تقريبا نص ساعة سواء الاولى او الثانية
بالبداية هم يتكلمون عن انفسهم وادوارهم بشكل دقيق وكل واحد يعرف نفسه, ولو ان الاخلاق ماكانت حاضرة عندهم, الا اني كنت شغال توزيع ابتسامات.

جا دوري بالكلام وبديت اعرف عن نفسي وشهاداتي وطموحي وبعض المواد الي درستها واخذت فيها درجات عالية او عندي معلومات قوية في مجال دقيق بحيث لو احد سالني فيها احسسهم اني فلتة

للاسف حسيت يدورون المواد الي ماردستها وقامو يسالوني بلغة برمجة Java ولو ان شهادتي ماهو مبرمج, انما هي نظم معلومات او محلل نظم, وحاسب الي فيها مبرمج وفيها محلل وفيها فني شبكات ومهندس وصيانة تقنية المعلومات.

بصراحة شفت الموج ضدي ومايساعد قمت اوضح لهم ان الاسئلة هذي متخصصة للي معاه شهادة مبرمج بس جبتها بطريقة ودية, طبعا حديثنا بالانقليزي فقط.

المقابلة الثانية ورب البيت نسخه طبق الاصل من الاولى ونفس الاشخاص ماعدا واحد ماجا,,,قرقر وبالاخير هم يبون خبرة وفاهم بلغة البرمجة Java وانا الي عندي اساسيات جافا, لانهم اسالوني عن صياغة اكواد معقدة, معتقد اي شخص مبرمج جافا راح يجاوب عليها.

بالمختصر المفيد, المقابلة جهز نفسك بشكل عميق وراجع المواد الي درستها وابدعت فيها, لكن انت وحظك اذا هم محتاجين تخصص دقيق يناسب قدراتك, او لا سمح الله يدورون نقاط الضعف في دراستك او خبرتك ويحسسونك بالكلام.

حبيت افيدك بالي صار معي بالضبط واسال الله لك التوفيق والتيسير وتوكل بالله ولا تشيل همها, كلها مقابلة وتمشي, سواء جات ولابتجيك اطلق منها باذن الله : )

البكالوريس اذا فدمنا فيه اختبار ولا علطول يعملون لنا مقابلة ومن ثم الفحص الطبي ؟؟

الله يوفقك يارب بس حبيت اسآل كيف قدمت عليهم لوظيفة محاسب ؟

ما قصرت حبيب قلبي روبرتو , اما بالنسبه شلون قدمت عليها حدثت بياناتي عن طريق الأبلكيشن في الموقع كل اسبوع أحدث البيانات


القهر يا روبرتو انه الانجليزي اللي معي مب بيرفكت عادي جدا امشي روحي وخايف اني أدخل المقابله ويجي سؤال ولا أجاوب عليه الله يستر بسسس

صباح الخير
لاتخاف ولا شي, توكل على الله وكفى بالله وكيلا.
الله ييسر امرك ويوفقك, وخبرني اذا خلصت المقابلة

شباب التقديم على ارامكو او يتم استدعاء حملة الشهادات بطريقتين:

1- عن طريق الموقع الرسمي بحيث يعلنون وظائف قليلة جدا وتحتاج خبرة كبيرة اغلبها لاتقل عن 10 سنوات والاهم من هذا واسطة.
2- عن طريق شركات متعاقدة مع ارامكو.

ارامكو ماعندهم اختبار الا لحملة الثانوية فقط, اصحاب الشهادات مقابلات

ممكن رابط ارامكو ي اخوة

واذا. صار المعدل 2.78 من 5 وكنت متدرب عندهم وعندي شهاده انقبل ولا يرفضوني