السلام عليكم ورحمة الله وبركاته

ياشباب صبحكم الله بالخير جميع ... طبعا مايخفى عليكم اننا كلنا نبحث عن دخل اضافي او مشروع مربح يغنينا من الراتب او يسد حاجتنا بدل البطالة اللي ذابحتنا .. وكل يوم يجي في بالي مشروع او فكرة وادرسها واللي اطبقها وتنجح واللي تفشل وهذي هي الحياة تجارب ومغامرات الى مانتوفق في مشروع العمر .. الله يغنينا وياكم ..


امس رحت انا والأهل أشري ذهب وقعدت اسولف مع راعي المحل وقاللي الايام ذي الذهب نازل لمستويات مانزلها من سنين ويقول لي فرصة اللي بيشري الحين ... عاد بديت افكر بالموضوع بشكل استثماري ..


بس المشلكة ما عندي اي خلفية عن الذهب وكيف البيع والشراء والمخاطرة وراس المال اللي بيحقق الربح الافضل ..

طبعا ما اقصد محل ذهب لأن أتوقع يحتاج راس مال كبير ولكن اللي اقصده بيع وشرا وكلن على قده ..

وحطيت الموضوع هنا ليس للاستفسار فقط .. ولكن أنا ببحث وبحط لكم اللي اعرفه هنا .. وانتو اللي له خبره لايبخل علينا واللي له تجربه يقولنا وش صار معه ..

يعني موضوع مناقشة بيننا وتجارب وافكار في مجال تجارة الذهب الى ما نطلع كلنا بفايدة حلوه تخولنا ان ندخل للسوق بثقه وبعلم ..

والله يكتب لنا ولكم الرزق ويفتحلنا ابواب فضله

لي تجربة سابقه مع الذهب ، لكن من فترة طوييييله يمكن اكثر من 10 سنوات ، وهي لم تكن تجربه مقصوده بمعنى استثمار ، وانما كان لدى زوجتي كميه لا باس بها من الذهب واتذكر انها اشترته ب 90 الف تفريبا ، وباعتها ب 165الف ريال ........ان لم تخني الذاكرة كانت المده بين شرائها للذهب وبيعها تقريبا سنتين او اقل يمكن سنه و7 شهور

الذهب حلو على المدى الطويل .... يعني اذا اشتريت الان ذهب ، احتمال بعد سنه تبيعه دبل ..... بس يبغالك تابع السوق ، لكنه يمكن يطلع
يعني اول ما تشوف طلع الذهب بنسبه 35% الى 40% ببعد سنه او اكثر ، على طول بيعه

تجارة مربحة جدا
ومثل ماقالك أخونا العصر الجديد قد تربح خلال سنة أو سنتين بنسبة قد تصل 50%


تحياتي

محلات الذهب اذا اشترا كسب واذا بــــــــــــــــــــــاع كسب .

مشاء الله تبارك الرحمن

حاليا المحللين لا ينصحون بشراء الذهب , لان االمعطيات و الله اعلم تشير ان الذهب في نزول

ولكن في ناس فاهمه تجارة الذهب غلط ... بانه يروح لاقرب محل ذهب ويشتري منه كمبية ذهب وبعد فتره يبيعها !!

اغلب محلاتنا لا تلتزم بسعر الذهب في الاسواق العالميه , ولكن يتم البيع على حسب شرائهم لهذه السلعه وعلى سعر الذهب في ذالك الوقت ( وقت الشراء )

فـ من وجهة نظري شراء سبايك ذهب افضل من انك تروح محل وتشتري كميه من الذهب وشكرا

الشيخ يوسف العطير ، تاجر كبير ومعروووف ،،، وصاحب دين ،،، وعنده كل سنه حمله خيرية للحج ، يحجج الف حاج على حسابه الخاص ،،، حججت معه قبل 8 سنوات ، وكان يلقي محاضرات بنفسه في المخيم ، ويقوم بتوزيع الشاي والقهوة بنفسه هو وابناءه وبناته في مخيم النساء ، ومتواضع جدا ، وكان يقف ومعه مبالغ نقديه يوزعها بنفسه على الفقراء في الحج والناس يصطفون عنده بالصفوف ،،، هذا الرجل ملياردير ، واذا رايته بشكله المتواضع تقول لا يملك شي

بالتوفيق

ماقصرتو يالذيابه عالردود

طبعا من ردودكم واللي سألنا عنه خارج المنتدى اتضح ان تجارة الذهب مرتبطة بالبورصة العالمية واسعار النفط وتدخل فيها الأوضاع السياسية و و و الخ ..

يعني تجارة مرتبطة بأحداث العالم كلها ^_^

المهم اللي بيشتري لايروح محلات الذهب اللي في الاسواق ابدا ولا ياخذ ذهب منقوش ... في الرياض تروح البطحاء فيه محلات اللي يبيعون الذهب المصبوب وتشري سبيكة وبعد فترة ترجع تبيعها في نفس ذي المحلات ( طبعا بعد مايرتفع سعره )

والتجارة بالذهب على المدى الطويل أفضل ..

الحين حسب المحللين انه مازال الذهب بينزل ولكن انا ودي اعرف لو استمر بالنزول الى وين بيوصل وكم الفترة اللي بياخذها لين يرجع يرتفع سعره ..

يعني لو شريت سبيكة 500 جرام مثلا بقيمة 60 الف بعد سنة من الان تتوقعون بكم اقدر ابيعها ...

طبعا كل المعلومات بدون مصدر موثوق مجرد ( قالو و يقولون )

اللي له تجربة عملية أو خبرة قديمة ياريت ينورنا ..... والله يرزقنا واياكم ويفتحلنا ولكم أبواب فضله ورزقه يارب