السلام عليكم ورحمة الله وبركاته
اخواني حبيت استشيركم <وماخاب من استشار>
انا معي دبلوم كلية تقنية ومقدم على قطاعين
1-المباحث (جندي)
2-الجيش (وكيل رقيب)
طبعن تقديم المباحث كان مطلوب جنود فا انا قدمت جندي عليه والجيش مطلوب رتب وانا قدمت وكيل رقيب عليه
المهب بغيت اعرف معلومات؟
1-ايهم افضل من ناحية الراتب.
2-من ناحية الدوام.
3-من ناحية الترقيات.
4-هل لو تخش جندي بالمباحث وتقدم شهادتك دبلوم كلية تقنية تفيدك بشيء زي ترقية او لك افضلية بالترقية.
5-وش تنصحوني فيه اي قطاع؟
واخيرا اسال الله ان يوفقكم ويرزقكم عاجلا غير اجل
دعواتكمم

الراتب مو مهم أهم شيء الرتبه واتا اخوك واذا دخلت وكيل رقيب تمام

فرق انك تأخذ جندي وتقعد تفحط 10 سنين عشان تأخذ وكيل رقيب

والجيش ترقياته سريعه

هاذي من ناحيتي ويجي من يفيدك

من ناحية الرواتب عاد المباحث معروفة لكن فيها كرف و وكيل رقيب زينة بس كم الراتب مدري

مشكورين على الردود
احد عنده نصيحه يوجهها لنا

والله انا اقول المباحث

رواتبها حلوه يعني مستعجل على الوظيفه ادخل جندي والحمدلله كثير يتمناها

واذا لا انتظر يفتح تقديم رتب ويعطونك عريف

وكيل ر قيب بعدها رقيب ورقيب اول ورئيس رقباء ...
جندي جندي اول عريف وكيل رقيب .. ترى رئيس رقباء الكل يتمناها رواتبهم فوق 16 الف ..

وبالجيش من رقيب وفوق بشكل عام يستلم فصيل ولاعنده ضغط وعمل مثل اللي تحته نصيحه وكيل رقيب زينه ..

الله يوفقك صل واستخير