السلام عليكم ورحمة الله وبركاته
الاخوة الافاضل والاخوات العزيزات

تم ترشيحي ولله الحمد بالوظائف التعليمية الاخيرة بعد طول انتظار وساذهب الاحد القادم باذن الله للخدمة المدنية لمطابقة اوراقي
بعدها اظن يتم توجيهي لمنطقة التعيين وعمل مقابله شخصيه بعد الاجتياز اتوجه لمدرستي لاباشر

زوجي مبتعث وانا مرافقه له هل يحق لي بعد المباشره بيوم طلب اجازه استثنائيه مرافقة مبتعث ؟؟؟
اذا كان يحق لي ذلك ارغب بمعرفة الخطوات اذا تكرمتم
واذا كان لا يحق لي ارغب بمعرفة الخطوات للاعتذار عن الوظيفة بطريقة قانونية لآتمكن من التقديم في السنوات القادمة باذن الله


شاكرة جهودكم اسعدكم الله

وعليكم السلام
الف مبرووك والله يكتب لك اللي فيه الخير ولاتفرطي فيها مع كل سنه يزيدوا التعقيدات اكثر واكثر
المستجده مايعطونها استثنائي يمكن اشراف المنطقه اللي انا فيها يبالغ لانو كثير يومها طلبوا استثنائي ورفضت رئيسة قسم شؤون المعلمات تقول المستجده مو من حقها تطلب استثنائي ..
بس زي حالتك ان شاءالله يغضون النظر عنك ويعطونك استثنائي
للافاده ...لمن تروحين اتسوين المقابله اسألي المشرفه اللي هناك اذا يعطونك استثنائي او لا اذا قالت لك لا مو من حقك
خذي بعضك وانسحبي المهم انك ماتروحين تباشرين ولاتدخلين المدرسه
لانك بمجرد مايعطونك خطاب المباشره قدامك 14 يوم تروحين خلالها او تنسحبين فيها اذا خلصت وانتي مارحتي عادي تقدرين تقدمين من اول وجديد في جداره
اما في حالة انك اخذتي اوراق المباشره ورحتي لمدرستك طبعا لازم المديره تختمها لك وتسلمينها للاشراف انتي هنا صرتي مووظفه وانسحابك يعني استقالتك من الوظيفه نهائيا ولاعد تدخلين جداره
هذا الكلام كان السنه اللي فاتت ماادري اذا تغير النظام اللحين او لا زي حركة النقل السنه اللي فاتت اللي تتعين ومستجده عادي تقدم وتدخل الحركه اما اللحين يقولوا لا تكتبين على تعهد لمدة ثلاث سنوات ماتطالبين بالنقل

بس نصيحة اخت لاتفرطييين بوظيفتك بعد الله معليش اطلبي من مديرتك تعطيك اسبوع اسبوعين اجازه روحي مع زوجك ك مرافقه وارجعي كملي اقل شي ترم ودوري لك واسطه بعد الله يطلعوا لك استثنائي رعاية مولود او خذي اجازه ب اعذار مرضيه بعيد الشر عنك المهم لاتفرطي بالوظيفه الفرص الحلوه ماتتكرر ويكفي انتظارك لها من فتره طويله
والله ييسر لك يارب

لا تفرطين بوظيفتك
البعثه للزوجك وللمستقبله..انتي وش لك من مرافقته
باشري ..والله يسخر لك خلقه

نعم تقدرين اذا وافقت المديره تشوف بديله لك بالتدريس وانتي زوجك مبتعث حساب قرار الوزير يحق لك تاخذي اجازه سنه بدون راتب

المدة :
لا تزيد مدتها عن سنة خلال خمس سنواتسواء كانت لفترة متصلة أو لفترات متفرقة
الضوابط و الملاحظات :

· بقرار من الوزير المختص
· بدون راتب
· يجوز لوزير الخدمة المدنية تمديدها لمدة لا تزيد عن سنة اخرى فقط سواء كانت الفترة متصلة او منفصلة
· الموظفة السعودية التي ترغب بمرافقة زوجها أو من يعولها شرعا إلى الخارج يجوز منحها إجازة استثنائية بحد أقصى لا تتجاوز عشرة سنوات
· يعامل زوج المبتعثة أو أحد محارمها وفق هذه القواعد
· يجوز قطع الاجازة الاستثنائية للموظف اذا استدعت مصلحة العمل ذلك


والافضل تتأكدي من نفس الاداره اذا تقدرين او تاخذين صلاحيات من نفس الوزير حاولي تتواصلي مع وزير التربيه او وزير الخدمه

والله يوفقك يجي من يفيدك بعد ..

انا سبق تعينت قبل كم سنه ولاقدرت اباشر بسبب ظروف خاصة وسألتهم هل استطيع تقديم اجازة استثنائية بدون راتب ورفضوا لعدم أحقية المستجدة بالإجازة ، وخليت زوجي يكلم مدير ادارة التربية والتعليم للقطاع اللي عينوني فيه عشان يكون الكلام صادق وقال نفس الشىء لايحق لك الاجازة ،، لكن انتي خلي احد من محارمك يروح يسأل قسم الرجال في ادارة التربية والتعليم لاتسألين قسم النساء عن تجربة ، ولا تباشرين ولاتوقعين مباشرة ولاتسوين فحص طبي الا اذا كنتي واثقة من العمل انك بتباشرين لأنك بمجرد توقيع المباشرة ماتقدرين تعتذرين عن الوظيفة لازم تستقيلين استقالة ويسوون لك اخلاء طرف ،، لذلك اذا ماتقدرين اعتذري عن الوظيفة وذلك بعدم اكمال اجراءات التعيين ،، ولكن فعلا كما قالت الاخت ام زيودي شعلاقتك ببعثة زوجك هي له ولمستقبله انتي فكري بمستقبلك الخاص وبطموحاتك ، واستخيري الله قبل كل شىء ،،

وانا متعينه قديمه وسالت عن الاستثنائي في اول سنه ورفضوا لاني مستجده ,

اجل صحيح الاستثائي غير بعد خدمه 3 سنوات شرط موافقه المديره والاداره وتوفر البديل للمعلمه

طيب الله يسعدكم انا الحين بالشهر الثامن وولادتي باذن الله بالحج ، متى راح يطلبو مننا نباشر الي نزلت اسماءنا الخميس الماضي ، ومتى اقدر اتاكد انهم حيعطوني اجازه رعايه مولود بعد مااولد لاني استحاله اترك بيبي شهرين ومالي اهل في نفس المكان يمسكوه ، احتاج الوظيفه واحس متورطه عندي اطفال وحامل ، وهل لازم اباشر وادوام وانا بالتاسع ، طيب لو لاقدر الله جاتني ولاده وانا بخط السفر رايحه او راجعه من القريه الي راح اتعين فيها ، هل يرضو يعطوني اجازه وانا بالتاسع ولا لا ومعلش كثرت عليكم اسئله