السلام عليكم


كيف حالكم ووينكم يالحبايب ؟؟



اشوف مالكم حس نهائيا

ابشركم وبعد انتظار دام عشر سنوات ترشحنا الله يتمم علي يارب وعليكم ويبارك لنا ويكفينا شر كل من فيه شر ويجعلنا قد الامانه يارب


هاه يالي طابقتوا عطونا علومكم كيف كانت المطابقه

ملاحظة اخواتي متعينات الأعوام السابقه مايمنع تقولون لنا عن مقابلة العام كيف كانت وويين ترشحتوا وكيف الإدارة الي انتم تبعها ونصائح عامه ولكم جزيل الشكر

اهلين واقعية والف مبروك ترشيحك والله يتمم لنا ولك على خير ويكمل فرحتنا بالمناطق اللي نرتاح فيها

هذا القسم أتوقع افضل شيء يكون لما تنعرف المناطق كل اهل منطقة يسوون لهم تجمع عشان يساعدون بعض

الحين تقدرين تروحين لتجمع مرشحات الدراسات الإسلامية تلاقين فيه معلومات كثيره البنات هناك يسألون
وصريحة الله لا يحرمها الاجر تجاوب

بيفيدك اكيد

السلام عليكم
العام الماضي تعبت مع اختي حشروها في اسبوعين مقابله وكشف طبي ومباشرة في صبيا التابعة لجازان وماشاء الله مدينة متطوره وقريبه من ابها ساعه فقط

اهم شىء في المقابلة لبسك الرسمي المحتشم وتفكين العباية طبعا ويكون شكلك رسمي
والثقة بالنفس والحكي المتزن

ياااي احس كانه حلم .... الله يتمم لكم على خير يارب ...
طبعا انا تعينت العام لله الحمد .. تعينت في الاحساء مدينة ماعمري زرتها ...كنت وقت التقديم متمللة من كل شيء حولي عمري راح وانا انتظر التعيين سنة وراء سنة ... وضاقت فيني الدنيا خواتي الي اصغر مني والي اكبر كلهم توظفوا وتزوجوا ... ومافيه الا انا بالبيت مقابلة الجدران خخخخ ... المهم وقتها ضاقت فيني الدنيا وكلمت اخوي وقلت له ان التقديم فتح قالي قدمي في مناطق كثير .. المشكلة ان ما عندي احد اذا تغربت يروح معي حتى اخوي ذا وقتها كان شهر ويطلع على امريكا T_T
المهم استخرت ربي وقدمت .. وفي شهر 10 اذكر وانا نايمة الضهر خخخ وتجيني رسالة ثم رسالة ثانية و انا الي ارفع راسي واناظر الرسالة الى وهي من الخدمة المدنية بضرورة المطابقة ... المهم اني رميت الجوال وكملتها نومة خخخخ
ثم بعدين قمت واكلم خواتي اني تعينت واكلم اخوي ... المهم هنا شلت هم نفسي كيف راح ادبر نفسي وكيف وانا مامعي احد .. بس قلت يااارب .. وما خاب من قال ربي .
سبحان الله الي سخر لي عباده في تيسير امري كله ... المهم وداني اخوي لللاحساء واخذنا شقة مفروشة وكنت انتظر المقابلة .. ورحت المقابلة كانت جددددا عادية بالنسبة لي قابلتني وحدة الله يسعدها قالت عرفي عن نفسك وخبراتك واخر اعمالك ..بعد ماتكلمت عن نفسي قالت لي ماتحتاجين انتي مقابلة الله يسعدها يارب ذيك الانسانة . المهم بعد ماخلصت المقابلة كنا نروح يوميا لنفس المكان الي اجريت فيه المقابلة ونوقع حضور لحين صدور قرار التعيين والتوجيه للمدارس .
في ذا الوقت فتحنا موضوع في نفس منتدى حلول البطالة عن متعينات الاحساء وتجمعنا كل المتعينات ثم بعد ذلك فتحنا قروبات واتس اب عشان تواصلنا يكون مع بعض على طول .. وكنا نعطي علومنا لبعض ثم بعد ذلك تعرفنا على بعض في مكاتب التوجيه وسبحان الله الي يسر لي امري واتعرف على معلمات منهم ونتجمع ونسكن مع بعض في شقة ... ثم صدرت قرارات التوجيه للمدارس وبعدها توجهنا للمدارس من الصباح الباكر كمعلمات خخخخ .
لله الحمد الي ييسر الامور وتصير كانها حلم بالنسبة لك ... اول سنة اعرفي انك راح تواجهي صعوبات كثيرررة وعقبات لكن تعلمي كيف تتخطينها بنجاح ... وكوني فطنة ومتنبه لكل شيء حولك يدور في المدرسة من اول ماتدخلين لحد ماتطلعين .. شوفي الجدول الي راح يعطونك وجدول باقي المعلمات شوفي المهام الموكلة لك ..والى راح يرمون كل شيء عليك ويثقلون كاهلك بالجدول لذلك تنبهي عزيزتي .
ملاحظة جدااا مهمة ... اذا رحتي للمدرسة اطلبي منهم انك تشوفين قرار تعيينك وتوجيهك للمدرسة ثم صورية واحتفظي منه بنسخ عديدة لانك راحح تحتاجينة كثيرررر ...حتى لو نقلتي ..
ادري طولت عليكم ... لكن حبيت انقل لكم تجربتي الي مريت فيها لعلكم تستفيدون عزيزاتي ...وبالتوفيق

الله يوفقكم وعقبالي يارب

بناات
يوم طابقتو طلع بسجل المطابقة بجدارة تمت المطابقه؟؟

ايوه عزيزتي
قصدك كلمة نهائية
ظهرت

بالأصح انا ظهرت معي لأني العام تعينت والغيت فشكلها بقايا اثار التعيين هههه
لدرجة اللي طابقت لي فتحت قالت متى طابقتي يوم علمتها قالت اشوف شي اطابقه لك كله مشيك عليه
قلت شغلك وانتي ابخص اهم شي طلعي لي ورقة المطابقة

وتمت على خير
وارجو الله ان يكون كل القادم شكليات
اتعبونا وغربلونا الين جا التعيين

السلام عليكم ورحمة الله بنات الله يتمم لي ولكم على خير يارب ابشركم ترشحت بعد عطالة عشر سنوات بس مازلت ماني مصدقة هو انا او لا بعد لاتلومني بعد عشرة سنين تترشحين المهم مازلت ماني مصدقة لدرجة اني ادخل على ملفي اكثر من مرة واروح اشيك على اسمي بين المرشحات اكثر من مرة فوق كذا مازلت شايلة هم هل الي طابقت وكل شيء صحيح مممكن تستبعد بالمطابقة النهائية بعد شايلة هم المقابلة يارب تسهلها علينا عندي كلام واجد ابي اقوله بس اقول خليه لين بعد الترشيح النهائي وظهور المنطقة المتعينين فيها اللهم اسالك التسهيل يارب