السلام عليكمممم
حبيت تشاركوني حيرتي
انا ممرض اخصائي جامعي مصنف من هيئة التخصصات الطبيه تم قبولي في

1- الخدمه المدنيه مركز صحي بالمدينه المنوره يبعد 140 كيلو وخطه 80 كيلو ردميه

2 - وزارة الدفاع في تبوك لا اعلم ماهي الرتبه عسكري صحي ولكن تعتبر بعيده 1400 كيلو !؟؟

3- الحرس الوطني كتيبة الطبابه في ((خشم العان بالرياض )) حسب ماهو مكتوب في الورقة حقت الفحص ومثل ما قيل لي بارتبة رقيب عسكري صحي للجامعي ووكيل رقيب للدبلوم


علماً اني من اهل الرياااض ارجو من اهل الخبره والاختصاص اعطائي رايهم وشكراً جزيلاً مقدماً ودمتمممم بخير

اصراحه راحه لو انا مكانكك اتوظف عند اهلي بالحرس الوطني رتبت رقيب على كلامكك ..

لكن شف نفسك اذا ماتحب العسكريه روح
(1- الخدمه المدنيه مركز صحي بالمدينه المنوره يبعد 140 كيلو وخطه 80 كيلو ردميه )

على كلامك ..

السؤال المهم هل انت مستعد تتغرب عن اهلك خاصة اذا الديره اللي بتعين فيها ماتعرف فيها احد ؟؟

عموماً ترى اهم شي الراحه النفسيه قبل كل شي لذلك اشوف خيار التعيين عند اهلك هو افضل حل خاصة ان الرتبه نوعاً ما حلووه

صحيح يمكن تكون الوظايف الثانيه افضل مادياً لكن زي ماقلت سابقاً حاول تشتري راحتك اذا ماعندك القدره على انك تعيش بعيد عن اهلك

والله يوفقك فيما اخترت

اهم سؤال هل فيه فرصة للنقل في مقر إقامة الأهل ؟
السؤال الثاني ، كم الفارق بين الراتبين وكم العلاوة السنوية وكم البدلات ؟

وقارن فين الوظيفتين مادياً بعد 6 سنوات عمل

والله يوفقك

الله يوفقك

8900 الدرجه الاولى المستوى 2 من سلم الكادر الصحي العسكري + بدلات عسكريه حول 6000 اعاشه و 25 ٪ بدل ارهب والخ حسب ماقيل لي

اخوي الله يوفقك هذي حسب رغبتك ولو اني ارشح الحرس الوطني بالرياض بعدين المدينه بعدين الجيش

القطاع العسكري عدل الرواتب صار العسكري الصحي ياخذ راتب عريف صحي 14 الف رقيب صحي 16 الف

يعني رواتب عاليه من بدايه التعيين وغيرك ترى يكرف على 6 و7 الاف بس

وانت حر بقرارك صل واستخير واستشير والدينك اهم شي والله الحرس زينه مدام عند اهلك والراتب 16 الف عسكري صحي


واذا بعدين تبي تحول مدني ممرض تقدر تفصل وتعدل مهنه وتحول مدني كخيار أخير اذا مليت من الحرس


صدقني اهم شي بالعمل يكون الراتب زين لان كثير بالعسكريه على رواتب تحت 9 الاف

انت انسان متعلم وتقدر تتخذ قرار مناسب ... انا ارشح الحرس الوطني اذا كان فعلا عندهم رقيب صحي ياخذ 16 الف


بالجيش انا متاكد انه ياخذ 16 الف لان عدلو لهم السلم الله يوفقك يارب ..

تحياتي لك يالغالي
أول شيء وقبل كل شيء عليك بالاستشاره والاستخاره ، استخارة الله ، واستشارة ذوي الرأي والخبره من المقربين إليك .
ثانيا : بعد استشاره ذوي الخبره واتضاح الأمور لديك ، أسأل نفسك ماهي رغبتك، أجلس مع نفسك وتصارح معها واختار قرارك ، ولا تجعل اي شخص يفرض رأيه عليك ، اختر ما تريده أنت ، وما تختاره نفسك .
ثالثا: بالنسبة لوظيفة المركز الصحي بالمدينة ، يمكن حتكون البدايه صعبه من حيث الغربه والبعد ، لكن سنوات قليلة وبعدها ترتاح . أما بالنسبة عن وظيفة الحرس الوطني فأنا ما أنصحك أنك تختار وظائف الحرس الوطني بمجرد أنك حتكون عند أهلك وبين ذويك ، إلا إذا عندك رغبه في العمل بالسلك العسكري . أما بالنسبة لوزارة الدفاع بتبوك فأرى البعد عنها أفضل لكونها منطقة جداً بعيده بالنسبة لك ولصعوبة نقل خدماتك مستقبلاً على حد علمي.
فبما أنك طلبت الرأي : فهذا هو رأيي . فأستسمحك إن أخطأت . وصلى الله على محمد وآل محمد .

اعرف واحد بالحرس الوطني و اشوف انه مرتاح جدا جدا فيها ولله الحمد .
اذا الحرس الوطني عند اهلك انصحك فيها .. خصوصا انك اخصائي و راتبك راح يكون ممتاز

المشوار حق المركز الصحي صدقني بتكره نفسك من الرادمية 80 كيلو رايح و 80 راجع

الحرس = راتب اعلى + عند اهلك + دوام ان شاء الله ماهو ضغط ( من اللي اعرفه )

اسئل الله ان يوفقك