انا عندي ولد معاق توحد وتشنجات عمره 8 سنوات وقدمت له في مركز للتوحد في حي الملز واحنا من سكان حي الفيصليه بس المركز مافيه مواصلات وانا زوجي غاسل يده من مسوليتنا نهائي وحتى مصروف مايصرف علينا ولا يجينا الا في النادر ودخلنا الشهري اعانة ولدي من التاهيل وحتى ايجار البيت دفعوه لنا فاعلين الخير انا كل اللي ابغاه الان مواصلات لولدي وين اقدم او وين اروح تكفون تساعدوني ما ابغى السنه تضيع عل ولدي ويشهد الله اني سنتين وانا ارتجع المركز عشان يقبلوه ولما قبلوه قالو مافي عندهم مواصلات سالتكم بالله اللي يقدر يساعدني لا يبخل عليه تكفون

اهلا بك اختى
بالنسبه لزوجك اذا مايصرف عليكم وتاركم قدمي على الضمان ومعك الهويه و2 شهود انك مهجوره وبأذن الله الضمان يساعدكم

ربي يسعدك

مشكور اخوي الله يجزاك كل خير بالنسبه للي قلت عليه والله ما ابغى اكلف عليك صحيح ان حالتنا جدا صعبه بس الحمدلله عل كل حال والله يقدرك على فعل للخير ويكثر الله من امثالك اللي يحبون فعل الخير

والله اختي انتي ذكرتيني بأحدى قريباتي متزوجه وزوجها هاجرها يمكن في البدايه كل 3 سنوات يزورهم مره ومن يقوم بالصرف عليها والدها وتوفي والدها وقامت جدتهم بتربيتهم ومرت الايام والسنين وهي على هذه الحاله واصبح لايزورهم كبروا اولادها وبناتها وأصبحن موظفات بالتعليم ورواتبهم جيده قاموا بأمهم وفي يوم من الايام زارهم والدهم وطلب من البنت الكبيره اعطاءه نقود او شراء له سياره بالتقسيط واعطاءه قيمه السياره
ماذا ردت البنت على ابيها قالت له خذ هذي 2000 ريال مني لك ورفض النقود واصر على طلبه فقالت له انت مالك فضل علي ولم تقم بتربيتي وحتى اذا دخلت المستشفى لم اراك اسمك فقط اب ولكنك لست بأب الفضل لله ثم لأمي ولجدي وجدتي
ولن تنال مني ولا حتى ريالا واحد
مااريد قوله لك ان هذا الشئ كفله النظام لك اذ انه لايمكن مواجهة الحياه بدون الدعم المادي هناك مستلزمات وهناك امورلابد منها تجاه نفسك وتجاه ابنتك وحتى تستطيعي ان تقومي بتربيتها على الوجه الصحيح وبعيدا عن الحرمان

اخوي
حتى بطاقة العائله ماخذها ولا يرضى يعطيني هيه عشان زوجته اللي اخذها بعدي مو ضايفها في البطاقه لاهي ولا بنتها لانها تصرف من الضمان بحكم انها مطلقه من زوجها الاول وهو عايش معاها ويصرف عليها وعلى بناتها من زوجها الاول ومخلي عياله لكن ما اقول الا حسبي الله ونعم الوكيل
انا كل اللي ابغاه مواصلات حتى اني اقدر اقوم على عيالي وعلى نفسي انا اعرف اخيط واسوي كورشيه واعمال يدويه بس مشكلتي مواصلات مافي وعشان اروح الاسواق الليموزينات هذي يبغالها ميزانيه لوحدها والله اني درستها من جميع النواحي وفي النهايه تتطلع المواصلات عقبه في طريقي او في طريق ولدي مع انه محتاج يطلع من البيت ويغير جو ويندج مع الناس بس ما باليد حيله والله العظيم انه احيانا نقعد بالشهرين والثلاثه مانطلع من البيت واغراض ولدي اذا نزلة اعانته اتصل على اخوي واكتب الاغراض ويروح يجيبها يمكن تقول اهلك ليه ما يساعدوك انا الوالد والوالده متوفيين واخواني اثنين واحد بجده والثاني بالرياض وعندهم من مشاكل عيالهم وهمومه اللي يكفيهم وعندي اختين متزوجين اجانب وكل وحده عندها مشاء الله 12 سبحان الله كانهم متفقين على العدد وحالتهم الله يعلم فيها وحده منهم ساكنها في بيت غرفه وصاله والثانيه غرفتين وصاله واللي هم فيه يكفيهم ولا ابغى احملهم همي بالرغم انهم والله مايصرو معاي يشيلو بنتي ويشوها ويشترو لها العاب بدل ماتنحبس معاي في البيت انا وولدي

انا رسلت على الخاص

اختي
الحياه تعطى للانسان مره واحده اما يكون سعيد او يكون شقي وبأمكاننا ان نجعل حياتنا اكثر سعاده
قريبتي هذه اللي تكلمت عنها للاسف انها رضتت بالامر الواقع وضاع عمرها هباء منثورا
مااريد ايضاحه لك ومن وجهة نظري يجب عليك وضع حد لحالتك
شوفي اخاك او اي بني ادم من اقرباءك على ان يحضر هذا الزوج ويتم الزامه بمايلي
رعايتكم رعايه كامله انتي وابناءه سواء من الحضور لمنزله و الصرف عليكم ومخافه الله فيكم اما انه يترككم هكذا وينحاز لزوجته الثانيه فهذا غير مقبول ويجب وضع حد لهذه المأساه التي تعانين منها اما ان يلتزم او ان يتم الانفصال ولكن يجب عليك المحاوله لاصلاحه

انت عارف قبل سنتين الحاله مره تازمت عندنا لانه اخذ بطاقة الصرافه حق ولدي وصار يتاخر علينا في صرف الاعانه لدرجة اني كنت اتسلف عشان اجيب اغراض لعيالي كلمت اخوي جابه وجاب رجال كبار من عيلتنا وجلسنا وسالوني اشتبي منه قلت ما ابي غير انه يصرف على عياله ويقوم عليهم باللي يرضي رب العالمين وبالنسبه لجيته عندنا اوحكم انه يعدل بين بيوته الثلاثه هذي حاجه بينه وبين ربه هو اللي بيحاسبه عليها والله العظيم كل اللي التزم فيه شهر واحد ورجع زي ماكان والعن من قبل بس اهم شي انه رجع بطاقة ولعرفت بعد كذا انه كان ماخذ عليها قرض من عند الماكتب اللي يعطون قروض وياخذون البطايق حق صرافات الضمان او غيرها وتدري كمان قبل اسبوعين اتصلو علي جمعية بنيان وبالغصب جا عشان يوصلني امس ورحت وشرحت وضعي لهم وطلبت مني الأخصائيه رقمه واتصلت عليه وكلمته في حضوري وقعدت تنصحه وتكلمه عن ولدي وعن اعاقته وهو ما عطاها وجه وقفلت وقالت الله يعينك عليه احنا ما نقدر نقدم لك اي مساعده غير اننا نسدد لك الايجار وهذا مؤقت الجمعيه مو ملزمه انها تسدد وطلعت من الجمعيه اجر اذيال الخيبه حتى طلبت منهم مكيفات من 5 شهور وغساله قالو بس مكيف واحد واذا اتوفر بنتصل عليك من وقت بدا الصيف والبيت زي الفرن وحده اتبرعت لنا 2000 ريال عشان اشتري مكيفات رحت لقيت اسعاره مولعه نار قلت بصبر يمكن تجي عروض وترخص شوي قرب العيد وعيالي بدون كسوه وبنتي كل يوم تسالني ماما متى تشتري ملابس جديده والله ماحبيت اكسر خاطره واخذت الفلوس وكسيتها هي واخوها وامس لما سالت الأخصائيه اش صار على المكيف والغساله قالت مافي اذا توفر بنتصل عليك والله ثلاث شهور وانا اغسل على يدي والم ظهري زاد عليه وطلعت من الجمعيه واستلمن الاخ خصام من مخرج 4 الين وصلنا الييت وحلف اني ماعاد اطب الجمعيه واني لو رحت بياخذ عيالي
والله العظيم اخوي لو ادري شكواي عليه بتجيب نتيجة كنت شكيته من زمان لكن انسان ما منه رجا ولا فايده

الان انا محتاجه واسطه عشان يقبلو ولدي في مركز التوحد هما قالو انتظري نتصل
عليك ولحد الان ما اتصلو سنتين وانا اراجعهم ورحت مكتب الشؤون النسائي اللي في الملز وشرحت لهم وضعي وبرضو قالو بيتصلو عليك ولا انا عارفه اش اسوي مابين اب مهمل ماهمه غير نفسه وبين مراكز ما ادري اش وضعهم فين اروح ولمين
اشتكي

معالي وزير الشئون الاجتماعيه
السلام عليكم ورحمه الله
اسألك بالله العظيم ان تحل مشكلتي والتي تتلخص فيما يلي
انا امرأه مهجوره ولدي ابن مصاب بمرض التوحد وتشجنجات ورقم المستفيد 00000 ورقم الهويه 00000
ونظرا لأنني ابتليت بزو ج هاجر منزله منذوا سنوات ولايلتفت لمصاريف اسرته ارجو من الله ثم منكم 000000000
000000000000 ضعي المشكله هنا وما تريدنه من الوزير
معالي الوزير
هذه مشكلتي لدي امل بالله ثم بكم ان ترحموا اما لم يرحمها احد وأصبح الهم والغم عنوانا لها جعل الله ماتقدمه بميزان حسناتك
مقدمته 000000000
رقم الهويه 0000000
رقم الهاتف 0000000000
رقم المستفيد الخاص بالابن 000000
رقم هويه الابن 00000000
يبعث هذا الاستدعاء على البريد الاتي info@mosa.gov.sa