المشاركة الأصلية كتبت بواسطة داناعمر

مساء الخير
اليوم انا راحت مطابقة الوظائف

الوضع لا يوصف ولا يمكن تفسيرة وبخليلكم التعليق على النقاط الي راح اذكرها

اولا تعبئة استمارة توظيف لديوان الخدمة المدنية وأسئلة غريبة مثلا ماهي الجهات التي ترغب بالعمل بها والمناطق وستقوم الوزارة بمحاولة البحث لك ؟؟ اجل وش وظيفة جداره الي باثرينا فيه
ثانيا هل لديك احكام او سوابق او .....او ...... ؟؟؟ الدوله بكل مرافقها مربوطة بنظام دقيق وبصمة وحوسه وسجل ؟؟؟؟
ثالثا الاستمارة للخدمة المدنية صح ليش يسال هل انت موظف او سبق لك الوظيفة في قطاع حكومي او عسكري ؟؟؟؟ الحين بسأل هم يستخدمون كمبيوتر ونظام او ايش بالضبط
خلك من كل هذا يجيك تعهد انك ما تطالب في ملف اي ملف وأي أوراق هم قد سمعو بنظام إلكتروني الي هو مطبق في نظام وزارة الخدمة المدنية
خلصنا من الاستمارة العجبية ولقيت كثير بنات يقولون هذي الاستمارة نفسها من اربع سنين !!!!!!!!
عبينا الطلب وخلصنا قعدنا نشوف الوضع واذا ثلاث ارباع المتقدمين على الوظائف موظفات في الجامعة 🤔🤔🤔
خلصنا التحريات وسألنا وشفنا ان السالفة شوربة

جات الطامة الكبرى 😱😱😱
لما بدأت المطابقة
ايش تتوقعون
ه😓😰
طلبت وثيقة التخرج الأصلية شافتها بعدين أعطيتها انا من نفسي الهوية يعني هي ما طلبتها ورجعتها لي وقالت ......... وقعي على الكشف خلاص سألتها ما تأخذين باقي الخبرات و الشهادات شنو الرد تتوقعون 😤😤😤😤 لا كله موجود عندنا بالنظام تحت النظام حط مليون خط و خلصنا
انا توقعاتي ان الجامعة عندها فلوس زايده تبي توزعها تكاليف وتصوير على الفاضي


الي صار معه غير كذا يفيدني
والله السالفة شوربة ومحمضة بعد
مع تمنياتي لكم بالتوفيق

المشاركة الأصلية كتبت بواسطة تعبير

كم اخذتو وقت قي المطابقه وهل سالوكم اسئله تخص الوظيفه اللي مقدمين لها يعني نذاكر ولا

انا للحين ماعرف الاوراق المطلوبه بس بودي الوثيقه والهويه الوطنيه


والمكان جامعه الدمام اللي بالراكه لاني مو من الدمام وبجي عشان المطابقه اخاف اخربط وتفوتني

المشاركة الأصلية كتبت بواسطة الشاذليه

يعطيك العافيه ما قصرتي ..

أنا كنت متفائله جدا وبعد كلامك جاني احباط الله وكيلك

شهادتي دبلوم ولا عندي خبره شكل الوظائف كانت
مجرد اعلان مو اكثر واخرتها موظفات الجامعه
يترشحون ... الله يكتب لنا ولهم الخير والتوفيق

طيب الحين انا ما رفعت لهم في الموقع الا صوره
من الهويه الوطنيه وصوره من الدبلوم والثانويه
يعني بس اخذ الصور والاصل واروح ؟؟

المشاركة الأصلية كتبت بواسطة طموح الورد

بنات ماخذو صور لشهايد بس شافو الاصل من مخهم وووقالو خلاص والاستماره كيف توزع قبل ولا به زحمه وهل في ارقام توزع ولا بدون