خرجت من الإختبار نساء وظيفة مفهرسة مكتبه اليوم مدموج وظيفة أمينة+فهرسة العدد هائل جدا
الاختبار25 فقرة تخص التخصص وليس الوظيفه
للأسف هذا مو عدل بالنسبة لي لان المفروض الاختبار يكون منوع أسئلة(عامة +تخصص+وظيفة)لأن بعض المصطلحات مامرت علي
اثناء الدراسة بالجامعة

الأسئله سهله بس غريبه مدري كيف كلمة وحده تضيع العبارة ماأظن قدمت زين الحمد لله بس ماراح أيأس ربي كبير
ايوه بالنسبه لنتايج الترشح بالمقابله وحده من المشرفات على كلامها بعد أسبوعين والله يكتب اللي فيه الخير

يعني الشغلة فيها مقابلة؟ يعني بيصفون ناس غير اللي صفوا من المطابقة ومن الاختبار، 3تصفيات:
مطابقة
اختبار
مقابلة
الله يكتب لنا فيها نصيب،
وفعلا مثل ماقالوا الشباب، انه كثير من المختبرين شفتهم يسلمون ويتباوسون مع المشرفين، لو ماتباوسوا بس سلام باليد كان أفضل

للي يدافعون عن سياسة الجامعه في الأختبار وإننا حاسدين الموظفين على الترقيه حبيت أقولكم بعص الأشياء

الرزق بيد الله ، لكن الكتاب بين من عنوانه

لأن المعروف في المسابقات الوظيفيه يكون تسلسلها كالآتي

إعلان الوظايف - تقديم الكتروني وإدخال المؤهلات والشهادات - ترشيح من تنطبق عليهم الشروط الكتروني - إختبار تحريري - مقابله شخصيه

لكن جامعة الدمام ابتكرت خطه جديده لإعاقة المتقدمين من برا الجامعه إللي هي ( المطابقه ) قبل الأختبار التحريري للمرشح ، وكان الهدف منها تقليص عدد المتقدمين من برا الجامعه

مثلا الوظيفه المتقدم عليها أنا كان العدد قبل المطابقه ( 77 ) وبعد المطابقه ( 44 ) يعني فيه ( 33 ) شخص الغيت طلباتهم بسبب عدم حضورهم مو كل واحد قادر إنه يجي من الجنوب أو الشمال أو الغربيه عشان مطابقة وثائق مقدمها ومثبتها لهم ف النظام ، لكن المطابقه هذي سهله جداً على من هم في داخل ( حرم الجامعه ) هذا الأول

الثاني من تعنى وطابق الوثائق ودخل الأختبار شاف الأسئله وسهولتها لمن هم على رأس العمل في الجامعه لأنها تخصهم أكثر من المترشح الجديد

وخلوني أشق القربه شوي

حسب تأكيدات دكتور في جامعة الدمام إن عدد الوظايف المطروحه ( 150 ) ك شاغر ، والمعلن عنها ( 130 ) يعني ( 20 ) وظيفه في الحفظ والصون ( لمن يعز على معاليه )

ودامها واضحه عياناً بياناً اللعبه من الأساس ، ف مجرد توقع إنهم بيتداركون الوضع بعد وضوح العله ويستدعون كم مترشح من خارج الجامعه للمقابله الوظيفيه ، ويورونه ( نون ومايعلمون ) عشان يحبطونه ويرسب في المقابله الوظيفيه ومايكون للمترشح عذر لأنه فشل في إجتيازها

للمعلوميه ، فيه ناس كثير م تأكدوا من هوياتهم وأنا من ضمنهم عند توقيعي على الكشف وهذا يثبت بعد عدم الجديه ، بس تم ابراز الهويه لرجل الأمن اللي على البوابه للتأكد إن هويتك معك

خاطره أخيره ، تقدمت لمسابقتين وظيفيه الأولى كانت في جامعة الملك سلمان وكان إعلان نتائج الأختبار التحريري بعد إجراء الاختبار بساعتين والمقابله الشخصيه بعدها بساعات للي أجتازوا الأختبار التحريري وكنت من ضمنهم ، وكان التصحيح الكتروني ، وهذا يثبت مصداقيتهم

وقبل مده بسيطه تقدمت لجامعة الملك فهد للبترول والمعادن وكانوا مشددين على إبراز الهويه الوطنيه عند الدخول ومطابقتها مع كشف الأسماء وعند تسليم ورقة الاجابه ابراز الهويه الوطنيه لمطابقتها ، وهذا يثبت مصادقيتهم بعد

بس شغل ( خيطي بيطي ) لجامعة الدمام لأغواء العامه ب المسابقه الوظيفيه إنها حق للمتقدم من خارج الجامعه ومن داخل الجامعه وتكون التسهيلات لمن هم داخل الجامعه فقط ، ف الشي هذا يثبت عدم مصداقيتهم

وعسى الله يوفق كل من تقدم والله يكتب له الخير

خلللهم ياخذون 20 وظيفة لهم بس لا يناشبونا في 130 الباقية تررررى طفشنا جد من موضوع الواسطات واللعب ع العالم والوظيفة اساسا محجوزة

اختبرت اليوم الاسئله كانت سهله يعني فيها أشياء عامه وفيها عن الاجازات وهكدا

انا اقول اني اديت اجابات راح تخليني اجتاز الامتحان يعني لو ماتوظفنا معناتها منهم ياخي اسئله وحلينا وش تبوووون بعد


وفعلا بأكثر اللي يدخلون ويسلمون ع المشرفات وتبسم يعني موظفات هم اصلا

يعني قسم بالله شي يقهر متى يعني بنتوظف اذا جالسين تسووون قدامنا مسرحيه انه أنتم اختبرو تسكيته بس الوظيفه لغيركم ...

جداره اصلا ماتوظف الا من عمر 40 وفوق في الاونه الأخيره والجامعات ياواسطه مر احد جوا يا انه بس اللي ع بند الاجور يترسمون .. وحنا لسا ابد اجلسوو لين تشيبون

ميعاد ..

انتي مستوعبه انه 130 هذي على الرجال والنساء كلهم وع الاداري والهندسي والحاسوبي

يعني اصلا الرجال معروف اكثر وحنا يمكن شي بسيط


شفتي جداره طارحه 2500 اتوقع او 2300 وظيفه إداريه في 10-7 ...؟! بس النساء مالنا الا 77 وظيفه بس وتتوزع بمناطق المملكه بس احنا نقدم والله يكتب لنا رزقنا

الأمتحان ماكان سهل
وصعب اي أحد يعديه
وحسب ما سمعت أن المقابلة يرشحون 3 فقط اذا المطلوب وحدة
الحمد لله على كل حال
وعسى أن تكرهو شيء وهو خير لكم
الله يكتب لنا اللي فيه الخير