السلام عليكم

انا تسلفت مبلغ من صديق عزيز علي وقال جزء من المبلغ مني لك والباقي متى ماتوفر معك رجعه
ولكن صارت مشكله بيننا وتزاعلنا لانه غلط على اهلي ومهما كان الشخص اللي قدامي الاهل غير


والان يقول جيب المبلغ كامل اللي عطيتك ولما سمحتك جزء منه اول كنت غبي!!!!

هل اعطيه كامل والا اعطيه اللي اتفقنا عليه اول

اسأل شيخ افضل علشان تبري ذمتك

وصلت بأنه يغلط على أهلك ... ( احذف فلوسه في وجه) .
هذا مع احترامي لك ماهو صاحب ...

جزاكم الله خير
الفلوس ماهمتني ومتوفره معي حاليا الاي قهرني انه اعز اصحابي وصدق من قال ماتعرف صاحبك الا وقت السفر والغضب

باحذفها بوجهه ولا فكرت فيه

انت تقول انه عزيز عليك
ورديت تقول بحذفها بوجهه ولا فكرت
ان كان غلط على اهلك مثل ماتقول عاد ماتدري وش ظروفه الي خلته يسوي كذا
وعاد خويك ويمكن عشرة عمر
عاد تعرف تفهم منه سبب الغلط وتحل المشكلة
بدون ما تنشر غسيلة
وعاد تذكر انه فزع معاك بالفلوس وسلفك يعني قدر موقفك
عاد انت حاول تقدر الوقفة ذي يا اخوي

هذا رأي في الموضوع
ليس الا

صراحة اذا أناكنت مكانك أول مايقولي كدا أرجع كله فلوسه طالماهونطقهابلسانه سواءوقتهاكان غضبان أوهادئ وحتى اذا ماكان عندي المبلغ أحاول أستلف وأرجعله
لان اذا من البداية سامحك على النصف أكيدبيكون للوجه الله من أجل ادخال فرح على قلب مسلم ومهماحصلت من خلافات من المفترض مايقولك رجع الفلوس كلها اذا كان يريد الثواب ولكن هو مدري ايش كان مبتغاه والله أعلم
عشان كدا أفضل انك ترجعله وأيضا المفروض طالمااتفقتواان بس ترجع النصف المفروض بس النصف ولكن الانسان عنده عزة نفس رجعله ولاعادتطلبه منه طالماانك أكل وشارب الحمدلله وان شاءالله انك ماتحتاج مرة ثانية تطلب أواعمل مثلنا أناوأهلي عاملين صندوق شهريا كلناماعدا الصغار نحط مبلغ معين شهريا محديعتذر ولي ماقدريحط يصيرالشهراللي بعده يحط دبل هههه ايش فائدة هذا الصندوق بدل مانستلف من بره خلاص نأخذ من هذا الصندوق وطبعانرجع اللي أخذناه وقت ماربي ييسر والحمدلله صرنامانستلف من أحد بسبب هذاالصندوق والحلوالواحد يأخذالمبلغ اللي يبغاه ألف ألفين ولكن يرجعه وقت ماربي ييسر

صراحه اشكر للجميع تفاعلهم مع الموضوع

والله انه ثاني مره يغلط على اهلي وتخيلوووو مررره تهاوشنا وتركني بالشارع

لكن الانسان يتعلم من اخطائه مو كل مره نفس الغلط

وانا والله العظيم عطيته سيارتي لاني الحمدلله عندي غيرها مابعتها عطيته من شهرين الى اليوم مارجعها ولما قلتله رجعها قال جيب فلوسي وبرجع سيارتك

تخيلوووو ياناس سياااارتي كيف يفهم هذا

وانا مانشرت غسيله او أتكلم فيه لا ابغى حل هل الفلوس لما قال مسامحك طلعت من ذمته يعني هل يجوزله ياخذها


وفكرة الصندوق الشهري الاسري فكرة جدا ممتازه تبعد الواحد عن منة الناس

سواء يجوز ولامايجوز رجعله فلوسه كاملة ولاعادتغلط وتطلب منه مرة ثانية
لان اذا رجعت النصف راح يذكرك في كل مرة انك مارجعت الباقي وممكن يحرجك قدام الشباب أوأي كان ولايتكلم من وراك انك مارجعت الباقي والله أعلم
رجعله عشان تريح ضميرك وأتوقع حتى اذا سألت شيخ راح يقول طالماقال النصف مسامحك عليه خلاص لاترجعله والله أعلم

رجع فلوسه وخذ سيارتك وكفي الله المومنين القتال

شرعاً ما يجوز له أن يطالب بالهبة التي وهبها لك
http://fatwa.islamweb.net/fatwa/inde...waId&Id=132944

ومن ناحية عزة النفس ردها كلها ولا يذلك

رأيي الشخصي : رد له الدين فقط بدون اللي سامحك عليها , وقوله لو ما رديت السيارة أبلغ أنها مسروقة طالما وصلت لهالمواصيل