السلام عليكم ورحمة الله وبركاته
انا حاب ادخل في مشروع التمور
من عنده خبره يساعدني بمشوره ونصيحه
افضل انواع التمور المطلوبه بالسوق
وكم اسعارها
وطريقة توزيعها وبيعها
وطريقة تخزينها

تبي النصيحه من اخ الى اخ انزل سوق بعينك تشوف المطلوب والاكثر شرى والاسعار والافضل من التمور واي المناطق التمور افضلها وكلها فيها خير بركه بس كل منطقه له متطلب + لا تعتمد على نزله وحده كل فصل من الفصول الاربعه له بالتمور طلب فيه تمر طوال السنه مطلوب
شد حيلك والله يوفقك ويستر عليك ويرزقك ويرزقنا معك باذن الله

بيض الله وجهك وانا اخوك ويرزقنا ويرزقك
كم راس مال البدايه هل ادخل براس مال كبير او صغير

ابدى بالمتوسط لا كبير ولا صغير وخير الامور اوسطها والتمر فيها بركه وتصريفها اسرع
بس نوع بالشرى بس كثر من النوع المطلوب بالسوق علشان الزباين انواع وخل شغلك ان فيه الناس انوع الناس تاكل اخلاص وناس رطب وناس سكري وبلح وشيشي لاتشتري من سوق الجمله اشترى من المستودع المستودع الكبير اللي مساك هالشغله ولاتدور اي مستودع شف المستودع اللي الكل الاسواق الجمله تشتري منه لنه يكون الافضل والارخص والحسبه راح تكون اقل تكلف واجود على حسب بس لزم 10 كراتين ولا مايبيعك المستودع
لا تشتري من اسواق الجمله لنه يدور وراك فائده ولا موزع صغير كبير اشترى من المصنع او مستودع المصنع المنتج

دبلوم اعلام بيض الله وجهك
بس وين احصل افضل المصانع ولا عليك امر

الافضل تروح لحراج التمور بعد الظهر وتعرف الانواع اللي يحتاجها السوق
حيث أن الخلاص يزرع في الاحساء والقصيم ومطلوب عند اهلها وكذلك العمانيون يفضلون الخلاص
والسكري يزرع في القصيم وهو مرغوب عند اكثر المناطق
المبروم كذلك مرغوب لدى الاتراك ويزرع في منطقة العلا
وكذلك العجوه ويزرع بالمدينة المنورة

الافضل تنزل السوق ولا تشتري في ليلة وضحاها لازم تفهم انواع التمور.

طريقة تخزين التمور عن طريق الغرف البارده ويتحمل حتى اكثر من سنتين