السلام عليكم..
ازيكوووو..
ان شاء الله انكم بخير..

ابي ادخل بالموضوع بسسسرعه..
المهم..
طبعا بعد عناءءءء طوييييييل لزوجي ..


بالشركات ووظايفها والكرف والظلم ..

انقبل* بالحرس الوطني ..

واليوم بدت دورته ..

الله يوفقو ويحفظو <<قلبي موجعن عليه .

م ادري مرتاح او لا .. يلله الله يسهله عليه ي كريم

المهم .. هو شهادتو جامعيه ..
طبعا هو دورته بالرياض
وقالي انه بديراب <<طبعا كنت مقطعه نفسي صياح وماخذت منو تفاصيل ..

وبنتي الله يصلحه عمره 30 يوم وبس تصيح هداه ربي ....

ونفسيتي تعبانه م بين .. تعب الولاده . م بين بنتي وصياحه م بين فراق زوجي <<دعواتكم لي بتفريج همي ..

طبعا ماعجبتن الوظيفه العسكريه عشان خايفه ع زوجي .. لكن هو أصر عليها وقال ربما انه هي مصدر رزقي ..

الي بسئله
..
كم راتب الرقيب فيها .. وهل تستاهل العناء ..
وكم بتكون الدوره ..
ووين راح يكون التعيين بعد الدوره..
وكيف دوامه بعد م يخلص الدوره ..

ويخلونهم يتواصلون مع اهلهم ولالا

ومشكورين .. ي ملا العافيه للي يردون علي ..

وظيفه حكوميه افضل له من الشركه

والحرس الوطني سهالات دورته كلها 3 شهور

التعين مادري والله لاكن غالبا الرياض او المنطقه الشرقيه

الرواتب مالي علم فيها لاكن حول 8000 وعليها

الله يوفقه يارب ومبرروك البنوته الله يجعلها يارب دره عين لكم ونبته صالحه

والله وظيفه حكوميه احسن له يقدر ياخذ قرض ويعيش حياه زينه .. ويقدر يصرف عليكم

اما رقيب بالحرس رواتبهم من فوق 9 الى 12 الف وباذن الله يترقى ويوصل رتب عاليه مثل رئيس رقباء الكل يحمل فيهاب العسكريه

اما التعيين على حساب اختياره بس اتوقع بالوسطى مدام دورته بالرياض باذن الله يرجع لكم بالحرس بحايل .. يقدر باذن الله يدبر نفسه مع الرجال بعمله .. وانتي خلك سند له وادعي له ربي يوفقه ويرزقكم ما تتمنونه يارب

اتمنى القى اجوبه وآافيه ولكم جزيل الشكر ي اخوان

الدورة 3 اشهر اذا كانت متأهل اي متزوج يعطيهم صورة من صك الزواج أو كرت العائلة ويسمحون له الخروج بعد نهاية التدريب اي بعد الظهر ويحضر بعد صلاة الفجر طيلة فترة الدورة بالنسبة للراتب فوق 10 آلاف ريال اذا كان لدية ألأمن الداخلي 25./. و بدل ارهاب 25 ./. اذا كانا الوحدة لديها هذه البدلات وفيه بدلات اخرى حسب التخصص وترقم المتعين عليه شوفي قرار التعيين اذا فيه رموز بجانب رقمه العسكري مثل ر1 خ 2 ع1 هذه كلها عليها فلوس بس ياخد الدورة ويرفع فيها اما التعيين اذا كان دورتة بالرياض أكيد التعيين بالرياض ارجوا اني أفدتك هذا والله أعلم

التعيين على حسب القطاع اللي اختاره القطاع الشرقي أو الغربي أو أي كان
انا صاحبي بنفس دورته وتعيينه بالقطاع الشرقي
وبالنسبة لرتبته اكيد راتبة فوق العشره وراح يكون مرتاح بالدوام
ومدة الدورة 3 شهور وراح يخرجون من فترة الاستجداد بعد 21 يوم ويعطونهم اجازه من أسبوع إلى عشر ايام