السلام عليكم ..

سويت مقابله في بنك سامبا من شي ثلاث اسابيع في احد الفروع وقالو بنرد عليك ولا شفت شي منهم يا ترى يا هل ترى يطولون على ما يدقون ولا اغسل يدي واشوف لي مكان ثاني

من رايى لا تنتظروهم ودور غيرهم مالي احطمك لكن في الغالب بعد المقابله باسبوعين او ثلاثه بالكثير يتم الرد يا ان فيه اختبار او مقابله ثانيه
لكن احتمال البنك مو مستعجل ويردون علبك ان شاء الله لكن قدم في بنوك اخري وبعدين فاضل بينهم اذا ردو عليك والله يوفقك يارب

لا تتحطم ودور وقدم وسو مقابلات وبالنهايه بعد توفيق الله راح تتوظف
انا سويت مقابلات لليل الي مارد علي والي ارسل عرض مااعجبني وكذ
حتى سويت مقابلتين في بنك الرياض ومقابله في الراجحي واعتذرت لهم
وجاني عرض قبل 7 شهور من البنك الاهلي ورفضته وبعدين جاني عرض ثاني من البنك الاهلي وكويس كان وقلبته
باختصار لا تجلس على البنك ذا وترا البنك الاهلي والرياض ياخذون موظفين بالهبل وبالتوفيق لك

الله كريم من 2008 وللحين كل يوم نقدم وكل يوم نسوي مقابلات وما من شي

مادري وش يبون يبون ناس من الفضاء


الله كريم

شكرا لك ويعطيك الله العافيه

غالبا البنوك على حسب معرفتي تفضل التخصص بمعنى تخصصك لو كان محاسبه او تمويل او تسويق او اداره ماليه او اداره اعمال تكون الافضليه لك حتى لو كنت ماش الحال بالمقابله لان بالعربي وش يبون في الي تخصصه جغوافيا ولا تاريخ ولا زراعه يمكن لهم مجال توظيف ثاني لكن البنوك خاصه تفضل تخصصات البزنس وبالتوفيق لك

مدامه بنك ربوي اشرد منه يا شيخ
ايش فايدة 10 ولا 12 ولا 20 وفي النهاية مال حرام وسحت ولعنة واعانة على الاثم والعدوان وأكل لأموال الناس بالباطل الخ...
وبعد محق بركة المال
ما بقي شيء الا الحسرة عافانا الله وإياكم