السلام عليكم ورحمة الله وبركاتة

انا عرض علي وظيفه في القطاع الخاص براتب 5500 ومفروض ارد عليهم هذا الاسبوع

ونفس نفس الوقت قدمت على 17 وظيفه في المرتبة السابعه واخر مفاضلة كان 7 وظائف وكنت قريب جدا بيني وبين اقل نقاط قبلوهم 2 نقطة او 1.5 نقطة وهذا الكلام قبل 6 شهور والان زادت الوظائف اكثر من الضعف وزادت نقاط الاقدميه عندي 1 يعني ان شاء الله فيه امل

وش رايكم ؟ لو قبلت الوظيفه في الخاص وسجلو اسمي في التأمينات ياثر على المفاضله ؟ ومتى تظهر نتائج المفاضلة ؟ وهل لو ظهرت النتائج وتم قبولي يرفضوني لاني موظف في الخاص ؟ ووش وضع الشركة اللي في القطاع الخاص هل يسمحون لي استقيل وانا ما اشتغلت الا فتره قليله اقل من العقد مثلا ؟ والله اني محتار واخاف تضيع علي الوظائف كلها اللي في الخاص واللي في جدارة

القطاع الخاص لايوجد ضرر منه على الوظائف الحكومية

مجرد يتم قبول في جدارة بكل سهولة قدمي استقالة من القطاع الخاص وانتهى

اتوقع مافي مشكلة ولا في تعارض
احتياطا كلم الشركة مايسجلونك بالتامينات الا بعد مرور شهرين من توظيفك

في بعض القطاعات الخاصة بعد الاستقلالة يتأخر إلى شهر تقريباً مايشلونك من التأمينات

الحل انهم ما يسجلونك بالتأمينات

الله يوفقكم ويرزقكم

طيب نتائج المفاضلة متى تنزل لان اذا قريب ممكن اطلب منهم اعطيهم الرد الاسبوع الثاني مو هذا الاسبوع

ابد توظف فالشركه ولو قبلت ان شائ الله استقل اقوى شيء يسوونه لك يدفعونك راتب شهر الشركه

وتاكد من الشرط الجزائي بالعقد قبل ماتوقع

بس حسب خبرتي كل الشركات والبنوك راتب شهر اذا بتستقيل ففترة التدريب او بدون انذارهم قبلها بشهر

تدفعه لهم وتطلع

الاستخارة أولا
ثانيا: خليك في المضمون وإذا تيسر الحكومي قدم استقالة
غالبا القطاع الخاص على علم إن الموظف أول ما تتيسر له وظيفة حكومي بيتوجه لها

لايوجد أي تعارض اقبل الوظيفة الأهلية وحين ظهرر اسمك واستلامك قرار المباشرة قدم استقالتك وبالتوفيق..

لايوجد أي تعارض
في القطاع الخاص فيه فترة تجربة مدتها 3 شهور الزامية من وزارة العمل
يحق لأي من الطرفين فيها فسخ العقد بدون أي التزامات ولا شروط
يعني يمديك تقدم وتطلع الأسماء واذا كنت من المقبولين تقدم استقالة ومن اليوم الثاني يطلعونك من التأمينات

وفقك الله