السلام عليكم ، كيف حالكم ياقوم


يوووووهـ ترى من زمااااان عنكم



المهم عندي سؤال يقرقع في تسبدي وقلت اطرحه عليكم ، من شاور ماخاب

وترى مادري هل هذا القسم الصحيح ام لاء

المهم

انا طالب جامعي باقي لي سنة فقط واتخرج من الجامعة ، طبيعة عملي بعد التخرج ( ان اجتزت قياس ) بيكون معلم تربوي ..


الزبدة ماعلينا ، لقيتت واحد في تويتر معلن ان في وظائف للنساء والرجال في الرياض وعندهم 23 فرع وتختار الأقرب لبيتك !! ، هو معهد منتهي بالتدريب ، المكافأة بتكون 3000 لمدة ساعتين في اليوم فقط !


وبعد التدريب (التوظيف) يكون الراتب من 5000-60000



انا محتار والله ، ودي اتوظف فيها سنة فقط واذا خلصت الجامعة اسحب عليهم (لأن وظيف المعلم مايتقارن بالمعاهد وبرواتبهم ) ، بس اخاف انها بدال ماتنفعني بتضرني اذا تخرجت وتعينت مدرس بتضرني في التعيين !



لانهم يقولون بيدخلون الأسم بالتأمينات ويتم دعمه من صندوق الموارد البشرية ( ماني فاهم فيها شيء في هالنقطة بس مادري احسها بتضرني من اسمها يخوف ) !



فالله لايهينكم ، ياليت توضحون لي هالنقطة وهل فيها ضرر في تعيني اذا تخرجت من الجامعة ام لاء

بتضرك اذا توجهك بعد التخرج لـ القطاع الخاص

اما الحكومي لا

مثل ماتفضل حلو الايام
هي من ناحية التوظيف في القطاع الحكومي ماراح تضرك ولا بتأثر عليك وحتى اذا توجهت للتوظيف في القطاع الخاص ماراح تضرك الا في حالة كان اللي بتتوظف عندهم بالقطاع الخاص راح يدعمونك عن طريق الموارد البشرية هنا ممكن في مشكلة لان الموارد البشرية على حد علمي تدعم الشخص مرة واحدة وممكن تدعمه مرة اخرى بعد مدة معينه ما اقدر اعطيك الارقام بالتحديد مو متاكد منها هذه هي السالفة كلها
اما اذا انك خايف انها تضرك في التعيين بالحكومة لا ماراح تضرك ولا شي

بالتوفيق

فيه معلومة المفروض تعرفه

لو تدربت مثلا سنة 1 يمكن تجبر تخدم الجهة مدة اقصاها اعتقد سنتين تختلف من شركة عن اخرى