السلام عليكم ورحمة الله وبركاته
عندي استفسار ياليت احد يفيدني الله يفرج همكم
انا الترم اللي فات سجلت دبلوم انجليزي بجامعة الامام حي النفل ، انا تبع الضمان ، دفعت رسوم الفصل 5000 من عندي بعدين اخذت ورقه من الجامعه وديتها للضمان الصندوق الخيري عبوا الورقه و وقعوا عليها وختموها وقالت لي الموظفه وديها للجامعه ، وديتها للجامعه وقالت لي المموظفه خلاص اذا دفعوا لك الضمان الرسوم بنرجع لك فلوسك بس تراهم يطولون ما يجيبونها ،
الحين السالفه صار لها 5 شهور وللحين ما دفعوا لي ، اللي ابي جوابه كم مده يقعدون على بال ما يدفعونها ؟ مع العلم ان الجامعه سكرت التعامل مع اعفاء الرسوم من الضمان بداية مع الفصل الجاي هذا بسبب ان الضمان ما يدفعون لهم رسوم الطلاب
هل بما ان الجامعه سكرت التعامل معهم دليل ان الضمان ما راح يدفعون لي رسوم الترم اللي فات ؟؟؟
جاوبوني الله يسعدكم لاني ما اقدر اروح للضمان ، واكلم عليهم لي اسبوع ماحد يرد علي

وعليكم السلام ورحمة الله وبركاته
انا من اكثر من 5 شهور تقريبا سجلت بمعهد ووافقوا الضمان وللآن مافي رد لا من المعهد ولا من الضمان،،
وسألت المعهد إنّو ايش صار بالتسجيل ولاردوا علي،،
استغربت منهم صراحة ، وانا كل مارحت لمكتب الضمان معلقين اوراق ( يوجد منح دراسية مجانية)
ولا شفت شي !!!!!!!!!!!!!!!!

المشكله كلما اكلم عليهم يعطيني مشغول اتوقع غيروا رقمهم ، احد عنده رقمهم الفرع النسوي بالرياض ؟؟

وعليكم السلام
اولا لو اخذتي من هنا ليوم القيامه ماراح احد يرد عليك وهذا طبع الدوائر الحكوميه اغلبها وحتى لو ردوا المسأله فيها رقم بطاقه واستفسار
هناك تعميم مبلغ للجامعات بأعفاء الطلاب من الرسوم والمنتسبين للضمان
بالنسبه لأعاده المال راجعي من قام بالتوقيع على الموافقه بالصندوق وافيديهم ان المبلغ حتى الان لم يصل للجامعه ولابد من مطاردتهم لأن الامور الماديه هناك ميزانيه خاصه لها والمتعلقه بهذا الموضوع
اذا الجامعه قفلت القبول الابدفع الرسوم فخذ خطاب منهم للضمان او افيدهم بالامر الملكي ولماذا لايطبق
اذا تعقدت الامور اشتكي على مدير الجامعه وعلى مدير الضمان واذا مافيه استجابه اشتكي الضمان على وكيل الوزاره
Moqla@mosa-d.gov.sa

الله يجزاك خير يارب

رب المشرق والمغرب لا إله الا هو فاتخذه وكيلا