,,,,



,,,


,,


,


منذ شهرين والاسهم السعودية في مسار هابط وبعض الاسهم منذ 3 الى 5 أشهر في هبوط متواصل
واليوم وصلت لاسعار مغرية ومناسبة للشراء .. ولا اخفيكم الموضوع هذا كنت انوي كتابته من فترة
واعتقد الآن الوقت المناسب .. والهدف منه تحدي مع الذات فقط فقط وتحدي جديد بعد سنوات من التعامل
والتداول بين خساير وخروج مراات من السوق ودخووول مراااات واكتساب بعض الخبرة .


......... الرحلة للمليون تبدأ من 400 ألف والمدة ستة أشهر فقط .........
أي تنتهي مع حلول جمادى الاول 1437 الموافق 20 فبراير 2016


......... غدا نلقاكم ...........

احذر الجميع من الأسهم


نصيحة إبعدوا عنها نصيحة

سوق منزوع البكرة

ويقولك مليون كسبها فلان

شوف اللي تعرفهم ٩٩٪ منهم خسران

نصيحة

الاسهم شيء صعب الجزم فيه
احتماليه ربحك وخسارتك متقاربه
واللي يدخل بمبلغ كبير مجرد نزول السهم نص ريال يأثرهالشي في ميزانيته وتهده هد

علشان كذا الحذر الحذر من زج المبالغ الكبيرة

لكن نقول لا بأس بخوض التجربة والمجازفة بمبالغ بسيطه
بحيث اذا راحت طلبنا العوض من الله وتكون تجربه من تجارب الحياه وخضناها
واذا صابت وربحنا فهو خير من الله

وخير مانقول لاصحاب الاسهم القناعه كنز لا يفنى

الاسهم حظك نصيبك ~
ومايمنع اذ تحط مبلغ بسيط تجرب حظك فيه
بس لايكون هالمبلغ حق تحويشة العمر ههههه
عموما انا انصح الناس تشتغل في التجاره
فيها بركه وفيها رزق لك ولغيرك
وربي ارزقني وارزق مني

اختي السلام عليكم عندي لك اقتراح اتمنى انك تسوينه

اولا تقولين عندك تجربه بالاسهم حتى لو بسيطه عالاقل تعرفين تدخلين وتستخدمين التداول وتفهمين في بعض المصطلحات

عموما اللي ابي اقوله


انا تعاملت بالسوق وللاسف خسرت 3 ارباع راس مالي الكثير لان اعتمادي كان على المحللين ومحللين كبار لكن للاسف يحللون ع المزاج وعاطافيين وبالنزول مايتكلمون مثل مايتكلمون بالطلوع

عشان كذا انصحك تتعلمين التحليل بنفسك لان ماراح يخاف على فلوسك مثلك

بخصوص الدورات لاتتعلمين عند احد انا تعلمت عند محللين مشهورين وماستفدت شي حسيت فيه اشياء غلط كثير عندهم لان تعليمهم من كتب مترجمه واساسيات تقليديه ماتنفع

شفت محلل يختلف عن كل هالمحللين ماشاءالله عنده 3 ماجستير تحليل من برى وعايش برى وعنده شهادات كثيره وتحليله وطريقته وتفكيره يختلف عن محللينا الجحلط المشهورين اللي يطبل ويجامل ويتهور

هذا اللي اقولك عليه مشهور بالتحليل المالي والفني ومثقف وواقعي

الزبده بيسوي دوره بداية الشهر الميلادي الجاي لمدة 6 شهور بقيمة 14 الف وربي اني اعتبرها رخيصه
لان دورات المحللين المشهورين 5 ايام وقيمتها 5000

اذا بغيتيها او اي احد يبيها يعلمني واعطيه اسم المحلل بتويتر خاص

المشكله انك حددت موعد للخروج وهذا غير غير صحيح في سوق الاسهم
فرضا انك كنت في هذا التاريخ معلق في اسهم خاسره اكثر من 50 % من سعر الشراء هل ستخرج خاسرا
ربما لن تتمكن من الخروج بعد خمس سنوات

لدي صديق كان لديه 375000 ريال والله العضيم حذرته من الدخول مرارا وتكرارا ولكنه اصر على الدخول
وكان عذره ان السوق له زمن وهو يخسر ولن يخسر اكثر من ذلك ووافقه في الراي الكثير من المحللين
ولكن السوق خالف توقعات الجميع واستمر في الهبوط وهو الان معلق منذو خمس سنوات

اذا ما عندك على الاقل 50 مليون ما تقدر تربح فيه لان اللي فيه اصحاب الملايين يرفعونه و ينزلونه على كيفهم... نصيحة ابعدوا عن سوق الاسهم..

هذه الفرصة تشتري اسهم التي يتم فيها توزيع ارباح مثل بترورابغ لأنه نازل سعره رخيص وخل الاسهم انساهم وانتظر توزيع الارباح