سلام عليكم ورحمة الله وبركاته حاب اقولكم شي وي ليت تفيدوني انا اتالم من مرض لي اربع سنين بجانب القلب والظهر رحت المسشفيات على بداية المرض قالو لي مافيك شي رحت مستوصف خاص قالي معك رومتيزم في القلب او م يسمى الابهر عطاني ابره وبعد سته شهور رجع ورحت لنفس لدكتور وعطاني ابرهه برضو اختفى المرض ورجع بس الدكتور قفل عيادته وخليت المرض معي يختفي ويرجع وعلى هالحال بس الححين زاد فيني وماقدر وش اسوي وكل مابي اروح عندي ضروف عائليه وماديه وخايف اعلم اهلي وازيدهم الهم همين بس والله ي اخواني اني كل يوم اتشهد وقول الله يحسن الخاتمه ضيق تنفس وجع بقلبي ويديني مقدر وكل مجاني المرض اطلع برا عشان اهلي م يحسسون لاكن الحيين وصلت مرحلة خلاصص احسس قربت وفاتي والموت بيد الله لاكن ي اخوان هل تفتح المستشفيات بليل ويسسون فحص كامل مثل الصبح ولا لا يختلف لاني الصبح مقدر عندي اهلي مقدر اخليهم تكفون ي اخوان ارجي الله ثم انتم مع العلم عمري 18 سنه اكيد بتقولون كيف يجيك وانت صغير لاكن والله اني اتكلم وانا اتوجع من مرضضي فيدوني ياخوان

وعليكم السلام ورحمة الله وبركاته ..

اولاً ماتشوف شر وان شاء الله مافيك الا كل خير ..

ثانياً يا اخي لازم تحرص على نفس تروح اقرب مستشفى

وتسوي فحص وتحليل شامل ترى الحكومه يسونه مجاناً ..

ياليت تذكر انت من اي مدينة ؟

احرص على نفسك ولاتهمل نفسك اكيد المرض اذا اهملته بيزيد عليك ..

واذا تقدر رح لاقرب شيخ خله يقرأ عليك ..

الله يجزاك خير صحيح انا اهملت نفسي ضروفي العائليه م سمحت لي اني اروح بعد اربع سنوات اعاني بنسبه للمدينه انا من سكان تبوك

عادي راجع المستشفى واهتم واذا درو اهلك يمكن يخلونك تهتم بنفسك اما مسأله تخبي عشان ماتزيد همهم مو عذر صحتك اهم شي

اخي مازيد علي كلام الاخوان لكن تمر بي نفس الحالة وهي الم بالقرب من القلب وايضا بالظهر وخاصه الكتف الايسر وتحس نفسك ضايق اعلمك اللي حاصل معي اكشف علي المعده وهل هناك مشاكل لديك او لا الله يرفع عنك وممكن تقول وش دخل المعده انا تمر معي نفسي الحاله واكد لي الدكتور هالشي ممكن يكون الحاله غير بس حبيت اوضح لك

الله يشفيك ويعافيك

دكتور بمستشفى حكومي انا أثق فيهم أكثر من خاص،،،،
سوي تحاليل عن فيتامين دال وكل فيتامينات وقولون
والمعده،،،،
وهل أنت سمين أولا اذا سمين خفف،،،،
ولازم تقول لدكتور عن ابرتين اللي خذيتها ونه قالولك
روماتيزم حلل مره ثانيه عشان تتأكد ،،،،،
ولايضيع وقتك إنت خايف أو تفكر وش فايده وأي أنسان
صغير أو كبير معرض للمرض المهم علاج والاهتام
ومسألة تحليل روماتيزم أو نقص فيتامينات ولكالسيوم
وفقر دم بجلسه سوي تحاليل وتابع مع دكتور اول ب اول
المهم تروح سواء لحالك أو مع أحد من أهلك
وذا كنت مدخن اترك دخان أو أن أحد من اصدقاءك اويقرب
لك يدخن بعد أبعد عنه
ماتشوف شر وروح من بكرا اذا يمديك موضوع
جدا سهل في ناس مافيها شي وتروح
،،،، في أمور حنا بشر نكبرها وهي مره سهله انت 4 سنوات
متعب نفسك وموضوع ترى مايسوى عقلك باطني كبرها خلي
روحتك لطبيب روتين عادي وركز ع امورك
حياتيه ونبسط أما روماتيزم يجي كبار وصغار
هذي هي حياة ووضع طبيعي بس انت
مكبره ،،،،
وهتم بتغذيتك أسأل دكتور بعد ماتعرف وش عندك وش تاكل وش تقلل
وبحث بالنت عن الاكل المناسب أكثر

وعليكم السلام ورحمة الله وبركاته
اخوي ربي يشفيك نصيحة روح لمستشفى حكومي الخاص
بالغالب ادويتهم قويه.. فالأفضل تروح للحكومة حتى يفتح لك ملف
ويتابع معك..
وبخصوص أهلك من رأى بعد ماتفتح ملف وتطمئن تعلمهم حتى
يكونون معك بالصوره.. وحاول تخفف من الجلسة عند المكيف آو خفف الدرجة
واسأل الله عز وجل أن يشفيك وجميع مرضى المسلمين..

__________________
"لله دُر أمي إذا ابتسمت
تهادت جروح قلبي والتئمت"

جرب روح طبيب شعبي اذا ابهر علاجه اظن يطقونه يعني يضغطونه لين يطق

وقدامك العافيه