السلام عليكم ورحمة الله وبركاته
بدون مقدمات ندخل بالموضوع على طول
عند الوالد ارض تجارية ، وابسوي عليها محلات تجارية . هذه فكرتي ?

لكن من فين ابدا وايش اسوي بصراحة الى الان ماني عارف ، افيدونا ياأهل الخبرة.

و عليكم السلام و رحمة الله و بركاته

أول شي اخوي لازم تأخذ رخصة بناء من البلدية عشان مايغرمونك لأنك بنيت بدون ترخيص

و الباقي ان شاء الله سهل

اذا احتاج في البداية رخصة بناء .

اقدر انا اطلعها ولا لازم مالك الارض اللي هو الوالد

وبعدها اش الخطوة التالية ? هل احتاج سجل تجاري

فينكم ياخوان

خلي الوالد يسوي لك تفويض وتقدر تطلع الرخصة من البلدية بنفسك

لا تحتاج سجل تجاري . المستأجر هو من يصدر السجل التجاري للمحل

أنت فقط تحتاج الى رخصة بناء ارض تجاريه .

الله يعطيكم العافية ماقصرتوا ..
طيب وبعد رخصة البناء ضروري تخطيط المحلات يكون من مكتب هندسي ولا عادي اسويه على ورق (مسودة)وابدا في البناء

اهلا اخي

لا تفكر الامر سهل
لانها محلات تجارية ولها اشتراطات اول شئ تدور مكتب هندسي وبيفيدك بكل شئ لانه عندهم اشتراطات البناء ويسوي لك مخطط وتعتمدة من البلدية وبعدها تبدأ تبني

اتمنى لك التوفيق

الله يوفقكم جميعا ويجزاكم خيرا

أعرف أحد الأشخاص قام ببناء الارض من الفايبر وكان عمل مبسط وقام بتأجيره على درعه والعربيه

استفيد من هذه الفكره ان لم يكن لديك السيوله الكامله لبناءها بالحجر